‘మా హీరో సినిమాలో నేను లేకపోతే ఎట్టా’..? పవర్ స్టార్‌ ట్రైలర్‌పై కత్తి మహేష్

మొత్తానికి వివాదాల దర్శకుడు అనుకున్నది చేశారు. ఎన్నికల తరువాత కథ అంటూ.. పవన్ కళ్యాణ్‌పై కల్పిత కథతో ‘’ సినిమాను రూపొందిస్తున్న వర్మ.. ఈ మూవీ ట్రైలర్‌ను విడుదల చేశారు. వరల్డ్ ఫస్ట్ పెయిడ్ ట్రైలర్ అంటూ ‘పవర్ స్టార్’ ట్రైలర్‌కు పాతిక రూపాయిలు ఫిక్స్ చేసిన వర్మ.. ట్రైలర్‌ను డబ్బులు పెట్టి ఎవడు చూస్తాడని అనుకున్నాడో ఏమో కాని.. నా ట్రైలర్ లీక్ అయ్యిందంటూ ముందుగా అడ్వాన్స్ బుక్ చేసుకున్న వాళ్లకి ట్రైలర్ డబ్బులు తిరిగిఇచ్చేస్తా అని ట్రైలర్ విడుదలకు ముందే ట్వీట్ చేశారు. ఇక అనుకున్నట్టుగానే వర్మ ఈరోజు (జూన్ 22) ఉదయం 11 గంటలకు ఆర్జీవీ యూట్యూబ్ ఛానల్‌లో ట్రైలర్‌ను విడుదల చేశారు. నాలుగు నిమిషాల నిడివితో విడుదలైన ఈ ట్రైలర్‌లో పవర్ స్టార్‌ని ఎన్ని విధాలుగా అయితే తక్కువ చేసి చూపించవచ్చో.. ఆయన అభిమానుల్ని రెచ్చగొట్టవచ్చో ఆ ట్రిక్స్ అన్నీ ఉపయోగించేశాడు వర్మ. పవన్ కళ్యాణ్ మొదలు.. చిరంజీవి, చంద్రబాబు, నాగబాబు, త్రివిక్రమ్, బండ్ల గణేష్ ఇలా అందర్నీ టార్గెట్ చేస్తూ ట్రైలర్ రూపొందించారు వర్మ. ఇక పవన్ కళ్యాణ్ అంటే అంతెత్తున లేచే వివాదాల క్రిటిక్ మహేష్ కత్తిని కూడా వాడేశాడు వర్మ. పవర్ స్టార్ ట్రైలర్‌లో.. ‘మీరు ఎన్నికల ప్రచారంలో గగన్.. సీఎం కాడు.. ఇది నా శాసనం అంటూ బాహుబలి శివగామి రేంజ్‌లో రంకెలు వేశారు.. ఇప్పుడు గగనే సీఎం.. దీనికి మీరేం అంటారు’ అంటూ పవర్ స్టార్ ప్రశ్నించే జర్నలిస్ట్ అవతారం ఎత్తాడు కత్తి మహేష్. ఇక వర్మ ‘పవర్ స్టార్’ను తొలినుంచీ ప్రమోట్ చేస్తున్న కత్తి మహేష్.. తాజా ట్రైలర్‌పై స్పందిస్తూ.. ‘మా హీరో సినిమాలో నేను లేకపోతే ఎట్టా’ అంటూ పోస్ట్ వదిలారు. ఇక పోస్ట్‌పై సెటైర్లు పేలుతున్నాయి.. పవన్ కళ్యాణ్ గెస్ట్ హౌస్‌కి వెళ్లి మరీ ఇంటర్వ్యూ చేసినట్టు మాకు ఎప్పుడూ చెప్పలేదే మీరు అంటూ పంచ్‌లు పేల్చుతున్నారు.

from Telugu Movie News | Movie News in Telugu | Movie Gossips in Telugu https://ift.tt/2OL19ez
v