ఒకే ఒక్క పాత్రతో ఆదిత్య ఓం ‘బంధీ’.. ఆసక్తిరేపుతోన్న ఫస్ట్ లుక్

పక్కా కమర్షియల్ సినిమాలకు పుట్టినిల్లు అయిన తెలుగు సినీ పరిశ్రమలో ఇప్పుడు ట్రెండ్ మారింది. గత కొన్నేళ్లుగా ప్రయోగాత్మక సినిమాలు టాలీవుడ్‌లో సత్తా చాటుతున్నాయి. అందుకే, కేవలం కమర్షియల్ సినిమాలే కాకుండా ప్రయోగాత్మక సినిమాలను నిర్మించేందుకు నిర్మాతలు ముందుకొస్తున్నారు. తెలుగు ప్రేక్షకులు సైతం ఈ ప్రయోగాత్మక సినిమాలను ఆదరిస్తుండటం మంచి పరిణామం. రొటీన్ కమర్షయల్ అంశాలకు దూరంగా కాన్సెస్ట్ మీద ఆధారపడి ఈ మధ్య కాలంలో వచ్చిన ఎన్నో సినిమాలను తెలుగు ప్రేక్షకులు ఆదరించారు. ఇప్పుడు అలాంటి కాన్సెప్ట్ ఓరియెంటెడ్ మూవీ ఒకటి రాబోతోంది. ‘లాహిరి లాహిరి లాహిరిలో’ సినిమాతో తెలుగు ప్రేక్షకులకు పరిచయమై ఆ తరవాత ఎన్నో చిత్రాల్లో నటించి గుర్తింపు తెచ్చుకున్న నటుడు ఆదిత్య ఓం. ఈ నటుడు ఇప్పుడు ఓ సరికొత్త ప్రయోగాత్మక చిత్రంలో నటిస్తున్నారు. ఈ చిత్రానికి ‘బంధీ’ అనే టైటిల్‌ని ఖరారు చేశారు. ఈ సినిమాలో పాత్ర ఒక్కటే ఉంటుంది. అడవుల నరికివేత, వాతావరణ మార్పు తదితర అంశాలను ఈ సినిమాలో చర్చించనున్నారు. ‘బంధీ’ ఫస్ట్ లుక్‌ను సోమవారం విడుదల చేశారు. ఈ ఫస్ట్ లుక్ పోస్టర్‌లో ఆదిత్య ఓం అడవిలో తాళ్లతో కట్టి బంధించి ఉన్నారు. ఆయనపై నుంచి బల్లి పాకుతోంది. పక్కన చెట్టు మీద కొండచిలువ ఉంది. మొత్తం మీద ఈ పోస్టర్ ఆసక్తిరేకెత్తిస్తోంది. Also Read: ఈ సినిమా గురించి ఆదిత్య ఓం మాట్లాడుతూ.. ‘‘సినిమా మొత్తం ఒకే ఒక్క పాత్రతో ఉంటుంది. ఇలాంటి ప్రయోగాత్మక సినిమా తెలుగులో రావటం ఇదే తొలిసారి. ఆ అవకాశం నాకు రావడం ఎంతో ఆనందంగా ఉంది. తెలుగు, హిందీ, తమిళ భాషల్లో చిత్రీకరణ జరుపుకుంటోంది. ఇంతకు ముందు తెలుగు ప్రేక్షకులు నన్ను ఎలా ఆదరించారో అలాగే ఇప్పుడు ఆదరిస్తారని ఆశిస్తున్నాను. మా ఈ ప్రయత్నాన్ని ప్రేక్షకులు విజయవంతం చేయాలని కోరుకుంటున్నాను’’ అని అన్నారు. ఈ సినిమాకు రాఘవ.టి దర్శకత్వం వహిస్తున్నారు. మధుసూదన్ కోట సినిమాటోగ్రఫీ అందిస్తున్నారు. రాకేష్ గోవర్థన్‌గిరి కథ, స్క్రీన్ ప్లే రాశారు.

from Telugu Movie News | Movie News in Telugu | Movie Gossips in Telugu https://ift.tt/2OHN69D
v