పవన్‌కి ఆర్థిక సమస్యలు.. మిత్రుడు శరత్ మరార్ షాకింగ్ ఫ్యాక్ట్స్

పవన్ కళ్యాణ్‌తో ఒక్క సినిమా ఒకే ఒక్క సినిమా అని ఎదురుచూసే నిర్మాతలు టాలీవుడ్‌లో ఇప్పటికీ చాలామందే ఉన్నారు. నాకేంటి?? అనే స్వలాభం లేకుండా నిర్మాతల హీరోగా పేరొందిన పవన్ కళ్యాణ్‌తో నిర్మాత శరత్ మరార్ ఏకంగా మూడు సినిమాలు చేశారు. గోపాల గోపాల, సర్దార్ గబ్బర్ సింగ్, కాటమ రాయుడు చిత్రాలు పవన్-శరత్ మరార్ కాంబినేషన్‌లో వచ్చినవే. అయితే నిర్మాతగానే కాకుండానే వ్యక్తిగతంగానూ నిర్మాత శరత్ మరార్‌లో పవన్‌కి మంచి అనుబంధం ఉంది. పవన్ పర్సనల్ విషయాల్లోనూ శరత్ మరార్ ఇన్వాల్వ్ అయ్యేటంత చనువు వీరిద్దరి మధ్య ఉండటంతో వీరిద్దరికీ మంచి మిత్రులుగా ఇండస్ట్రీలో టాక్ ఉంది. అయితే పవన్ పాలిటిక్స్‌కి ఎంట్రీ ఇచ్చిన తరవాత వీరి స్నేహానికి గ్యాప్ వచ్చింది. ఈటీవీ, జెమిని టీవీలలో ఎన్నో షోలకి రూపకల్పన చేసి.. మా టీవీ సీఈవోగా (ఇప్పుడు కాదు) ఆ ఛానల్‌ని నెక్స్ట్ లెవల్‌కి తీసుకువెళ్లిన శరాత్ మరార్.. అతి తక్కువ కాలంలోనే నిర్మాతగా నిలదొక్కుకున్న శరత్ మరార్ పవన్ కళ్యాణ్ గురించి తాజాగా ఇంటర్వ్యూలో ఆసక్తికరమైన విషయాలను తెలియజేశారు.

పవన్ కళ్యాణ్‌తో నా ప్రయాణం ఎలా మొదలైందంటే.. ఆయన స్వీయ దర్శకత్వంలో వచ్చిన ‘జానీ’ సినిమా మరో రెండు నెలల్లో ప్రారంభం కాబోతుంది. ఆ టైంలో నేను చిరంజీవిగారితో ట్రావెల్ చేస్తున్నా. థమ్స్ అప్ యాడ్‌తో పాటు మిగతా డీల్స్ చూస్తున్నా. ఆ టైంలో అరవింద్ గారు నీకు ఎగ్జిక్యూటివ్‌ ప్రొడ్యుసర్‌గా ఛాన్స్ ఇస్తున్నా.. కళ్యాణ్ గారు నీతో ట్రావెల్ చేయడానికి కంఫర్ట్‌గా ఉన్నారు అని చెప్పారు. ఆ తరువాత పవన్ గారితో నాకు ఫస్ట్ మీటింగ్ అయ్యింది. ఆయనది గ్రేట్ పర్శనాలిటీ.. మిగతా వాళ్లకంటే పవన్ కళ్యాణ్ వ్యక్తిత్వం చాలా భిన్నం. అక్కడ నుంచి ఆయనతో నాకు బ్యూటిఫుల్ రిలేషన్ షిప్ కుదిరింది. ఆయన వ్యక్తిత్వం చూసిన తరువాత అది ఒక లెసన్‌గా అనిపించింది. ఎంతో నేర్చుకోవచ్చు ఆయన దగ్గర నుంచి.

జానీ సినిమాకి ఎగ్జిక్యూటివ్‌ ప్రొడ్యుసర్‌గా చేసిన తరువాత చాలా ఏళ్లు ఆయనతో ట్రావెల్ అయ్యా.. తరువాత సొంతంగా ఆయన సినిమాలకు ప్రొడ్యూస్ చేయగలిగా. కష్టపడటానికి ఆయన సిగ్గుపడరు. గెలుపు ఓటమిని ఆయన స్వీకరించే విధానం నాకు ఒక పాఠంలా పనిచేసింది. గ్రేట్ సక్సెస్ వచ్చినరోజు కూడా ఆయన చాలా బ్యాలెన్స్డ్‌గా ఉంటారు. డిజాస్టర్ వచ్చిన రోజు కూడా ఎవర్నో బ్లేమ్ చేయాలని అనుకోరు. అసలు ఆయనకు ఆ ఆలోచనే ఉండదు. ఇది అందరికీ సాధ్యం కాదు. నేను కూడా నా మైండ్‌ని అలా ఉండేందుకు బ్యాలెన్స్ చేయడానికి ట్రై చేశా. ఆయనకు ఎన్నికష్టాలు వచ్చినా ముఖం చిరునవ్వు అలాగే ఉంటుంది. ఎంతో మందిని ప్రభావితం చేయగలిగే గొప్ప వ్యక్తిత్వం ఆయనలో చూశా.

