నాకు గిల్లడం ఇష్టం.. అందుకే `కమ్మ రాజ్యంలో కడప రెడ్లు` తీశా: ఆర్జీవి

సంచలన దర్శకుడు తెరకెక్కిస్తున్న మరో వివాదాస్పద చిత్రం . ప్రస్తుతం రాజకీయ పరిస్థితులపై వర్మ సెటైరికల్‌గా తెరకెక్కిస్తున్న ఈ సినిమా శుక్రవారం (29-110-2019) ప్రేక్షకుల ముందుకు రానుంది. ఈ సినిమాలో ఆంధ్రప్రదేశ్‌ ముఖ్యమంత్రి వైఎస్‌ జగన్‌మోహన్‌రెడ్డి, ప్రతిపక్ష నాయకుడు చంద్రబాబు నాయుడుతో పాటు నారా లోకేష్‌, కేఏ పాల్‌, పవన్‌ కళ్యాణ్‌లను పోలిన పాత్రలు ఉన్నాయి. ఇప్పటికే టీజర్‌, ట్రైలర్‌, సాంగ్స్‌తో సినిమాకు కావాల్సినంత క్రేజ్‌ని తెచ్చి పెట్టాడు వర్మ. సినిమా రిలీజ్‌కు డేట్‌ దగ్గర పడుతుండటంతో సినిమా విశేషాలు తెలియజేసేందుకు మీడియా సమావేశం నిర్వహించాడు. హైదరాబాద్‌లోని తన ఆఫీస్‌లో ఏర్పాటు చేసిన ఈ సమావేశంలో ఆసక్తికర వ్యాఖ్యలు చేశాడు వర్మ. Also Read: కమ్మ రాజ్యంలో కడప రెడ్లు ఓ మెసేజ్‌ ఓరియంటెడ్ సినిమా అంటున్నాడు వర్మ. ఈ సినిమాలో ఏ వర్గాన్ని తక్కువగా చేసి చూపించటం లేదన్నాడు. కేవలం కొన్ని సంఘటనల ఆధారంగా కథ రెడీ చేసుకున్నట్టుగా వెల్లడించాడు. తాను ఎవరినీ టార్గెట్‌ చేసి సినిమా చేయనని కేవలం తనకు ఇంట్రస్టింగ్‌గా అనిపించిన పాయింట్‌ను మాత్రమే సినిమాగా తెరకెక్కిస్తానని తెలిపాడు. మామూలు క్రైమ్‌ కన్నా.. పొలిటికల్‌ క్రైమ్‌ మరింత ఇంట్రస్టింగ్‌గా ఉంటుందని అందుకే ఈ మధ్య ఆ తరహా సినిమాలు ఎక్కువగా తెరకెక్కిస్తున్నానన్నాడు. కమ్మ రాజ్యంలో కడప రెడ్లు ఓ కామెడీ ఎంటర్‌టైనర్‌ అని షాక్‌ ఇచ్చాడు. వైఎస్‌ జగన్‌మోహన్‌రెడ్డి ప్రమాణస్వీకారోత్సవం చూసినప్పుడు ఈ సినిమా ఐడియా వచ్చిందని వెల్లడించాడు వర్మ. తనదైన స్టైల్‌లో కొన్ని వివాదాస్పద వ్యాఖ్యలు కూడా చేశాడు. ఈ సినిమాను ఓ ప్రముఖ తండ్రి కొడుకులకు అంకిత ఇవ్వనున్నానని చెప్పి కొత్త మంట పెట్టాడు. అయితే వారి పేర్లు మాత్రం అడగవద్దన్నాడు. తనకు చిన్నప్పటి నుంచి గిల్లటం అంటే ఇష్టం అంటూ తను ఇలాంటి వివాదాస్పద చిత్రాలను ఎందుకు రూపొందిస్తున్నాడో క్లారిటీ ఇచ్చాడు. నాకు ఎవరైనా పొగిడితే నిద్రొచ్చేస్తుంది. బాగా తిట్టించుకోవటం నాకు ఇష్టం అందుకే ఇలాంటి సినిమాలు చేస్తున్నా అన్నాడు. Also Read: టైగర్‌ కంపెనీ ప్రొడక్షన్స్‌, అజయ్‌ మైసూర్‌ ప్రొడక్షన్స్‌ కంపెనీలు సంయుక్తంగా నిర్మిస్తున్న ఈ సినిమాకు సిద్ధార్థ్‌ తాతోలుతో కలిసి వర్మ దర్శకత్వం వహిస్తున్నాడు. భారీ స్టార్‌ కాస్ట్‌ ఏది లేకపోయినా వర్మ తనదైన ప్రమోషనల్‌ స్ట్రాటజీతో సినిమాకు కావాల్సినంత హైప్‌ తీసుకువచ్చాడు.

from Telugu Movie News | Movie News in Telugu | Movie Gossips in Telugu https://ift.tt/2OLCTbS
v