ఈ సృష్టిలోని ప్రతీ వ్యక్తికీ అమ్మ అనే పదంలో ఉన్న తీయదనం తెలుసు. అమ్మ ప్రేమలో ఆడుకుంటూ, కమ్మనైన మనసును ఆస్వాదిస్తుంటే అంతకు మించిన ఆహ్లాదం మరెక్కడా దొరకదు. అమ్మ ప్రేమ అనేది మాటల్లో చెప్పలేనిది. కొలవడానికి సాధ్యపడనిది. కడుపులో పుట్టిన బిడ్డను అదే కడుపులో దాచుకుంటూ, తాను తిన్నా తినకున్నా బిడ్డ పొట్ట నింపుతూ కడదాకా వెళ్ళేది అమ్మ ఒక్కతే. సృష్టిలోని అన్ని జీవాలకు అమ్మ ప్రేమను మించిన అపురూపమైన ఐశ్వర్యం మరొకటి లేదు. అలాంటి తల్లి ప్రేమ గురించి ఎంత చెప్పినా తక్కువే. మాటల్లో చెప్పలేని బంధం తల్లీ బిడ్డలది. ఈ భూమి మీదకొచ్చాక మొదట చూసేది తల్లినే. ఆ తల్లే బిడ్డకు మొదటి గురువు కూడా. బ్రహ్మదేవుడు సృష్టించిన అన్నింటిలో తల్లిని మించిన అపురూపం మరొకటి లేదు. కంటికి కనిపించే దైవం తల్లి. ఆ తల్లి ప్రేమకు చిహ్నంగా ప్రతీ సంవత్సరం మే నెల రెండో ఆదివారాన్ని 'మదర్స్ డే'గా నిర్వహించుకుంటున్నాం. ఈ సందర్భంగా ''హ్యాపీ మదర్స్ డే'' అంటూ విషెస్ చెబుతూ తల్లితో తమకున్న అనుబంధాన్ని గుర్తుచేసుకుంటున్నారు సెలబ్రిటీలు. ఈ క్రమంలో తన తల్లి ప్రేమ, ఆమె తనకిచ్చిన కెరీర్ గైడెన్స్ గురించిన విషయాలు చెప్పింది హీరోయిన్ . తనకు చిన్నతనం నుంచే అన్ని అంశాలపై అవగాహన కల్పిస్తూ ఈ రోజు హీరోయిన్ చేసింది అమ్మే అని పేర్కొంది. క్లాస్ ఫస్ట్ రాకపోయినా ఫర్వాలేదు కానీ అన్నింట్లోనూ కొంత ప్రావీణ్యం ఉండాలని అమ్మ చెప్పేదని తెలిపింది. తనకు మూడేళ్ల వయసప్పుడే తనను హీరోయిన్గా చూడాలని ఆ దిశగా అమ్మనే గైడ్ చేస్తూ ఈ రోజు ఈ స్థాయిలో ఉంచిందని ఆమె చెప్పింది. స్విమ్మింగ్, రైఫిల్ షూటింగ్, కరాటే లాంటి వాటిలో కూడా అమ్మ కారణంగానే శిక్షణ పొందానని, ఆమె నింపిన ధైర్యం తన భవిష్యత్కి పూలబాటలు వేసిందని తెలుపుతూ అమ్మ గొప్పతనాన్ని వివరించింది రకుల్.
from Telugu Movie News | Movie News in Telugu | Movie Gossips in Telugu https://ift.tt/3fC9Sfd
v
No comments:
Post a Comment