కంటతడి పెట్టుకున్న సోనూ సూద్.. టీవీ షోలో భావోద్వేగం

ప్రస్తుతం దేశవ్యాప్తంగా వినిపిస్తోన్న పేరు ఒకటే . ఊరువాడ ఇప్పుడు ఈ రియల్ హీరో గొప్పతనం గురించే చెప్పుకుంటున్నారు. ఎక్కడ చూసిన సోనూ పేరు మారు మోగిపోతుంది. కరోనా లాక్ డౌన్‌తో రోడ్డున పడ్డ వలస కార్మికులకు ఇళ్లను చేర్చడంతో మొదలైన సోనూ సాయం.. నేటికి కూడా కొనసాగుతూనే ఉంది. కష్టం ఎక్కడ ఉంటే అక్కడ సూపర్ మేన్‌లా వాలిపోతూ కష్టాల్లో ఉన్నవారికి అండగా నిలుస్తున్నాడు. కరోనా సంక్షోభ సమయంలో రీల్ విలన్‌..రియల్ లైఫ్‌లో హీరోగా మారాడు. దీంతో ఎందరో ప్రజలు ఆయనపై ప్రశంసలు కురిపిస్తున్నారు. ఈ నేపథ్యంలో సోనూ కపిల్ శర్మ టీవీ షోకు హాజరయ్యాడు. లాక్ డౌన్ తర్వాతా తాజాగా మొదలైన ఈ షోకు సోనూ హాజరయ్యాడు. దీంతో ఆ షోలో సోనూ చేసిన సాయానికి కృతజ్ఞతలు చెబుతూ ఓ వీడియోను ప్రసారం చేశారు. దీంతో ఆ వీడియో చూసిన సోనూ కన్నీళ్లు పెట్టుకున్నారు. సోనీ టీవీ ది కపిల్ శర్మ షోకి సంబంధించిన ప్రోమో రిలీజ్ చేయగా, ఇందులో ఆ సన్నివేశాలు కనిపించాయి. ఆగస్ట్ 1న సోనూ షోకు హాజరైన ఎపిసోడ్ ప్రసారం కానున్నట్టు పేర్కొన్నారు. కాగా, చిరంజీవి నటిస్తున్న చిత్రంలో కూడా సోనూ సూద్ ప్రధాన పాత్ర పోషించనున్నట్టు వార్తలు వినిపిస్తున్నాయి. Read More: తాజాగా సోనూ ఓ రైతు కుటుంబానికి సాయం చేసిన విషయం తెలిసిందే. చిత్తూరు జిల్లా రైతు ఇంటికి ట్రాక్టర్ పంపాడు. ఆ తర్వాత తెలంగాణలో కరోనా కారణంగా ఉద్యోగం కోల్పోయిన సాఫ్ట్ వేర్ శారదకు జాబ్ లెటర్ అందించాడు. తాజాగా టీవీ నటుడు అనుపమ్ శ్యామ్‌కి సాయం చేస్తానని సోనూ సూద్ భరోసా ఇచ్చాడు. దీంతో సోనూపై సర్వత్రా ప్రశంసల వర్షం కురుస్తోంది. తాజాగా ఆయన 48వ పుట్టిన రోజు సందర్భంగా మరో సంచలన నిర్ణయం తీసుకున్నారు. మరోవైపు ఇవాళ తన పుట్టిన రోజు కార్యక్రమాన్ని పురస్కరించుకొని దేశ వ్యాప్తంగా పలు చోట్ల వైద్యశిబిరాలను ఏర్పాటు చేశారు. పలు గ్రామాల్లో వీటిని ఏర్పాటు చేసి వైద్యులతో చికిత్స, పరీక్షలు చేయిస్తున్నారు. సొంత ఖర్చులతో వైద్యం చేయించుకోలేని వారికి ఈ విధంగా అండగా నిలుస్తున్నారు.

from Telugu Movie News | Movie News in Telugu | Movie Gossips in Telugu https://ift.tt/2DgQBkY
v