వరుస హిట్ సినిమాలతో సత్తా చాటుతూ టాలీవుడ్ టాప్ హీరోల్లో ఒకరిగా దూసుకుపోతున్న సూపర్ స్టార్ మహేష్ బాబు.. తన తదుపరి సినిమాలో మోహన్ బాబుతో తెర పంచుకోబోతున్నారని తెలుస్తోంది. దర్శకనిర్మాతలతో పాటు నేటితరం ప్రేక్షకులు విలక్షణ కాంబోలపై ఇంట్రెస్ట్ పెడుతున్నారు. ఈ క్రమంలోనే కలెక్షన్ కింగ్ , సూపర్ స్టార్ కాంబో సెట్ చేశారని సమాచారం. వరుస హిట్లతో సూపర్ ఫామ్‌లో ఉన్న మహేష్ బాబు తన మార్కెట్‌ను గణనీయంగా పెంచుకుంటున్నారు. ప్రస్తుతం ఆయన పరశురామ్ దర్శకత్వంలో 'సర్కారు వారి పాట' సినిమా చేస్తున్నారు. ఇప్పటికే 60 శాతం మేర ఈ సినిమా షూటింగ్ కంప్లీట్ అయింది. ఈ మూవీ తర్వాత మాటల మాంత్రికుడు త్రివిక్రమ్ శ్రీనివాస్ దర్శకత్వంలో మహేష్ సినిమా ఉండనుంది. ఈ మూవీ కోసమే మహేష్ బాబు- మోహన్ బాబు కలవబోతున్నట్లు ఫిలిం నగర్‌లో టాక్ నడుస్తోంది. త్రివిక్రమ్ శ్రీనివాస్‌తో మహేష్ బాబు చేయాల్సిన మూవీ ఎప్పుడో మొదలు కావాల్సి ఉండగా 'సర్కారు వారి పాట' సినిమా ఆలస్యమవుతూ రావడంతో ఈ సినిమా షూట్ కూడా వాయిదా పడుతూ వస్తోంది. అయితే ఈ గ్యాప్‌లో కథపై కసరత్తులు చేస్తూ పక్కా వ్యూహరచన చేశారట త్రివిక్రమ్. ఈ మేరకు సీనియర్ నటుడు మోహన్ బాబు కోసం ఓ ముఖ్య పాత్ర డిజైన్ చేశారట. ఇందులో మహేష్ బాబు మేనమామగా మోహన్ బాబును చూపించబోతున్నారని తెలుస్తోంది. ఈ పాత్ర గురించి చెప్పగానే వెంటనే గ్రీన్ సిగ్నల్ ఇచ్చేశారట మోహన్ బాబు. దీనిపై త్వరలోనే అధికారిక ప్రకటన ఇవ్వనున్నారట మేకర్స్. మహేష్- త్రివిక్రమ్ క్రేజీ కాంబోలో రాబోతున్న ఈ చిత్రాన్ని హారిక హాసినీ క్రియేషన్స్ బ్యానర్‌పై రాధాకృష్ణ నిర్మించనున్నారు. 1989లో సూపర్ స్టార్ కృష్ణ హీరోగా తెరకెక్కిన 'కొడుకు దిద్దిన కాపురం'లో మోహన్ బాబు విలన్గా నటించారు. ఈ సినిమాలో మహేష్ బాబు బాలనటుడిగా కనిపించారు. అయితే మళ్లీ 33 సంవత్సరాల తర్వాత మరోసారి మోహన్ బాబు- మహేష్ బాబు కలిసి నటించనున్నారని తెలుస్తుండటం ఆసక్తికర అంశం.
from Telugu Movie News | Movie News in Telugu | Movie Gossips in Telugu https://ift.tt/3KFECvH
v
No comments:
Post a Comment