ఆంధ్రప్రదేశ్‌లో టికెట్ల రేట్ల రగడ రోజు రోజుకు ముదురుతోంది. సినిమా టికెట్ ధరలపై ఏపీ ప్రభుత్వం తీసుకున్న నిర్ణయాన్ని పలువురు సినీ ప్రముఖులు తప్పుబడుతున్నారు. ఈ క్రమంలో 'శ్యామ్ సింగ రాయ్' సినిమా విడుదలకు ముందు హీరో చేసిన వ్యాఖ్యలు సినీ, రాజకీయ వర్గాల్లో తీవ్ర దుమారం రేపాయి. నాని మాట్లాడిన తీరుపై ఇప్పటికే పలువురు వైసీపీ లీడర్స్ విరుచుకుపడగా.. తాజాగా టాలీవుడ్ సీనియర్ హీరోయిన్, ఎమ్మెల్యే మీడియా ముందు నాని వ్యాఖ్యలపై కౌంటర్స్ వేశారు. థియేటర్లలో సినిమా టికెట్ రేట్ల తగ్గింపుతో థియేటర్లలో వచ్చే కలెక్షన్స్ కంటే ఆ పక్కన ఉన్న కిరాణా కొట్టు కలెక్షన్స్ బెటర్‌గా ఉన్నాయని, టికెట్ ధరలు పెంచినా కూడా సినిమా చూసే సామర్థ్యం ప్రేక్షకులకు ఉందని నాని అన్నారు. దీంతో ఒక్కసారిగా ఏపీ టికెట్స్ ఇష్యూ హాట్ టాపిక్ అయింది. నాని వ్యాఖ్యలను కొందరు సినీ ప్రముఖులు సపోర్ట్ చేస్తుండగా.. వైసీపీ లీడర్స్ మాత్రం విరుచుకు పడుతున్నారు. తాజాగా సీన్ లోకి ఎమ్మెల్యే రోజా వచ్చి సినిమా టికెట్ల వ్యవహారంపై నాని మాటలు చాలా బాధాకరని అన్నారు. థియేటర్స్ కలెక్షన్స్ కంటే కిరాణా కొట్టు కలెక్షన్స్ బెటర్‌గా ఉందని అనుకున్నపుడు నాని గారు కిరాణా కొట్టే పెట్టుకోవచ్చుగా.. అంటూ నానిపై సెటైర్ వేశారు రోజా. ఇంతమందికి ఉపయోగపడేలా ప్రభుత్వం నిర్ణయం తీసుకుంటుంటే నాని గారి ఒక్క సినిమా కోసం ఆయనలా మాట్లాడటం చాలా బాధాకరమని అన్నారు. ఆయన మాటలు విని షాకయ్యానని చెప్పారు. ఇలాంటి మాటలు మాట్లాడటం వల్ల సినిమా ఇండస్ట్రీకి ఇంకా నష్టం వాటిల్లే ప్రమాదం ఉంటుందని, స్నేహపూరిత వాతావరణంలో మంచి నిర్ణయం తీసుకుంటే అటు పెద్ద సినిమాలకు ఇటు చిన్న సినిమాలకు న్యాయం జరుగుతుందని ఆమె చెప్పారు. కొంతమంది పొలిటికల్‌గా తమ ఉనికిని చాటు కోవడానికి ఇలాంటి ప్రయత్నాలు జరుగుతున్నాయని రోజా అన్నారు. ఇన్ని రోజులు లేని దాన్ని ఇదో పెద్ద ఇష్యూ చేస్తున్నారంటే.. ఒక పొలిటికల్ పార్టీ పెట్టి సినిమాలు చేస్తున్న వ్యక్తి వల్లే అనేది అందరికీ తెలుసంటూ రోజా చేసిన వ్యాఖ్యలు జనాల్లో హాట్ టాపిక్ అయ్యాయి. దీంతో ఈ ఇష్యూలోకి పరోక్షంగా పవన్ కళ్యాణ్‌‌ని లాగుతూ ఆమె ఈ కామెంట్స్ చేశారని చర్చించుకుంటున్నారు జనం.
from Telugu Movie News | Movie News in Telugu | Movie Gossips in Telugu https://ift.tt/3pCZSd2
v
No comments:
Post a Comment