టాలీవుడ్ మన్మథుడు ‘’ మూవీ రిలీజ్‌కి రెడీ అయ్యింది. ఏప్రిల్ 2న భారీ అంచనాలతో ప్రేక్షకులకు ముందు వస్తున్న ఈ మూవీ ప్రమోషన్స్‌లో బిజీ అయ్యారు కింగ్ నాగార్జున. స్టార్ మా ఛానల్‌లో ప్రసారం అవుతున్న ‘స్టార్ట్ మ్యూజిక్’ కార్యక్రమంలో ‘వైల్డ్ డాగ్’ టీంతో కలిసి సందడి చేశారు నాగార్జున. అందమైన యాంకర్లతో గన్ ఎలా పట్టుకోవాలో నేర్పిస్తూ.. తన మన్మథ కళకు మరోసారి పదును పెట్టారు కింగ్ నాగార్జున. మంజూష, శ్యామల, సుమ, విన్ధ్యా విశాఖ మొదలైన అందమైన యాంకర్లకు గన్ ఎలా పట్టుకోవాలి? ఎలా షూట్ చేయాలి అన్న దానిపై ట్రైనింగ్ ఇచ్చి ఫుల్ ఎంటర్ టైన్ చేశారు నాగార్జున. అయితే మధ్యలో యాంకర్ రవి వచ్చి నాక్కూడా గన్ పట్టుకోవడం నేర్పించండి సార్ అని అడగ్గా.. హోపో అన్నట్టుగా నాగార్జున ఎక్స్ ప్రెషన్స్ ఇచ్చి లేడీ యాంకర్లపై మన్మథబాణం విసిరారు. ఈ ప్రోమోలో నాగార్జునతో పాటు.. వైల్డ్ డాగ్ మూవీ హీరోయిన్ దియా మీర్జా, అలీ రెజా తదితరులు సందడి చేశారు. మొత్తంగా ఎంతమంది ఉన్నప్పటికీ 60 ఏళ్ల వయసులో కూడా గ్రీకువీరుడిగా కనిపించి స్పెషల్ అట్రాక్షన్ అయ్యారు కింగ్ నాగార్జున. ఇక వైల్డ్ డాగ్ మూవీ విషయానికి వస్తే.. ఈ మూవీలో నాగార్జున డేర్ డెవిల్ ఎన్‌కౌంటర్ స్పెషలిస్ట్ ఏసీపీ విజయ్ వర్మ పాత్రలో నటిస్తుండగా.. ఆయన సరసన దియామీర్జా హీరోయిన్‌గా నటిస్తోంది. సయామీ ఖేర్ కీలక పాత్ర పోషిస్తున్నారు. అహిషోర్ సాల్మోన్ ద‌ర్శక‌త్వం వహిస్తున్నారు. మ్యాట్నీ ఎంట‌ర్‌టైన్‌మెంట్ బ్యానర్‌పై నిరంజన్‌రెడ్డి, అన్వేష్‌రెడ్డి సంయుక్తంగా నిర్మించిన ఈ చిత్రం ఏప్రిల్ 2న రిలీజ్ కానుంది.
from Telugu Movie News | Movie News in Telugu | Movie Gossips in Telugu https://ift.tt/3u5CCUb
v
No comments:
Post a Comment