బార్‌లో సినీ నటిని చితక్కొట్టిన బౌన్సర్లు

అమెరికాలోని న్యూయార్క్‌లోని బార్‌లో దారుణం చోటుచేసుకుంది. ఓ హాలీవుడ్ నటిపై కొందరు దుండగులు దాడి చేశారు. వివరాల్లోకెళితే.. హాలీవుడ్ నటి అయిన జెన్నిఫర్ అగోస్టిని, తన స్నేహితురాలితో కలిసి న్యూయార్క్‌లోని మాన్‌హట్టన్‌లోని స్కైరూం బార్‌కు వెళ్లింది. బాగా తాగి ఎంజాయ్ చేసిన తర్వాత తెల్లవారుజామున 3 గంటలకు ఇళ్లకు తిరుగు ప్రయాణం అయ్యారు. ఆ సమయంలో అక్కడే ఉన్న 15 మంది ఆకతాయిలు వారిపై దాడికి పాల్పడ్డారు. ‘మీలాంటి తెల్ల ఆడకుక్కల దగ్గర డబ్బు ఉంది కాబట్టే ఇలా తాగి తిరుగుతున్నారు’ అని నోటికొచ్చినట్లు వాగారు. అంతటితో ఆగలేదు వారిని పట్టుకుని చావగొట్టారు. దాంతో జెన్నిఫర్‌ ముఖానికి తీవ్రగాయాలయ్యాయి. బార్ సిబ్బంది వారిని అడ్డుకుని పోలీసులకు అప్పగించారు. గాయపడిన నటిని ఆమె స్నేహితురాలిని హాస్పిటల్‌కు తీసుకెళ్లారు. జెన్నిఫర్‌కు ఐదు కుట్లు పడ్డాయి. తల భాగంలోనూ తీవ్రంగా గాయాలైనట్లు డాక్టర్లు తెలిపారు. వారిపై దాడి చేసిన వారు ఆఫ్రికన్, అమెరికన్ సెక్యూరిటీ గార్డులుగా పోలీసులు గుర్తించారు. వారు అదే బార్‌లో బౌన్సర్లుగా పనిచేస్తున్నారట. వర్క్ పూర్తి చేసుకుని వెళ్లిపోయాక వారిలో ఓ వ్యక్తి క్రెడిట్ కార్డు మర్చిపోవడంతో తీసుకోవడానికి బార్‌కు వచ్చాడు. అయితే బార్ క్లోజ్ చేస్తున్నామని లోపలికి రావడానికి వీల్లేదని అన్నారట. అదే సమయంలో జెన్నిఫర్ తన స్నేహితులతో తూలుతూ బయటికి రావడంతో ఆ వ్యక్తి తన స్నేహితులను పిలిపించి వారిపై దాడి చేశాడు. నిందితులపై పోలీసులు కేసు నమోదు చేసి దర్యాప్తు చేస్తున్నారు. సీసీ కెమెరాల ఫుటేజ్‌ ఆధారంగా విచారణ జరుపుతున్నారు. జెన్నిఫర్ ‘బ్లూక్లిన్ టైస్’ అనే సినిమాలో నటించారు. అమెరికాలో ఇలాంటి కల్చర్ సర్వ సాధారణం. అలాంటిది ఓ నటిపై జాతి వివక్ష దాడి జరగడం వివాదాస్పదమైంది.

from Telugu Movie News | Movie News in Telugu | Movie Gossips in Telugu https://ift.tt/2OseAAK
v