నటసింహా నందమూరి హీరోగా బోయపాటి శ్రీను దర్శకత్వంలో వస్తోన్న మూడో సినిమాపై ఇప్పటికే భారీ అంచనాలున్నాయి. ఈ సినిమాలో బాలకృష్ణ రెండు విభిన్నమైన పాత్రల్లో కనిపించనున్నారు. ఇప్పటికే విడుదలైన బాలకృష్ణ పరిచయ వీడియో విపరీతంగా ఆకట్టుకుంది. బాలకృష్ణ కొత్త లుక్‌లో అబ్బురపరిచారు. ఈ సినిమాకు సంబంధించి ఇప్పటికే బోలెడన్ని రూమర్లు మీడియాలో వినిపించాయి. తాజాగా మరో క్రేజీ రూమర్ చక్కర్లు కొడుతోంది. నందమూరి హీరోలు బాలకృష్ణ, కళ్యాణ్ రామ్, ఎన్టీఆర్‌లను ఒకేసారి వెండితెరపై చూడాలని అభిమానులు ఎప్పటి నుంచో ఆసక్తిగా ఎదురుచూస్తున్నారు. అయితే బాలకృష్ణ, కళ్యాణ్ రామ్ ఇప్పటికే ‘యన్.టి.ఆర్’ సినిమాలో కలిసి నటించారు. ఇప్పుడు మరోసారి వీరిద్దరూ బోయపాటి సినిమాలో కలిసి నటించబోతున్నారని వదంతులు వినిపిస్తున్నాయి. ఈ సినిమాలో కళ్యాణ్ రామ్ అతిథి పాత్ర చేయబోతున్నారట. ఇంటర్వెల్ బ్లాక్‌లో కళ్యాణ్ రామ్ ఎంట్రీ ఉంటుందని అంటున్నారు. పవర్ ఫుల్ పోలీస్ ఆఫీసర్‌గా కళ్యాణ్ రామ్ కనిపిస్తారట. అయితే, దీనిపై అధికారిక ప్రకటన వస్తే కానీ స్పష్టత రాదు. ఇదిలా ఉంటే, ఈ సినిమా షూటింగ్ ప్రస్తుతం రామోజీ ఫిలిం సిటీలో జరుగుతున్నట్టు సమాచారం. బాలయ్య కూడా ఈ షెడ్యూల్‌లో పాల్గొంటున్నారట. పూర్ణ, సయేషా హీరోయిన్లుగా నటిస్తున్నారని ఇప్పటికే వార్తలు వచ్చాయి. వీరు ముగ్గురూ ప్రస్తుత షెడ్యూల్‌లో పాల్గొంటున్నారని టాక్. కాగా, ఈ చిత్రాన్ని మిర్యాల రవీందర్ రెడ్డి నిర్మిస్తున్నారు. తమన్ సంగీతం సమకూరుస్తున్నారు. Also Read:
from Telugu Movie News | Movie News in Telugu | Movie Gossips in Telugu https://ift.tt/3qdk7w2
v
No comments:
Post a Comment