జోరుమీదున్న కొణిదెల కొత్త హీరో

కొణిదెల.. ఈ పేరు వినగానే మెగా ఫ్యాన్స్‌లో ఒక వైబ్రేషన్ వస్తుంది. ఆ ఇంటి పేరుకి అంత పవర్ ఉంది మరి. కొన్ని కోట్ల మంది హృదయాల్లో మెగాస్టార్‌గా సుస్థిర స్థానాన్ని ఏర్పరుచుకున్న చిరంజీవి వల్ల కొణిదెల అనే ఇంటి పేరు ప్రపంచానికి తెలిసింది. ఈ కొణిదెల ఫ్యామిలీ నుంచి కొత్త హీరో వస్తున్నాడంటే అందరి దృష్టి అతనిపైనే ఉంటుంది. చిరంజీవి తరవాత ఇప్పటికే నాగబాబు, పవన్ కళ్యాణ్, రామ్ చరణ్, వరుణ్ తేజ్ కొణిదెల ఫ్యామిలీ నుంచి ఇండస్ట్రీకి పరిచయమయ్యారు. ఇప్పుడు మరో హీరో ఈ ఫ్యామిలీ నుంచి వస్తున్నాడు. ‘ఈ కథలో పాత్రలు కల్పితం’ అనే సినిమా ఫస్ట్ లుక్ పోస్టర్‌ను జనవరిలో విడుదల చేశారు. ఈ సినిమా ద్వారా పవన్ తేజ్ కొణిదెలను హీరోగా పరిచయం చేస్తున్నట్టు ప్రకటించారు. కొణిదెల అనే ఇంటిపేరు ఉండగానే ఎవరు ఈ హీరో అనే చర్చ మొదలైంది. అవును.. ఈయన కూడా అదే ఫ్యామిలీ. చిరంజీవికి వరసకి అన్నయ్య కుమారుడు ఈ పవన్ తేజ్. చిరంజీవి కుటుంబంతో వీళ్లకి మంచి సంబంధాలు ఉన్నాయి. చిరంజీవి ‘ఖైదీ నెం.150’, రామ్ చరణ్ ‘రంగస్థలం’, వరుణ్ తేజ్ ‘వాల్మీకి’ సినిమాల్లో పవన్ తేజ్ చిన్నచిన్న పాత్రలు చేసినట్టు సమాచారం. Also Read: అయితే, పవన్‌ తేజ్‌ కొణిదెల ఇప్పుడు సోలో హీరోగా పరిచయం అవుతున్నాడు. మాధవి సమర్పణలో ఎంటీవీ ఎంటర్‌టైన్‌మెంట్స్‌ బ్యానర్‌పై రాజేష్‌ నాయుడు ‘ఈ కథలో పాత్రలు కల్పితం’ చిత్రాన్ని నిర్మిస్తున్నారు. అభిరామ్ ఎం దర్శకత్వం వహిస్తున్నారు. ఈ థ్రిల్లింగ్ ఎంటర్‌టైనర్‌లో మేఘన, ల‌క్కి హీరోయిన్స్‌. ఈ చిత్రం ప్రస్తుతం చివరి షెడ్యూల్ షూటింగ్ జరుపుకుంటోంది. ఈ మేరకు చిత్ర యూనిట్ మీడియాకు అప్‌డేట్స్ ఇచ్చింది. Also Read: సినిమా గురించి నిర్మాత రాజేష్‌ నాయుడు మాట్లాడుతూ.. ‘‘సినిమా మేం అనుకున్న ప్రణాళిక ప్రకారం సజావుగా సాగుతుంది. ఆర్టిస్టులు, టెక్నిషయన్స్ నుంచి మంచి సపోర్ట్ లభిస్తోంది. ప్రస్తుతం చివరి షెడ్యూల్ చిత్రీకరిస్తున్నాం. ఔట్ పుట్ చాలా బాగా వస్తోంది. టైటిల్ అనౌన్స్ చేసినప్పటి నుంచి మా సినిమాకి పాజిటివ్ బజ్ క్రియేట్ అయింది. మా హీరో పవన్‌ తేజ్‌ కొణిదెలకి ఒక పర్ఫెక్ట్ లాంచింగ్ మూవీ అవుతుంది. మా దర్శకుడు అభిరామ్ మంచి విజన్‌తో అన్ని వర్గాల ప్రేక్షకులని ఆకట్టునే థ్రిల్లింగ్ అంశాలతో చిత్రాన్ని తెరకెక్కిస్తున్నారు. ‘జెస్సీ’, ‘ఓ పిట్టకథ’ సినిమాలకి వర్క్ చేసిన సినిమాటోగ్రాఫర్‌ సునీల్‌ కుమార్‌ విజువల్స్‌, ‘ఆర్‌ఎక్స్‌ 100’, ‘కల్కి’ చిత్రాలకు డైలాగ్స్‌ రాసిన తాజుద్దీన్‌ సయ్యద్‌ మాటలు ఈ చిత్రానికి హైలెట్‌గా నిలవనున్నాయి. చివరి షెడ్యూల్ పూర్తి అవగానే పోస్ట్ ప్రొడక్షన్ కార్యక్రమాలు జరిపి విడుదల తేదీని ప్రకటిస్తాం. త్వరలోనే టీజర్, పాటలు విడుదల చేయడానికి సన్నాహాలు చేస్తున్నాం’’ అని అన్నారు. ఈ చిత్రానికి కార్తీక్ కొడకండ్ల సంగీతం సమకూరుస్తున్నారు.

from Telugu Movie News | Movie News in Telugu | Movie Gossips in Telugu https://ift.tt/2vlQGAb
v