వేలల్లో పలుకుతున్న సాహో టికెట్ రేట్లు

‘సాహో’.. ఈ సినిమాకి ఉన్న స్పెషాలిటీ ఏంటి అనేది కొత్తగా చెప్పక్కర్లేదు. వందల కోట్ల బడ్జెట్‌తో టాలీవుడ్‌లో తెరకెక్కిన వరల్డ్ క్లాస్ ప్రోడక్ట్ ఇది. కేవలం యాక్షన్ సీక్వెన్సెస్ మాత్రమే కాదు, సినిమాలో అంతకుమించి మ్యాటర్ ఉంది అనే మాట ఒక రేంజ్‌లో హల్చల్ చేస్తుంది. ముఖ్యంగా ఈ సినిమా క్లయిమాక్స్ అయితే ఇప్పటివరకు చూడని నెక్స్ట్ లెవెల్ కంటెంట్‌తో రెడీ అయ్యింది అనేది టాక్. దీంతో ఈ సినిమాపై ఒక రేంజ్‌లో అంచనాలు ఉన్నాయి. అంచనాలకు ఆకాశానికి తాకడంతో ఈ సినిమా మొదటి రోజు, మొదటి ఆట చూసి ఆ మజా ఎంజాయ్ చెయ్యాలి అనే వాళ్ళ సంఖ్య పెరిగిపోయింది. సామాన్యుల నుండి సెలబ్రిటీల వరకు చాలా మంది ఈ లిస్ట్‌లో ఉన్నారు. అందుకే ఈ సినిమా ఫస్ట్ డే, ఫస్ట్ షో టికెట్స్‌కి ఒక రెక్కలు వచ్చాయి. హైదరాబాద్‌లోని భ్రమరాంభలో ఉదయం 5 గంటల షో టికెట్ కాస్ట్ అక్షరాలా రెండువేలు పలుకుతుంది. ఇక ప్రభాస్ సొంత ఊరు అయిన భీమవరంలో క్రేజ్ అనే మాట క్రేజీగా మారింది. అక్కడ సాహో సినిమా రిలీజ్ అవుతున్న సందర్భంగా ఆల్రెడీ ఊరంతా ఉల్లాసంగా, ఉత్సాహంగా ర్యాలీ చేసారు ప్రభాస్ అభిమానులు. అలాగే అక్కడ ఉదయం అయిదుగంటల ఆట ప్లాన్ చేస్తున్నారు. దాని టికెట్ కాస్ట్ ఏకంగా మూడువేలు. ఇది మిగతా వాళ్లకు ఎక్కువగా కనిపిస్తుంది. కానీ ఫ్యాన్స్ మాత్రం ప్రభాస్ సినిమా రిలీజ్ అవుతుండడాన్ని ఒక పండుగలా భావిస్తున్నారు. అందుకే రేటు పట్టించుకోకుండా అందరికంటే ముందే సినిమా చూసిన క్రెడిట్ కోసం ఎంతయినా ఖర్చు చేస్తున్నారు. అయినా రూ. 350 కోట్లతో తీసిన సినిమా చూడడానికి అంత ఖర్చు చెయ్యడంలో తప్పులేదు అని కూడా అంటున్నారు. మరోపక్క ఈ సినిమాకి మామూలుగానే టికెట్ రేట్లు పెంచారు. ఇక్కడ మాత్రమే కాదు ఓవర్సీస్ కూడా సాహో క్రేజ్ అలానే ఉంది. అక్కడ కూడా ఈ సినిమా టికెట్ రేట్లు పెంచడంవల్లే హిందీ అండ్ తమిళ్ వెర్షన్ ప్రీమియర్స్‌కి అనుకున్న రేంజ్‌లో రెస్పాన్స్ లేదు. బుకింగ్స్ చాలా తక్కువగా ఉన్నాయి. కానీ ఒక్క షో పడి హిట్ టాక్ వస్తే బాక్స్ ఆఫీస్ కౌంట్ మామూలుగా ఉండదు. పాత రికార్డ్స్ పగిలిపోవడం ఖాయం. ఇన్నాళ్లు నాన్ బాహుబలి అని మాట్లాడిన వాళ్ళే ఇక నుండి నాన్ సాహో కలెక్షన్స్ అని మాట్లాడవలసి ఉంటుంది. ఇంత అంచనాల మధ్య థియేటర్స్‌లోకి దిగబోతున్న సాహోకి ఈ రేంజ్ క్రేజ్ రావడంలో తప్పులేదు. సాహో దాన్ని నిలబెట్టుకోక తప్పదు.

from Telugu Movie News | Movie News in Telugu | Movie Gossips in Telugu https://ift.tt/2L1lQ4S
v