తండ్రికి కొరివిపెట్టిన సురేఖావాణి కూతురు.. బంధువుల అరాచకంపై నోరు విప్పింది

బట్టల్ని చూసి క్యారెక్టర్‌ని డిసైడ్ చేయడం.. వాళ్ల ప్రవర్తనని బట్టి బతుకుని బజారున పెట్టడం.. సోషల్ మీడియాలో సెలబ్రిటీలకు ఎదురయ్యే అవమానాలు రోజూ చూస్తేనే ఉంటాం. అయితే పైకి నవ్వుతూ నవ్విస్తూ అలరిస్తూ ఉన్నా.. వాళ్లు మనుషులే కదా.. వాళ్లకి బాధలు ఉంటాయి.. బంధాలు ఉంటాయి.. బంధుత్వాలు ఉంటాయి.. అయితే బంధాన్ని నిలిపే బంధువులు కూడా కాకుల్లా పొడుకుని తింటే ఆ బాధ ఎంత దారుణంగా ఉంటుందో చెప్తూ కన్నీళ్లు పెట్టుకుంది సురేఖా వాణి కూతురు సుప్రితి. సురేఖవాణి-సుప్రిత అంటే సోషల్ మీడియాలో రచ్చ చేస్తుంటారు.. పొట్టి బట్టలతో పార్టీలు పబ్‌లని తెగ ఎంజాయ్ చేస్తుంటారు.. వీళ్లిద్దరిలో తల్లి ఎవరూ కూతురు ఎవరో తెలియట్లేదే.. ఇవే మనకి కనిపింపే వార్తలు. అయితే పైకి ఇంత సంతోషంగా ఉన్నా.. తాము ఎన్ని కష్టాలు పడ్డామో పడుతున్నామో కళ్లకు కట్టింది సురేఖా వాణి కూతురు . అందరూ తన తండ్రి చావు గురించి కామెంట్లు చేస్తుంటారని.. అసలు తన తండ్రి చనిపోయినప్పుడు ఏమైందో మీకు తెలుసా? అంటూ నాటి విషయాలను చెప్పుకుని ఎమోషనల్ అయ్యింది సుప్రిత. ‘మా నాన్న చనిపోయినప్పుడు పరిస్థితులు చాలా దారుణం. నాన్న బంధువల వైపు నుంచి మాకు సపోర్ట్ లేదు. వాళ్లు ఈ మాటలు వింటే సారీ కానీ.. జరిగింది చెప్తున్నా. డాడీకి తలకొరివి నేను పెట్టుకున్నాను.. డాడీ బంధువుల్ని తలకొరివిపెట్టమని పిలిస్తే.. ఒక్కరు కూడా ముందుకు రాలేదు. మా బంధువులు మా నుంచి చాలా తీసుకున్నారు.. ఇప్పటికీ కూడా మా నుంచి తినాలి తినాలి అనే అనుకుంటారు.. వాళ్లు ఎంత తింటారో తెలియదు కానీ.. ఇప్పటికీ ఆశిస్తూనే ఉంటారు. డాడీకి తలకొరివి పెట్టాలని చెప్తే.. మీరు పెట్టేసేయండి.. మేం తరువాత వస్తాం అన్నారు.. ఆ టైంలో మా మమ్మీ ఫ్యామిలీ అమ్మమ్మ, తాతయ్య, మామయ్య, అమ్మమ్మ వాళ్ల బ్రదర్స్ వాళ్లే మాకు తోడుగా ఉన్నారు. తలకొరివి పెట్టడం మాట అటు ఉంచితే కాడే మోయడానికి కూడా ముందుకు రాలేదు. అతను ఎవరో కాదు.. మా డాడీ సొంత అన్నయ్యే. ఎవరో కాడె మోయడానికి ముందుకు వస్తే.. మోయకండిరా.. మోస్తే కడిగించుకోవడానికి మళ్లీ రావాలని దారుణంగా మాట్లాడారు. నేను హ్యాండిల్ చేసిన పరిస్థితులు చూస్తే అసలు నేనేనా అనిపించింది. మా నాన్నకి అన్నీ నేనే కదా.. అన్నీ నేనే చూసుకున్నా.. నా తండ్రికి నేనే కొరివిపెట్టాను. నేను హ్యాండిల్ చేయలేనేమో అని అమ్మ భయపడేది కానీ.. కొరివిపెట్టి.. ఆ హస్తికలు కలిపి అన్నీ నేనే చూసుకున్నా. ఇది జరిగిన తరువాత ఒక పోస్ట్ పెట్టాను.. తల కొరివి పెట్టకూడదు అదీ ఇదీ అంటారు కానీ.. అమ్మాయి ఏదైనా చేయగలదు.. చేయొచ్చు అని నా అభిప్రాయాన్ని చెప్పాను. దానిపై కూడా కామెంట్లు పెట్టారు.. పబ్లిసిటీ స్టంట్.. సింపథీ అని దారుణంగా మాట్లాడారు. ఓమైగాడ్.. మనుషులు ఇలా కూడా ఉంటారా అనిపించింది. నాన్నని మిస్ అయినందుకు ఇప్పటికీ మేం బాధపడుతున్నాం.. బంధువులు అన్నవాళ్లు సంతోషపెట్టకపోయినా పర్లేదు.. ఇలా బాధపెట్టకుండా ఉంటే మంచిది. నా సక్సెస్ చూడకుండా నా తండ్రి వెళ్లిపోయినందుకు నాకు ఇంకా బాధగానే ఉంది.. కష్టం వచ్చినప్పుడు ఓదార్చడానికి.. సక్సెస్ సాధించినప్పుడు భుజం తట్టడానికి అమ్మ చేయి ఓవైపున ఎలాగైతే ఉందో.. నాన్న చేయి కోసం మరోవైపున వెతుక్కుంటూనే ఉన్నా’ అంటూ చాలా ఎమోషనల్‌గా మాట్లాడింది సుప్రిత.

from Telugu Movie News | Movie News in Telugu | Movie Gossips in Telugu https://ift.tt/i6hvB7g
v