‘రాధే శ్యామ్’ విజువల్ వండర్.. డార్లింగ్ ఫ్యాన్స్ కోసం

ల‌వ్ ఎట్ ఫ‌స్ట్ సైట్ ఇది సాధార‌ణంగా అంద‌రిలో క‌లిగే అనుభూతి. అయితే ఆ ప్రేమ సఫలం కావచ్చు.. విఫలం కావచ్చు. భవిష్యత్తుని ఎవరూ ఊహించలేరు. అలా ఊహించే వ్యక్తి ప్రేమలో పడితే ఎలా ఉంటుంది. తన ప్రేమ సక్సెస్ అయ్యిందా! హ‌స్త‌సాముద్రిక‌ంలో ఐన్‌స్టీన్ లాంటి వ్య‌క్తి త‌న ప్రేమను గెలిపించుకున్నాడా? ఆ ప్రేమికులు చేరిన ద‌రి ఏంటి? ప్రేమికుల‌తో విధి ఆడుకుందా? అనే ప్ర‌శ్న‌ల‌కు స‌మాధానంగా రూపొందిన చిత్ర‌మే ‘రాధే శ్యామ్’. బాహుబ‌లితో పాన్ ఇండియా స్టార్‌గాఎదిగిన ప్ర‌భాస్ సాహోతో యాక్ష‌న్ మూవీ చేశారు. ఇప్పుడు ఆయ‌న క‌థానాయ‌కుడిగా చేసిన పీరియాడిక్ ల‌వ్ స్టోరి ‘రాధే శ్యామ్’. పూజా హెగ్డే హీరోయిన్‌. ప్ర‌భాస్ అభిమానులు రెండున్న‌రేళ్లుగా, త‌మ అభిమాన క‌థానాయ‌కుడి సినిమా కోసం ఆతృత‌గాఎదురు చూశారు. పాన్ ఇండియా మూవీగా రాధే శ్యామ్’ ప్ర‌పంచ వ్యాప్తంగా మార్చి 11న భారీ ఎత్తున రిలీజైంది. ఈ సినిమా ప్రోమోలు, టీజ‌ర్‌, ట్రైల‌ర్ అందులో విజువ‌ల్స్‌, ప్రభాస్ స్టైలిష్ లుక్‌, పూజా హెగ్డే బ్యూటీనెస్‌.. సాంగ్స్‌, అన్ని సినిమాపై అంచ‌నాల‌ను పెంచుతూ వ‌చ్చాయి. మ‌రి ఈ అంచ‌నాల‌ను రాధే శ్యామ్’తో ప్ర‌భాస్ అందుకున్నారా? మ‌రో స‌క్సెస్‌ను త‌న ఖాతాలో వేసుకున్నారా? అనేది తెలియాంటే ముందు సినిమా క‌థేంటో తెలుసుకుందాం.. కథ: భార‌త‌దేశంలోనే హ‌స్త‌సాముద్రిక శాస్త్రాన్ని చెప్పడంలో పేరు పొందిన వ్య‌క్తి ప‌ర‌మ‌హంస (కృష్ణంరాజు). ఆయ‌న త‌ర్వాత ఆయ‌నంత గొప్ప‌వాడు. హ‌స్త‌సాముద్రికను చెప్ప‌డంలో ఐన్ స్టీన్ అంత‌టి గొప్ప‌వాడు ఆయ‌న శిష్యుడు విక్ర‌మాదిత్య (ప్ర‌భాస్‌). ఎందుక‌నో అత‌ను ఇండియాను విడిచిప పెట్టి త‌న త‌ల్లి (భాగ్య శ్రీ)తో క‌లిసి రోమ్‌లో ఉంటాడు. ఆదిత్య‌కు ల‌వ్ కంటే ఫ్ల‌ర్‌టేషన్ షిప్‌పైనే ఎక్కువ న‌మ్మ‌కం ఉంటుంది. అందుకు కార‌ణం త‌న చేతిలో ప్రేమ‌కు సంబంధించిన ల‌వ్ లైన్ లేదని, ప్రేమ తనకు అచ్చిరాదని అతను అంటుంటాడు. అలాంటి వ్య‌క్తి ఓ రోజు ట్రెయిన్‌లో ప్రేర‌ణ (పూజా హెగ్డే)ను చూస్తాడు. ఆమెతో ప్రేమ‌లో ప‌డ‌తాడు. ఆమె చుట్టూ తిరుగుతాడు. ఆమె కూడా విక్రమాదిత్య ప్రేమలో పడుతుంది. విక్ర‌మాదిత్య హస్తసాముద్రికను చెప్పడంలో దిట్ట అని తెలిసిన ప్రేర‌ణ‌, త‌న చేయి చూసి భ‌విష్య‌త్తు చెప్ప‌మ‌ని అంటుంది. ఆమె చేతి రేఖ‌ల‌ను చూసి ఆమెకు అద్భుత‌మైన లైఫ్ ఉంద‌ని, వందేళ్లు