ఘనంగా కాజల్, గౌతమ్ పెళ్లి: మెరిసిపోతున్న చందమామ.. ఫొటో వైరల్

టాలీవుడ్ అందాల చందమామ , వ్యాపారవేత్త గౌతమ్ కిచ్లు వివాహ బంధంతో ఒక్కటయ్యారు. వీరి వివాహం శుక్రవారం రాత్రి ముంబైలోని తాజ్ మహల్ ప్యాలస్‌లో ఘనంగా జరిగింది. నూతన దంపతులు కాజల్-గౌతమ్ ఫొటో ప్రస్తుతం సోషల్ మీడియాలో వైరల్‌గా మారింది. ఈ వైరల్ ఫొటోలో కాజల్ అగర్వాల్, గౌతమ్ సంప్రదాయ దుస్తుల్లో మెరిసిపోతున్నారు. కాజల్ లేత ఎరుపు రంగు లెహంగా ధరించగా.. గౌతమ్ లేత గులాబీ రంగు షేర్వాణీలో హుందాగా కనిపిస్తున్నారు. కాజల్ పెళ్లి మండపం కూడా చాలా అందంగా ఉంది. మొత్తం పువ్వులతోనే డెకరేట్ చేశారు. నూతన దంపతుల వెనుక లేత ఎరుపు రంగు గులాబీ పువ్వులతో డెకరేట్ చేశారు. ఇక అతిథులు కూర్చునే కుర్చీల చుట్టూ తెలుపు రంగు పువ్వులతో అలంకరించారు. ముంబైకి చెందిన వ్యాపారవేత్త గౌతమ్ కిచ్లును వివాహం చేసుకుంటున్నట్టు అక్టోబర్ నెల ప్రారంభంలో కాజల్ అగర్వాల్ ప్రకటించిన విషయం తెలిసిదే. ఆయనతో నిశ్చితార్థం జరిగినట్టు ప్రకటించిన కాజల్.. ఆ ఫొటోలను మాత్రం ఫ్యాన్స్‌తో షేర్ చేసుకోలేదు. అక్టోబర్ 30న తమ వివాహం ముంబైలో జరగనున్నట్టు ప్రకటించారు. ఈ వివాహ వేడుక కోసం ఆమె అభిమానులు ఆసక్తిగా ఎదురుచూశారు. పెళ్లికి మూడు రోజులు ముందుగానే ముంబైలోని కాజల్ నివాసంలో ప్రీ వెడ్డింగ్ సందడి మొదలైంది. మెహందీ, హల్దీ, సంగీత్ వేడుకలను కుటుంబ సభ్యులు సందడిగా నిర్వహించారు. మెహందీ, హల్దీ ఫంక్షన్‌కు సంబంధించి కాజల్ ఫొటోలు ఇప్పటికే సోషల్ మీడియాలో వైరల్ అయ్యాయి. ఈరోజు కూడా కాజల్, గౌతమ్ ఫొటోలు సోషల్ మీడియాలో చక్కర్లు కొట్టాయి. కొవిడ్ నిబంధనలను పాటిస్తూ కుటుంబ సభ్యులు, సన్నిహితుల సమక్షంలో కాజల్-గౌతమ్ వివాహం ఈరోజు రాత్రి ఘనంగా జరిగింది.

from Telugu Movie News | Movie News in Telugu | Movie Gossips in Telugu https://ift.tt/3mIlfFv
v