ఆయన కంప్లీట్‌గా పాలిటిక్స్‌కి వెళ్లిన తరువాత ఆయనతో ఇంటరాక్షన్ లేదు. రాజకీయం అనేది డిఫరెంట్ జర్నీ.. అక్కడ నేను మంచి రోల్ ప్లే చేయలేకపోవచ్చు. అయినా నాకు పవన్ కళ్యాణ్ గారు మూడు సినిమాలు ఇచ్చారు. అంతకంటే ఎక్కువ ఆయన నుంచి కావాలని కోరుకోవడం లేదు. ఎందుకంటే ఆయనతో ఒక్క సినిమా చేస్తేనే ఎక్కువ అనుకునే వాళ్లు చాలా మంది ఉన్నారు. పవన్ గారితో మూడు సినిమాలు చేయడం వల్లే ఇండస్ట్రీలో నేను విషయాలు నేర్చుకున్నాను. ఈరోజు నేను నిర్మాతగా నిలదొక్కుకోవడానికైనా.. ఓటీటీలో సినిమాలు విడుదల చేస్తున్నానంటే అది పవన్‌తో చేసిన జర్నీ వల్లే. ఫౌండేషన్ అక్కడే పడింది.

ఆయన గురించి నాకు చాలా తెలుసు. దగ్గర నుంచి ఆయన వ్యక్తిత్వాన్ని చూశాను. ఆయన రాజకీయంగా పనికి వస్తారా? లేదా? అన్న విషయానికి వస్తే.. ప్రజలకు ఏదో చేయాలనే కసి ఆయనలో ఉంది. ఆ ప్రయాణంలో ఎన్ని అడ్డంకులు, ఛాలెంజ్‌లు వచ్చినా.. పీపుల్‌కి సేవ చేయాలనే సంకల్పాన్ని మాత్రం ఆయన వదులుతారని నేను అనుకోవడం లేదు. ఒక విషయంపై పట్ల ఆయనకు పూర్తి కమిట్మెంట్ ఉంటేనే ముందుకు వెళ్తారు. లేదంటే వెళ్లరు. ఆ రకంగా చూస్తే ఆయన ఇంపాక్ట్ ఖచ్చితంగా ఉంటుంది. మిగతా హీరోలతో చూసినా ఆయన సినిమా కెరియర్ చాలా డిఫరెంట్. సినిమాల్లో కూడా ఆయన ఓన్ వేలో ముందుకు వెళ్తారు. డబ్బు అనేది ఆయనకు ముఖ్యం కాదు.

పవన్ కళ్యాణ్ ఆర్థిక సమస్యల విషయానికి వస్తే.. గోపాల గోపాల సినిమా ఫైనాన్సియల్‌గా ఇబ్బందుల్లో ఉన్నందుకే చేశారని వార్తలు వచ్చాయి. నిజానికి ఆయన ఎప్పుడూ ఫైనాన్షియల్‌గా ఇబ్బందుల్లో ఉంటూనే ఉంటారు. వాటిని ఆయన లెక్కచేయరు. డబ్బు అనేది ఆయనకి ముఖ్యం కాదు. ఆయనకు ఆర్థికపరమైన ఇబ్బందులు ఉన్నా లేకపోయినా.. ఆయనకి కథ నచ్చకపోతే చేయరు. డబ్బు కావాలి కదా.. ఏదోటి చేసేద్దాం అని డబ్బు కోసమే సినిమా చేయరు. గోపాల గోపాల సినిమా వెంకటేష్‌తో మల్టీస్టారర్ చేయించాలనే ఆలోచన సురేష్ బాబు గారిది. ఆ సినిమా రైట్స్ ఆయన తీసుకోవడంతో.. ఒక సూపర్ స్టార్‌తో చేయాలని క్లారిటీతో ఉన్నారు.

డాలీ, సురేష్ బాబు కథపై చర్చలు జరుపుతున్న సందర్భంలో నాకు పవన్‌ కళ్యాణ్‌తో ఉన్న క్లోజ్‌నెస్‌తో ఆయనతో అప్రోజ్ అయ్యాను. మేం ఈ సినిమాకి కళ్యాణ్ తప్ప వేరే వాళ్లని అనుకోలేదు. ఆయనకు కథ నచ్చడంతో ఓకే చేశారు. సురేష్ బాబు గారు పవన్ కళ్యాణ్ పేరు చెప్పడంతో వెళ్లి కలిశా.. ఇక డైరెక్టర్ డాలీతో కళ్యాణ్ గారికి మంచి కంఫర్ట్ ఉండటంతో ఆ ప్రాజెక్ట్‌కి వెంటనే ఓకే చెప్పారు. పవన్ కళ్యాణ్ తన కోసం తాను అన్నట్టుగా కాకుండా అంతకు ముందు తనతో సినిమాలు తీసిన ప్రొడ్యుసర్స్, డైరెక్టర్లతో సినిమా చేస్తారనే మాట అక్షరాల నిజం. దానికి నేను ఉదాహరణ. గోపాల గోపాల సినిమా నాకోసమే చేశారు. ఆ తరువాత సర్దార్ గబ్బర్ సింగ్‌ కూడా చేశారు. నిజానికి ముందే పవన్ కళ్యాణ్ గారు సర్దార్ గబ్బర్ సింగ్‌ మీద వర్క్ చేస్తున్నారు.. మధ్యలో గోపాల గోపాల ప్రపోజల్ వచ్చింది. ఈ రెండు అవ్వగానే ‘కాటమరాయుడు’ సినిమా కూడా నన్నే చేయన్నారు. ఇలా ఆయనతో మూడు సినిమాలు చేసే ఛాన్స్ వచ్చింది’ అంటూ చెప్పుకొచ్చారు నిర్మాత శరత్ మరార్.

from Telugu Movie News | Movie News in Telugu | Movie Gossips in Telugu https://ift.tt/39eZtDE
v