బిగ్ బాస్ బ్యూటీ, నటి భూపాలం తనకు పెళ్లి కుదిరినట్టు నిన్న సోషల్ మీడియా ద్వారా వెల్లడించిన విషయం తెలిసిందే. తనకు నిశ్చితార్థం అయినట్టు తెలియజేస్తూ ఉంగరం వేలును చూపుతూ ఇన్‌స్టాగ్రామ్‌లో ఒక పోస్ట్ పెట్టారు పునర్నవి. అంతకు మించి వివరాలేవీ బయటపెట్టలేదు. అయితే, ఈరోజు తన కాబోయే భర్తను పున్ను పరిచయం చేశారు. అతని పేరు ఉద్భవ్ రఘునందన్. ఆయన కూడా సినీ పరిశ్రమకు చెందినవారే. నటుడు, స్క్రీన్ రైటర్. నిన్నటిలానే ఈరోజు కూడా పునర్నవి తన ఎంగేజ్‌మెంట్ రింగ్ చూపిస్తూ కాబోయే భర్త ఫొటోను కూడా కాస్త బ్లర్ చేసి చూపించారు. ఈ ఫొటోను ఇన్‌స్టాగ్రామ్‌లో పోస్ట్ చేసిన పున్ను.. ‘‘నేను అవును అని చెప్పాల్సి వచ్చింది. ఉద్భత్ రఘునందన్, నేను మా బిగ్ డే గురించి రేపు చెబుతాం’’ అని పేర్కొన్నారు. ఇక రఘునందన్ అయితే పున్నుతో తీసుకున్న ఫొటోను ఇన్‌స్టాగ్రామ్‌లో పోస్ట్ చేశారు. ‘‘పునర్నవి యస్ చెప్పింది. చాలా ఆనందంగా ఉంది. ఆ బిగ్ డే గురించి రేపు మీకు చెప్పడానికి ఎంతో ఆత్రుతగా ఎదురుచూస్తున్నా’’ అని రఘునందన్ పేర్కొన్నారు. ఈ ప్రకటనలు చూస్తుంటే ఎవరైనా వీళ్లకు నిజంగా నిశ్చితార్థం అయిపోయిందేమో, రేపు ప్రకటించబోయేది పెళ్లి తేదీనేమో అనే అనిపిస్తుంది. కానీ, కాస్త లోతుగా ఆలోచిస్తే ఇది వాళ్లు నటించిన వెబ్ సిరీస్ ప్రచారం అని అర్థమవుతోంది. ప్రముఖ తెలుగు ఓటీటీ ప్లాట్‌ఫాం ‘ఆహా’ కోసం వీళ్లిద్దరూ ఒక వెబ్ సిరీస్‌లో నటించారు. ఇటీవలే వీరిద్దరూ డబ్బింగ్ కూడా పూర్తిచేశారు. హిందీ వెబ్ సిరీస్ ‘పర్మనెంట్ రూంమేట్స్’కు ఇది రీమేక్. ఈ వెబ్ సిరీస్ ప్రచారంలో భాగంగానే పున్ను ఈ ఎంగేజ్‌మెంట్ ప్లాన్ వాడుతున్నట్టు సమాచారం. నిజానికి ఈ ఉద్భవ్ రఘునందన్ అసలు పేరు పృథ్వీరాజ్ సంపర. సినిమాలంటే పిచ్చి. యూట్యూబ్‌లో ఈయనకు ‘చికాగో సుబ్బారావు’ అనే ఛానెల్ ఉంది. షార్ట్ ఫిలింస్ చేస్తూ ఈ ఛానెల్‌లో ఆయన పెడుతుంటారు. ఈ షార్ట్ ఫిలింస్‌కు దర్శకుడు, నిర్మాత కూడా ఆయనే. ఇప్పటి వరకు షార్ట్ ఫిలింస్ నటుడిగా ఉన్న ఈయన ఇప్పుడు వెబ్ సిరీస్ ద్వారా ఓటీటీ ప్లాట్‌ఫాంలోకి అడుగుపెడుతున్నారు. దీని కోసమే ఆయన తన పేరును ఉద్భవ్ రఘునందన్ అని మార్చుకున్నట్టున్నారు. Also Read:
from Telugu Movie News | Movie News in Telugu | Movie Gossips in Telugu https://ift.tt/3mzhimo
v
No comments:
Post a Comment