‘ఓ బేబీ డాల్ మే సోనేదీ’ అనే పాట భారతదేశాన్ని ఒక ఊపు ఊపేసింది. బాలీవుడ్ హాట్ బాంబ్ సన్నీ లియోన్ నటించిన ‘రాగిని ఎంఎంఎస్’ సినిమాలోని పాట ఇది. ప్రముఖ సింగర్ పాడిన పాట. ఈ పాటతో కనికా పేరు మారుమోగిపోయింది. అయితే తన మాజీ భర్త వల్ల కెరీర్ పోయిందని బాధపడుతున్నారు కనికా. జియో సావన్ నిర్వహించిన ఓ కార్యక్రమంలో కనికా పాల్గొన్నారు. ఈ సందర్భంగా తన పెళ్లి తన కెరీర్‌కు ఎలా ఫుల్ స్టాప్ పెట్టిందో వివరించారు. ‘1998లో ఓ ఎన్నారై వ్యాపారవేత్తను పెళ్లి చేసుకున్నాను. అయితే అప్పటికే నేను సినీ పరిశ్రమలో పాటలు పాడటానికి ప్రయత్నిస్తున్నాను. అయితే అత్తింటివారు నేను పాటలు పాడతానంటే ఒప్పుకోలేదు. మాకు గానా బజానా కోడలు వద్దు అనేవారు. దాంతో నా భర్తతో ఓ ఒప్పందం కుదుర్చుకున్నాను. నేను సింగింగ్‌ని ప్రొఫెషన్‌గా తీసుకోను కానీ ప్రాక్టీస్ చేస్తాను అని చెప్పాను. ఇందుకు ఆయన ఒప్పుకున్నారు. ఆయన, నేను కలిసి మ్యూజిక్ డైరెక్టర్ల చుట్టూ తిరిగాం. అయినా కూడా నా భర్తకు నాకు మధ్య గొడవలు వచ్చాయి. దాంతో ఇద్దరం విడిపోవాలని నిర్ణయించుకున్నాం. అలా 2012లో ఆయనతో విడాకులు తీసుకున్నాను’ ‘సరిగ్గా అదే ఏడాదిలో నాకు ‘అలీఫ్ అల్లా’ అనే సినిమాలో ‘జుగ్నీ జీ’, ‘రాగిని ఎంఎంఎస్ 2’ సినిమాలో ‘బేబీ డాల్’ పాటలు పాడే అవకాశం వచ్చింది. ఈ రెండు పాటలు బ్లాక్ బస్టర్ హిట్ అయ్యాయి. నా పేరు మారుమోగిపోయింది. ఆ తర్వాత చాలా సినిమాల్లో పాటలు పాడాను. ఇప్పుడు నా పేరుతో యూట్యూబ్ ఛానెల్ ఓపెన్ చేసి సొంతంగా రికార్డ్ చేసిన పాటలు పాడి షేర్ చేస్తున్నారు. దానికి కూడా మంచి రెస్పాన్స్ వచ్చింది. అలా నా మాజీ భర్త వల్ల కోల్పోయిన కెరీర్‌ను అతనితో విడిపోయాక మళ్లీ దక్కించుకున్నాను’ అని వెల్లడించారు కనిక.
from Telugu Movie News | Movie News in Telugu | Movie Gossips in Telugu https://ift.tt/33pOrH6
v
No comments:
Post a Comment