కొరియోగ్రాఫర్లు దర్శకులుగా మారడం ఇండస్ట్రీలో కొత్తేమీ కాదు. ఫరాఖాన్, ప్రభుదేవా, లారెన్స్, అమ్మ రాజశేఖర్.. ఇలా బాలీవుడ్ నుంచి టాలీవుడ్ వరకు చాలా మంది కొరియోగ్రాఫర్లు దర్శకులుగా విజయం సాధించారు. అయితే, టాలీవుడ్‌లో స్టార్ కొరియోగ్రాఫర్‌గా ఎదిగిన జానీ మాస్టర్ కూడా దర్శకుడిగా మారుతున్నారనేది మూడేళ్ల క్రితం మాట. అది కూడా పవర్ స్టార్ పవన్ కళ్యాణ్‌ను జానీ మాస్టర్ డైరెక్ట్ చేయబోతున్నారని 2017లోనే వార్తలు వచ్చాయి. దీనికి కారణం జానీ మాస్టరే. పవన్ కళ్యాణ్‌కు జానీ మాస్టర్ వీరాభిమాని. పాటలకు జానీ మాస్టర్ కొరియోగ్రఫీ కూడా అందించారు. అయితే, పవన్ కళ్యాణ్‌ను డైరెక్ట్ చేయాలని ఉందని.. ఎప్పటికైనా ఆయనతో సినిమా చేస్తానని గతంలో ఓ ఇంటర్వ్యూలో జానీ మాస్టర్ అన్నారు. అప్పటి నుంచి అప్పుడప్పుడు దీని గురించి వార్తలు వస్తూనే ఉన్నాయి. తాజాగా మరోసారి ఈ టాపిక్ తెరపైకి వచ్చింది. అయితే, ఈ సారి ఒక అడుగు ముందుకు కదిలింది. అదేంటంటే.. జానీ మాస్టర్ దర్శకత్వంలో నటించడానికి పవన్ కళ్యాణ్ పచ్చజెండా ఊపేశారట. Also Read: పవన్ కళ్యాణ్ కోసం ఒక కథను సిద్ధం చేసిన జానీ మాస్టర్ ఇటీవలే ఆ కథను పవర్ స్టార్‌కు నెరేట్ చేశారని ఇండస్ట్రీ వర్గాల సమాచారం. ఈ కథ విన్న పవన్ కళ్యాణ్ సినిమా చేయడానికి అంగీకరించారని అంటున్నారు. పవన్ ఓకే చేయడంతో ఈ కథను రామ్ చరణ్‌కు కూడా వినిపించారట జానీ. చరణ్‌కు కూడా ఈ కథ నచ్చడంతో ఆయనే స్వయంగా కొణిదెల ప్రొడక్షన్ కంపెనీ బ్యానర్‌లో ఈ సినిమాను నిర్మిస్తానని జానీకి హామీ ఇచ్చారని టాక్. ఈ రూమర్‌లో నిజమెంతో తెలీదు కానీ వినడానికి మాత్రం చాలా క్రేజీగా ఉంది. మరి ఈ రూమర్‌లో నిజమెంతో తెలియాలంటే కొన్ని రోజులు ఆగాల్సిందే. ప్రస్తుతం పవన్ కళ్యాణ్ వరుస ప్రాజెక్టులతో బిజీగా ఉన్నారు. ‘వకీల్ సాబ్’ విడుదలకు సిద్ధమవుతోంది. సంక్రాంతి కానుకగా ఈ చిత్రాన్ని ప్రేక్షకుల ముందుకు తీసుకొచ్చేందుకు సన్నాహాలు చేస్తున్నారు. ఇది కాకుండా క్రిష్ జాగర్లమూడి, హరీష్ శంకర్, సాగర్ చంద్ర దర్శకత్వంలో వరుస సినిమాలు చేయనున్నారు పవర్ స్టార్. ఈ సినిమాలన్నీ పూర్తిచేసిన తరవాత జానీ మాస్టర్ దర్శకత్వంలో సినిమా ఉంటుందని అంటున్నారు.
from Telugu Movie News | Movie News in Telugu | Movie Gossips in Telugu https://ift.tt/3odFpIb
v
No comments:
Post a Comment