గ్లోబల్ స్టార్ ఇంకొన్ని రోజుల్లో మొదటి పెళ్లి రోజును జరుపుకోబోతున్నారు. 2018 డిసెంబర్ 1న ప్రియాంక.. ప్రముఖ అమెరికన్ సింగర్ నిక్ జొనాస్‌ను పెళ్లి చేసుకున్నారు. ఈ సందర్భంగా ప్రియాంక ప్రీ వెడ్డింగ్ యానివర్సరీ గిఫ్ట్‌తో తన భర్తను సర్‌ప్రైజ్ చేశారు. ఇంతకీ తన ప్రియమైన భర్తకు ప్రియాంక ఇచ్చిన కానుక ఏంటో తెలుసా? జెర్మన్ షెపర్డ్ జాతికి చెందిన కుక్కపిల్ల. నిక్ నిద్రలేవక ముందే ప్రియాంక కుక్కను తీసుకెళ్లి సర్‌ప్రైజ్ చేశారు. కుక్కను చూడగానే నిక్ సర్‌ప్రైజ్ అయ్యారు. ఈ సమయంలో తీసిన వీడియోను ప్రియాంక, నిక్ సోషల్ మీడియాలో పోస్ట్ చేశారు. ‘ప్రీ (ప్రియాంక ముద్దు పేరు) ఈరోజు ఉదయాన్నే నాకు బెస్ట్ సర్‌ప్రైజ్ ఇచ్చింది. మా పెంపుడు కుక్క గినోకి హాయ్ చెప్పండి. ఉదయం గినోని చూడగానే నేను నవ్వుతూనే ఉన్నాను. థ్యాంక్స్ ప్రియాంక చోప్రా’ అని పేర్కొన్నారు. ప్రియాంక చోప్రా కూడా ఈ వీడియోను పోస్ట్ చేశారు. ‘ఒకే ఫ్రేంలో ఎంత క్యూట్‌గా ఉన్నారో. హ్యాపీ యానివర్సరీ బేబీ’ అని క్యాప్షన్ ఇచ్చారు. ప్రియాంక వద్ద ఆల్రెడీ ఓ పెంపుడు కుక్క ఉంది. చిహ్వాహ్వా జాతికి చెందిన కుక్క పిల్లను ప్రియాంక ప్రాణంగా చూసుకుంటున్నారు. దాని పేరు డయానా. ప్రియాంక ఎక్కడికి వెళ్లినా దాన్ని వెంట తీసుకెళుతూ ఉంటారు. డయనా డైరీస్ పేరిట దానికి ఇన్‌స్టాగ్రామ్‌లో స్పెషల్ ఎకౌంట్ కూడా ఉంది. డయానానే మాట్లాడుతున్నట్లుగా ప్రియాంక టీం దాని ఫొటోలు పోస్ట్ చేస్తూ ఫన్నీ క్యాప్షన్స్ ఇస్తూ ఉంటారు. డయానాకు ఇన్‌స్టాగ్రామ్‌లో వేలల్లో ఫ్యాన్స్ ఉన్నారు. అంతేకాదు ప్రియాంక ఏదన్నా ఫ్యాషన్ ఈవెంట్స్‌కి వెళితే డయానాను కూడా తయారు చేసి తీసుకెళుతూ ఉంటుంది. ఇటీవల లాస్‌ఏంజెల్స్‌లో జరిగిన మెట్ గాలా అనే ఫ్యాషన్ ఈవెంట్‌కు ప్రియాంక నిక్‌తో పాటు డయానాను కూడా తీసుకెళ్లింది. డయానా కూడా ఫొటోలకు పోజులిచ్చింది. ఓ రకంగా డయానా స్టార్ కిడ్ అయిపోయిందనే చెప్పాలి. ఇకపోతే.. ప్రియాంక తన భర్తతో కలిసి ఫస్ట్ మ్యారేజ్ యానివర్సరీని ఎంజాయ్ చేయడానికి ఇటీవల దిల్లీ నుంచి అమెరికా వెళ్లింది. తాను నటిస్తున్న ‘ది వైట్ టైగర్’ సినిమా నుంచి కొన్ని రోజులు విరామం తీసుకుంది. ప్రియాంక కోసం నిక్ స్పెషల్ సర్‌ప్రైజ్ ఏర్పాటుచేయనున్నారట. ఇటీవల ప్రియాంక, నిక్ కలిసి లాస్‌ఏంజెల్స్‌లో ఏకంగా రూ.144 కోట్లు పెట్టి పెద్ద ఇల్లు కొనుక్కున్నారు. అక్కడే తమ తొలి వెడ్డింగ్ యానివర్సరీ సెలబ్రేషన్స్ జరుపుకోబోతున్నారట.
from Telugu Movie News | Movie News in Telugu | Movie Gossips in Telugu https://ift.tt/2Y08D1n
v
No comments:
Post a Comment