ఆ ఫంక్షన్‌లో వాడు నా నడుము గిల్లేశాడు, హీరో నరేష్ వాడితో ఫైట్ చేశారు: హీరోయిన్ లతా శ్రీ

హీరో నరేష్, సీత హీరో హీరోయిన్లుగా నటించిన ‘పోలీస్ భార్య’ 90లో పెద్ద హిట్ మూవీ. రేలంగి నరసింహరావు దర్శకత్వంలో వచ్చిన ఈ సినిమా వందరోజుల సినిమా వేడుకలో జరిగిన ఇన్సి డెంట్‌ను షేర్ చేసుకున్నారు అలనాటి నటి లత శ్రీ. ‘పోలీస్ భార్య’ చిత్రంలో బోల్డ్‌గా కనిపించింది లతా శ్రీ. అప్పట్లో ఆమెకు హాట్ హీరోయిన్‌గా పేరు. అయితే ఆమె నటించిన ‘పోలీస్ భార్య’ చిత్రం వందరోజుల వేడుకలో ఆడియన్స్‌లో ఒకడు తనతో అసభ్యకరంగా ప్రవర్తించడంతో చెంప పగలకొట్టా అని చెప్పు కొచ్చింది ఈ హీరోయిన్. ‘బేసిక్‌గా నాకు కోపం ఎక్కువ.. ‘పోలీస్ భార్య’ మూవీ వంద రోజుల ఫంక్షన్ జరుగుతుంది. అప్పట్లో ఆర్టిస్ట్‌లు బయటకు వచ్చేవారు కాదు.. ఆ వేడుకకు చాలామంది జనం వచ్చారు.. ఆర్టిస్ట్‌లు అందరం వస్తుంటే.. హీరో నరేష్, హీరోయిన్ సీత అందరం కలిసి వెళ్తున్నాం.. ఈలోపు వెనుక నుంచి వచ్చి ఒకడు నడుముని గట్టిగా గిల్లేశాడు. వాడివైపు కోపంగా చూస్తుండగానే మళ్లీ రెండోసారి ఏదో చేయడానికి మీదికి వస్తున్నాడు. నాకు పిచ్చ కోపం వచ్చి వాడి చేయిపట్టుకుని వెనక్కి తిప్పి ఒక్కటి ఇచ్చా. వెంటనే వాడు అక్కడ నుంచి వెళ్లిపోయి గ్యాంగ్‌ని తీసుకుని వచ్చాడు. ఓ పది మందిని తీసుకుని మా మీదికి వచ్చాడు. ఏంటి మావాడ్ని కొట్టావ్ అంటూ మీది మీదికి వస్తుంటే.. హీరో నరేష్ గారు రియల్ హీరో అనిపించారు. వాళ్లతో ఫైట్ చేసి.. అందర్నీ వెనక్కి నెట్టేసి పోలీసుల్ని పిలిచించారు. అక్కడ్నుంచి హీరో నరేష్ గారే నాకు ప్రొటక్షన్‌గా ఉండి వేన్ ఎక్కించి ఇంటికి పంపారు’ అంటూ చెప్పుకొచ్చారు . పదోతరగతి ఉండగానే హీరోయిన్‌గా ఎంట్రీ ఇచ్చిన లతా శ్రీ.. నాటి అగ్రహీలందరితోనూ నటించింది. యమలీల, నెంబర్ వన్, ఆ ఒక్కటీ అడక్కు లాంటి హిట్ చిత్రాల్లో నటించిన లతా శ్రీ.. తెలుగు, కన్నడ, హిందీ భాషల్లో 70కి పైగా చిత్రాల్లో నటించింది. హీరో క్రిష్ణ, బాలయ్య, రాజేంద్ర ప్రసాద్ సినిమాల్లో నటించింది. నాటి అగ్రహీరోలకు చెల్లెలుగా నటించి మెప్పించింది లతా శ్రీ. 1990లో జిమ్ ట్రైనర్‌ను ప్రేమించి పెళ్లాడిన ఈమె ఆ తరువాత సినిమాలకు దూరమయ్యారు. చివరిగా ఈవీవీ ‘అత్తిలి సత్తిబాబు’ చిత్రంలో కనిపించారు లతా శ్రీ. Read Also:

from Telugu Movie News | Movie News in Telugu | Movie Gossips in Telugu https://ift.tt/31Igvrx
v