బతుకుందని విక్ర‌మాదిత్య చెబుతాడు. అయితే అతనికి ప్రేర‌ణ గురించి ఓ చేదు నిజం తెలుస్తుంది. ఆమె ఎక్కువ రోజులు బ‌త‌క‌ద‌ని, న‌యం చేయ‌లేని జ‌బ్బుతో బాధ‌ప‌డుతుంద‌ని డాక్ట‌ర్స్ చెబుతారు. కానీ, విక్ర‌మాదిత్య డాక్ట‌ర్స్ చెప్పేది త‌ప్ప‌ని, త‌న జోస్యం నిజ‌మ‌ని చెబుతాడు. అదే స‌మ‌యంలో ప్రేర‌ణ‌కు విక్ర‌మాదిత్య గురించి ఓ నిజం తెలుస్తుంది. అదేంటి? విక్ర‌మాదిత్య - ప్రేర‌ణల ప్రేమ సైన్స్‌ను దాటి బ‌తుకుతుందా? విధికి, ప్రేమ‌కు జ‌రిగే యుద్ధంలో ఆ జంట ఎలాంటి తీరం చేరుతుంది? అనే విష‌యం తెలియాలంటే సినిమా చూడాల్సిందే. స‌మీక్ష‌: మన భవిష్యత్తు చేతి రేఖల్లో ఉండదు.. మన చేతల్లోనే ఉంటుంది అనేది ‘రాధే శ్యామ్’ సినిమా ప్రధాన కథాంశం. టాలీవుడ్ ప్రేక్ష‌కుల‌కు ప్రేమ‌క‌థా చిత్రాలు కొత్తేం కావు. మ‌రి ‘రాధే శ్యామ్’లో ఉన్న ల‌వ్ ట్రాక్ అనేది కాస్త డిఫ‌రెంట్ అనే చెప్పాలి. విధికి, ప్రేమ‌కు జ‌రిగే పోరు. ప్ర‌పంచ‌లోనే ప్రముఖ హ‌స్త‌సాముద్రికా నిపుణుడైన హీరో.. అత‌ను చెప్పిన జోస్యం ఏది ఇప్ప‌టి వ‌ర‌కు ఫెయిల్ కాదు. అలాంటి వ్య‌క్తి ప్రేమ‌లో ప‌డ‌టం.. అత‌ను ప్రేమ కోసం విధితో యుద్ధం చేయ‌డం అనే కాన్సెప్ట్‌లో సినిమాను తెర‌కెక్కించారు. రొటీన్ ప్రేమకథా చిత్రాల‌కు భిన్నంగా ‘రాధే శ్యామ్’ను పీరియాడిక్ మూవీగా యూర‌ప్ బ్యాక్ డ్రాప్‌లో తెర‌కెక్కించారు. ఈ సినిమాను తెర‌కెక్కించే స‌మ‌యంలోనే క‌రోనా ప్రారంభ‌మైంది. దాదాపు రెండేళ్ల పాటు యూనిట్ ఎన్నో క‌ష్ట న‌ష్టాల‌కు ఓర్చి సినిమాను పూర్తి చేయ‌డం గొప్ప విష‌య‌మ‌ని చెప్పాలి. సినిమాను ఇట‌లీ, జార్జియా వంటి దేశాల్లో కొన్ని రోజుల పాటు చిత్రీక‌రించారు. అక్క‌డ చిత్రీక‌రించ‌లేని స‌న్నివేశాల‌ను భారీ సెట్స్ వేసి చిత్రీక‌రించారు. ఇక్క‌డ ప్ర‌స్తావించాల్సిన విష‌యం ఏంటంటే.. అస‌లు ఏది సెట్‌, ఏది అస‌లు లొకేష‌న్ అనేది తెలియ‌కుండా అంత చ‌క్క‌గా స‌న్నివేశాల‌ను విజువ‌ల్ ఎఫెక్ట్స్‌తో మ్యాచ్ చేసి చిత్రీక‌రించారు. బాహుబ‌లితో పాన్ ఇండియా హీరోగా మారిన ప్ర‌భాస్.. యాక్ష‌న్ చిత్రాల‌నే చేయాల‌ని కాకుండా డిఫ‌రెంట్ ల‌వ్ స్టోరిని చేయాల‌నుకోవ‌డం అభినంద‌నీయ విష‌యం. అలాగే, ఇదొక ల‌వ్ స్టోరి. అస‌లు ప్ర‌భాస్ ల‌వ్ స్టోరితో సినిమా చేసి చాలా రోజులు అవుతుందిగా న‌ప్పుతుందా? అని చాల మంది అనుకున్నారు. అయితే, ప్ర‌భాస్ ఈ సినిమా కోసం త‌న లుక్‌ను పూర్తిగా మార్చుకున్నారు. సాహో కంటే ఈ సినిమాలో చాలా ఫ్రెష్ అండ్ స్లైలిష్ లుక్‌లో క‌నిపించారు. ఇక పూజా హెగ్డే చాలా అందంగా ఉంది. ప్ర‌భాస్ - పూజా హెగ్డే జోడి చూడ చ‌క్క‌గా అనిపించింది. భాగ్య‌శ్రీ, కృష్ణంరాజు, ప్రియ‌ద‌ర్శి, జ‌య‌రామ్ త‌దిత‌రులు వారి వారి పాత్ర‌ల‌కున్యాయం చేశారు. అయితే జ‌గ‌పతి బాబు, స‌చిన్ ఖేడేక‌ర్‌, ముర‌ళీ శ‌ర్మ పాత్ర‌ల‌కు పెద్ద‌గా ఎలివేష‌న్ లేవ‌నే చెప్పాలి. సినిమా అంతా ఎక్కువ భాగం ప్ర‌భాస్‌, పూజా హెగ్డే ల‌వ్ ట్రాక్ చుట్టూనే తిరుగుతుంది. ఫస్టాఫ్ డీసెంట్‌గా అనిపిస్తుంది. ఫ‌స్టాఫ్‌లో ఓ ట్రెయిన్ యాక్సిడెంట్ ఎపిసోడ్ కీరో అనే ఫేమ‌స్ పామిస్ట్ లైఫ్ నుంచి తీసుకునే తెర‌కెక్కించారు. ఆ స‌న్నివేశం బావుంటుంది. ఇక ఇంట‌ర్వెల్ ట్విస్ట్ కూడా ఆక‌ట్టుకుంటుంది. ఇక సెకండాఫ్‌లో అస‌లు క‌థ స్టార్ట్ అవుతుంది. ఒక‌వైపు పూజా హెగ్డే సైడ్ నుంచి క‌థ ర‌న్ అయితే, మ‌రో వైపు ప్ర‌భాస్ సైడ్ నుంచి ఎమోష‌న‌ల్ కోణం సినిమా ర‌న్ అవుతుంది. అయితే ఈ ఎమోష‌న్స్ ఏవీ మ‌న‌సుని హ‌త్తుకునేంతగా లేవు. నిజానికి ప్ర‌భాస్ రెండున్న‌రేళ్ల పాటు క‌ష్ట‌ప‌డి చేసిన రాధే శ్యామ్ ప‌క్కా పొయెటిక్ ల‌వ్ స్టోరిగా చిత్రీక‌రించే ప్ర‌య‌త్నం చేశారు. ప్ర‌భాస్ వంటి మాస్ ఇమేజ్ ఉన్న హీరోతో సినిమా అనుకున్న‌ప్పుడు మ‌రి హీరోయిజాన్ని ఎలివేట్ చేసే సీన్స్ లేకుండా అంత క్లాస్‌గా తీయ‌డం ఆయ‌న్నుంచి మాస్ ఎలిమెంట్స్ కోరుకునే ప్రేక్ష‌కుల‌కు న‌చ్చ‌వ‌నే చెప్పాలి. ఇక సెకండాఫ్‌లో ప్ర‌ధానంగా క్లైమాక్స్ సింప్లీ సూప‌ర్బ్‌. దాదాపు ప‌ది నిమిషాల పాటు ఈ సీన్‌ను సెట్ వేసి చిత్రీక‌రించారు. కానీ ఇది సెట్‌లో చిత్రీక‌రించిన‌ట్లు అనిపించ‌దు. విజువ‌ల్ ఎఫెక్ట్స్ అంత చ‌క్క‌గా కుదిరాయి. జ‌స్టిన్ ప్ర‌భాక‌రన్ సంగీతం ప్రేమ క‌థ‌కు త‌గ్గట్టు ఓకే అనిపించింది. సినిమాకు త‌మ‌న్ బ్యాగ్రౌండ్ స్కోర్, మ‌నోజ్ ప‌ర‌మ‌హంస సినిమాటోగ్ర‌ఫీ, ప్రొడ‌క్ష‌న్ డిజైన‌ర్ ర‌వీంద‌ర్ ఆర్ట్ వ‌ర్క్ వెన్నుద‌న్నుగా నిలిచాయి. అయితే సినిమా స్లోగా సాగుతున్న‌ట్లు అనిపించ‌డం.. ప్ర‌భాస్ వంటి మాస్‌ ఇమేజ్‌ను ఎలివేట్ చేసే స‌న్నివేశాలు అస్స‌లు లేక‌పోవ‌డంతో పాటు కొన్ని స‌న్నివేశాలు అన‌వస‌రం అనిపిస్తాయి. అందుకకు జ‌గ‌ప‌తి బాబు ట్రాక్‌ను ఉదాహ‌ర‌ణ‌గా చెప్పొచ్చు. చివ‌ర‌గా.. ‘రాధే శ్యామ్’ విజువల్ వండర్.. డార్లింగ్ ఫ్యాన్స్ కోసం

from Telugu Movie News | Movie News in Telugu | Movie Gossips in Telugu https://ift.tt/uGNaQT8
v