టాలీవుడ్‌లో వరుస అవకాశాలతో కొనసాగుతున్న హీరోయిన్ మెహరీన్. నాని నటించిన కృష్ణగాడి వీర ప్రేమ గాధ సినిమాతో తెలుగు తెరకు హీరోయిన్‌గా పరిచయమైంది ఈ బబ్లీ బ్యూటీ. ఆ తర్వాత వరుసగా సినిమా అవకాశాలు అందుకుంటూ కొనసాగుతోంది. మధ్యలో కొన్ని ఫ్లాపులొచ్చినా కూడా లక్కీగా అవకాశాలు మాత్రం దక్కించుకుంటోంది. ప్రస్తుతం మెహరీన్ క్రేజీ మూవీస్‌లో హీరోయిన్‌గా చేస్తోంది. బ్లాక్ బస్టర్ సిరీస్ f 3లో వరుణ్ తేజ్ సరసన నటిస్తుంది మెహరీన్. ఇటీవలే మారుతి దర్శకత్వంలో వచ్చిన మంచి రోజులు వచ్చాయి సినిమాతో ఆకట్టుకుంది. ఈ క్రమంలోనే మారుతి - పాన్ ఇండియన్ స్టార్ ప్రభాస్ కాంబినేషన్‌లో ఓ సినిమా మొదలవబోతోంది. ఈ సినిమాను అగ్ర నిర్మాత డీవీవీ దానయ్య భారీ బడ్జెట్‌తో నిర్మించనున్నారు. ఈ ప్రాజెక్ట్‌ను కేవలం రెండు నెలల్లోనే పూర్తి చేసేలా ప్లాన్ చేస్తున్నారు. అయితే, ఈ సినిమాలో ముగ్గురు హీరోయిన్స్‌గా ఉన్నట్టు తెలుస్తోంది. ఈ ముగ్గురు హీరోయిన్స్‌లో ఒకరు మెహరీన్ అని టాక్ వినిపిస్తోంది. దర్శకుడు మారుతిని కూడా ఈ మూవీలో అవకాశాలని మెహరీన్ ఆసక్తిగా అడుగుతున్నట్టు టాక్ వినిపిస్తోంది. ఈ అవకాశం దక్కితే ఆమెకు లక్కీ ఛాన్స్ అని చెప్పొచ్చు. ఇదిలా ఉంటే, ఇప్పుడు మరో క్రేజీ ప్రాజెక్ట్‌లో అవకాశం దక్కినట్టు సమాచారం. టాలీవుడ్ స్టార్ ప్రొడ్యూసర్ కాంపౌండ్‌లో మెహరీన్ చేరినట్టు ఫిల్మ్ సర్కిల్స్‌లో చెప్పుకుంటున్నారు. తమిళ స్టార్ హీరో విజయ్, టాలెంటెడ్ డైరెక్టర్ వంశీ పైడిపల్లి కాంబినేషన్‌లో దిల్ రాజు ఓ పాన్ ఇండియన్ సినిమాను నిర్మించనున్నారు. ఇప్పటికే ఈ మూవీకి సంబంధించిన అధికారిక ప్రకటన కూడా వచ్చేసింది. ఈ ప్రాజెక్ట్‌లో విజయ్ సరసన హీరోయిన్‌గా మెహరీన్‌ను తీసుకోకున్నట్టు సమాచారం. ఇప్పటికే మెహరీన్ దిల్ రాజు నిర్మాణంలో హీరోయిన్‌గా సినిమాలు చేసింది. ఎఫ్ 2, ఇప్పుడు ఎఫ్ 3 చేస్తున్న విషయం తెలిసిందే. ఈ క్రమంలోనే దిల్ రాజు ఈ ప్రాజెక్ట్‌కు మెహరీన్‌ను ఎంపిక చేసుకున్నారట. మరి దీనికి సంబంధించిన అఫీషియల్ కన్‌ఫర్మేషన్ ఎప్పుడు వస్తుందో చూడాలి.
from Telugu Movie News | Movie News in Telugu | Movie Gossips in Telugu https://ift.tt/GL3U1o4
v
No comments:
Post a Comment