భీమ్లా నాయక్ ట్రైలర్ సునామీ.. RRR రికార్డులను చెరిపేస్తూ ఊచకోత

హీరోగా రూపొందుతున్న 'భీమ్లా నాయక్' సినిమా విడుదలకు ముందే రికార్డుల సునామీ సృష్టిస్తోంది. ఇప్పటికే విడుదల చేసిన టీజర్, గ్లింప్స్ ప్రేక్షకుల నుంచి ఓ రేంజ్ రెస్పాన్స్ అందుకోగా తాజాగా నిన్న (సోమవారం) రాత్రి విడుదల చేసిన ట్రైలర్ ఆన్ లైన్ వేదికలపై హంగామా చేస్తోంది. గత సినిమాల రికార్డులు చెరిపేస్తూ సత్తా చాటుతోంది. ఈ క్రమంలోనే RRR రికార్డును దాటేసి సరికొత్తగా తన పేరు లిఖించుకున్నాడు భీమ్లా నాయక్. ట్రైలర్ టాక్ ఎలా ఉన్నప్పటికీ ఈ వీడియోకు భారీ రేంజ్ రెస్పాన్స్ దక్కుతోంది. సామాజిక మాధ్యమాలను హోరెత్తిస్తూ లక్షల్లో లైకులు తెచ్చుకుంటోంది. అంతకుముందు వచ్చిన బిగ్ బడ్జెట్ సినిమాల రికార్డ్స్ అధిగమిస్తోంది. మొదట టాలీవుడ్‌లో అత్యదిక వేగంగా 100K లైక్స్ అందుకున్న ట్రైలర్‌గా రికార్డును నమోదు చేసిన భీమ్లా నాయక్.. ఆ తర్వాత 200K, 500K, 600K, 700K, 800K, 1M లైక్స్ కూడా చాలా వేగంగా అందుకొని మిగతా సినిమాల రికార్డులను బ్రేక్ చేశాడు. కాగా, రాజమౌళి తెరకెక్కిస్తున్న భారీ సినిమా RRR ట్రైలర్ 4 గంటల 12 నిమిషాల్లో 800K లైక్స్ అందుకొని రికార్డు క్రియేట్ చేయగా.. ఇప్పుడు భీమ్లా నాయక్ దాన్ని అధిగమించాడు. కేవలం 1 గంట 56 నిమిషాల్లోనే ఆ ఫీట్ అందుకొని సరికొత్త రికార్డు నెలకొల్పాడు. విడుదలకు ముందే ఈ ఊచకోత చూసి పవన్ ఫ్యాన్స్ హుషారెత్తిపోతున్నారు. 'అయ్యప్పనుమ్ కోషియుమ్‌' తెలుగు రీమేక్‌గా ఫిబ్రవరి 25వ తేదీన ఈ సినిమా విడుదల కానుంది. ఈ చిత్రానికి సాగర్‌.కె.చంద్ర దర్శకత్వం వహించగా.. మాటల మాంత్రికుడు త్రివిక్రమ్ శ్రీనివాస్ దర్శకత్వ పర్యవేక్షణ చేస్తూ స్క్రీన్ ప్లే అందించారు. తమన్ బాణీలు కట్టారు. ఈ మూవీపై మెగా అభిమానుల్లో బోలెడన్ని అంచనాలున్నాయి.

from Telugu Movie News | Movie News in Telugu | Movie Gossips in Telugu https://ift.tt/IoDpRXM
v