ఫ్లాప్స్‌తో గ్యాప్ తీసుకున్న సూపర్‌స్టార్.. సినిమా తీయకపోతే సూసైడ్ అంటున్న ఫ్యాన్

బాలీవుడ్ కింగ్ ఖాన్ షారుక్ ఖాన్‌కు ఇండియాలోనే కాదు వరల్డ్ వైడ్ అభిమానులు ఉన్నారు. ఆయన నుంచి ఏదన్నా సినిమా వస్తోందంటే ఫ్యాన్స్‌కి పూనకాలు వచ్చేస్తుంటాయి. షారుక్ కంటే ఆయన అభిమానులే సినిమాను ఎక్కువ ప్రమోట్ చేస్తారు. అయితే 2017 నుంచి 2019 వరకు షారుక్ నుంచి వచ్చిన సినిమాలన్నీ ఫ్లాప్సే. దాంతో ఫ్యాన్స్ కూడా షాకయ్యారు. ‘రయీస్’, ‘జబ్ హ్యారీ మెట్ సెజల్’, ‘జీరో’ సినిమాలు వరుసగా ఫ్లాప్ అవుతూ రావడంతో షారుక్ కూడా డిస్టర్బ్ అయిపోయారు. దాంతో ఏడాది పాటు మరే సినిమాను ప్రకటించకూడదని నిర్ణయించుకున్నారు. ఈసారి ఏదన్నా సినిమా తీస్తే షారుక్ నటించిన ఫ్లాప్ సినిమాలు ఫ్యాన్స్‌కి గుర్తుకు రాకూడదు. ఈ విషయాన్ని దృష్టిలో పెట్టుకుని షారుక్ తన తర్వాతి ప్రాజెక్ట్‌ను ఎంచుకోవాలని అనుకుంటున్నారు. అయితే జనవరి 1న షారుక్ తన తర్వాతి సినిమా గురించి ప్రకటించకపోతే ఆత్మహత్య చేసుకుంటానని బెదిరిస్తున్నాడు ఓ అభిమాని. ఈ మేరకు ట్విటర్‌లో ఓ పోస్ట్ పెట్టాడు. ‘న్యూ ఇయర్ రోజున తర్వాతి సినిమా గురించి ప్రకటించకపోతే ఆత్మహత్య చేసుకుంటాను’ అని పేర్కొన్నాడు. అయితే అతని ట్వీట్ చూసి చాలా మంది నెటిజన్స్ షాకయ్యారు. READ ALSO: ఇలాంటి పిచ్చి ఆలోచనలు చేయొద్దని, పాపులారిటీ కోసం పెట్టే ట్వీట్లు ఇతరులపై తీవ్ర ప్రభావం చూపుతాయంటూ మందలించారు. అయితే త్వరలో ప్రముఖ తమిళ దర్శకుడు అట్లీతో కలిసి షారుక్ ఓ సినిమా చేయబోతున్నట్లు ఎప్పటినుంచో వార్తలు వస్తున్నాయి. ఇప్పటికే అట్లీ రాసిన కథను షారుక్‌కు చూపించారు. కానీ స్క్రిప్ట్‌లో కొన్ని మార్పులు చేయాలని షారుక్ అట్లీని కోరారట. తన తర్వాతి ప్రాజెక్ట్ గురించి కనీసం న్యూ ఇయర్ రోజున అయినా షారుక్ ప్రకటిస్తారో లేదో చూడాలి. READ ALSO:

from Telugu Movie News | Movie News in Telugu | Movie Gossips in Telugu https://ift.tt/2MFNtRn
v