దటీజ్ మహేష్ బాబు.. బుర్రపాలెంలో వ్యాక్సిన్ పంపిణీపై సర్వత్రా హర్షం

రీల్ లైఫ్‌లోనే కాదు రియల్ లైఫ్‌ హీరో అనిపిస్తున్నారు సూపర్ స్టార్ . ఇప్పటికే కొన్న వందలమంది చిన్నారులకు హార్ట్ ఆపరేషన్స్ చేయిస్తూ ప్రాణం నిలుపుతున్నా ఈ రియల్ హీరో.. తన స్వగ్రామం బుర్రిపాలెంని దత్తత తీసుకుని అనేక అభివృద్ది కార్యక్రమాలను చేపడుతున్న విషయం తెలిసిందే. కాగా నేడు సూపర్ స్టార్ కృష్ణ పుట్టినరోజు కావడంతో మరో మంచి కార్యక్రమానికి పూనుకున్నారు మహేష్ బాబు. కరోనా వ్యాధి సోకకుండా తన సొంత గ్రామంలో ప్రజలందరికీ వ్యాక్సిన్ వేయించే కార్యక్రమానికి పూనుకున్నారు. వ్యాక్సిన్ పంపిణీకి సంబంధించిన ఏర్పాట్లు చేసి.. గ్రామ ప్రజలకు అవసరమైన వైద్య సదుపాయలను అందిస్తున్నారు. ఆరురోజుల పాటు ఈ వ్యాక్సిన్ పంపిణీ జరిగేలా చర్యలు చేపట్టారు. బుర్రిపాలెం గ్రామంలో మొత్తం 12 వార్డులు ఉండగా.. అందరికీ ఒకేసారి వ్యాక్సిన్ ఇవ్వడం కుదరదు కాబట్టి రోజుకి రెండు వార్డుల చొప్పున మొత్తం ఆరో రోజుల్లో 12 వార్డుల ప్రజలకు వ్యాక్సిన్ పంపిణీ చేయనున్నారు. ఈ వ్యాక్సిన్ పంపినీ సందర్భంగా సూపర్ స్టార్ మహేష్ బాబు సోషల్ మీడియా ద్వారా స్పందిస్తూ.. ఈ కార్యక్రమంలో వాలంటీర్స్‌గా సేవలు అందిస్తున్న ‘టీం మహేష్ బాబు’ సభ్యులకు ‘ఆంధ్రా హాస్పటల్’ వైద్యులకు ధన్యవాదాలు తెలుపుతూ ఫొటోలను షేర్ చేశారు. అయితే మహేష్ బాబు మాదిరే ఇతర హీరోలు కూడా ముందుకు వచ్చి ఈ కరోనా వ్యాప్తిని అరికట్టడానికి చర్యలు చేపడితే బాగుంటుందని అనేక మంది అభిప్రాయపడుతున్నారు. కాగా మెగాస్టార్ చిరంజీవి కూడా కరోనా వ్యాప్తిని అరికట్టడానికి అనేక చర్యల్ని చేపట్టారు. కరోనా సోకిన రోగుల కోసం కోట్లు ఖర్చు పెట్టి ఆక్సిజన్‌ని అందిస్తున్న విషయం తెలిసిందే.

from Telugu Movie News | Movie News in Telugu | Movie Gossips in Telugu https://ift.tt/3p3dAnw
v