‘’ టీజర్, పోస్టర్స్‌తో సినిమాపై అంచనాలు పెంచేశారు టాలీవుడ్ సెన్సేషనల్ స్టార్ విజయ్ దేవరకొండ. క్రాంతి మాధవ్‌ దర్శకత్వంలో వస్తున్న ఈ మూవీలో విజయ్‌కి జోడిగా రాశీ ఖన్నా, ఐశ్వర్యా రాజేష్‌, కేథరిన్ థ్రెస్సా, ఇసాబెల్లాలు హీరోయిన్లుగా నటించారు. ఈ మూవీ ప్రమోషన్స్‌ను వేగవంతం చేస్తూ ఈ చిత్రం నుండి బుధవారం నాడు ‘బొగ్గుగనిలో’ అనే సాంగ్‌ను విడుదల చేశారు. నిరాంజ్ సురేష్ ఈ పాటను ఆలపించగా.. రామజోగయ్య శాస్త్రి సాహిత్యం అందించారు. తెల్లతోలురా.. అందగత్తెరా ఏసెయ్ కత్తెరా’ అంటూ బొగ్గుశీను మేడమ్ స్మితను ప్రేమ ముగ్గులోకి దించుతున్నట్టుగా సాంగ్‌లో చూపించారు. నలుగురు లవర్స్ లుక్స్‌ను ఒక్కొక్కటిగా విడుదల చేసి సినిమాపై హైప్ తీసుకురాగా.. ఈ చిత్రంలో విజయ్‌కి మూడో లవర్‌గా హీరోయిన్ కేథరిన్ నటిస్తున్న విషయం తెలిసిందే. ఈ చిత్రంలో స్మిత పాత్రలో బొగ్గుగని శీను(విజయ్)కి మేడమ్‌గా నటిస్తోంది కేథరిన్. బొగ్గుగని యూనియన్ లీడర్ శీను పాత్రలో విజయ్ దేవరకొండ నటిస్తోంది. ఈ ఇద్దరి మధ్య ‘బొగ్గుగనిలో రంగుమణిరా’ అంటూ బ్యూటిఫుల్ రొమాంటిక్ బీట్ అందించారు గోపీ సుందర్. క్రియేటివ్‌ కమర్షియల్స్‌ బ్యానర్‌పై సీనియర్‌ నిర్మాత కేయస్ రామారావు సమర్పణలో ఏ వల్లభ ఈ సినిమాను నిర్మిస్తున్నారు. ప్రేమికుల దినోత్సవం కానుకగా ఫిబ్రవరి 14న ప్రేక్షకుల ముందుకు వస్తున్నారు ‘వరల్డ్ ఫేమస్ లవర్’.
from Telugu Movie News | Movie News in Telugu | Movie Gossips in Telugu https://ift.tt/37Epfzx
v
No comments:
Post a Comment