నందమూరి నటసింహం హీరోగా మాస్ డైరెక్టర్ బోయపాటి శ్రీను దర్శకత్వంలో రూపొందిన సినిమా ''. డిసెంబర్ 2వ తేదీన విడుదలైన ఈ సినిమా తొలిరోజే పాజిటివ్ టాక్ తెచ్చుకొని థియేటర్స్‌లో సక్సెస్‌ఫుల్ రన్ కొనసాగిస్తోంది. కరోనా విపత్కర పరిస్థితుల తర్వాత వచ్చిన పెద్ద సినిమా ఇదే కావడం, పైగా ఈ సినిమా భారీ సక్సెస్ కావడంతో చిత్రసీమకు పూర్వ వైభవం వచ్చినట్లయింది. ఈ చిత్రంలో పూనకాలు తెప్పించే నటనా ప్రతిభ కనబర్చారు బాలయ్య బాబు. దీంతో నందమూరి అభిమాన లోకం ఈ సినిమా సక్సెస్ ఎంజాయ్ చేస్తుండగా చిత్రానికి సంబంధించి మరో ఆసక్తికర వార్త బయటకొచ్చింది. అఖండ డిజిటల్ రైట్స్ డిస్నీ హాట్ స్టార్ చేతిలో ఉన్న సంగతి తెలిసిందే. అయితే థియేటర్ రన్ క్రమంగా స్లో డౌన్ అవుతుండటంతో ఈ సినిమాను OTTలో రిలీజ్ చేయాలని ఫిక్సయ్యారట. సంక్రాంతి కానుకగా జనవరి 12 నుంచి అందుబాటులోకి తీసుకురావాలని ప్లాన్ చేశారట. అతి త్వరలో దీనిపై అధికారిక ప్రకటన కూడా రానుందని అంటున్నారు. అదేవిధంగా అఖండ టెలివిజన్ ప్రిమియర్ విషయంలో కూడా ఓ డేట్ ప్రచారంలోకి వచ్చింది. శాటిలైట్స్ రైట్స్ దక్కించుకున్న స్టార్ మా వారు ఈ 'అఖండ' సినిమాను ఫిబ్రవరి 27న ప్రసారం చేయనున్నట్లు తెలుస్తోంది. బోయపాటి- బాలకృష్ణ కాంబోలో వస్తున్న హాట్రిక్ మూవీగా భారీ అంచనాల నడుమ విడుదలైన ఈ మూవీ ఆరంభం నుంచే పాజిటివ్ టాక్ తెచ్చుకొని నిర్మాతలకు లాభాల పంట పండిస్తోంది. విడుదలైన కొద్ది రోజుల్లోనే టార్గెట్‌ దాటేసి సూపర్ డూపర్ హిట్‌గా నిలిచింది. ఇప్పటివరకు ప్రపంచ వ్యాప్తంగా ఈ మూవీ 70.61 కోట్ల షేర్, 124.45 కోట్లు గ్రాస్‌ వసూళ్లు రాబట్టింది అఖండ. ఇకపోతే అఖండ సక్సెస్‌తో జోష్‌లో ఉన్న బాలయ్య బాబు.. తన తదుపరి సినిమాను 'క్రాక్' డైరెక్టర్ గోపీచంద్‌ మలినేనితో చేయనున్నారు. శృతి హాసన్ హీరోయిన్‌గా నటించనున్న ఈ సినిమాను మైత్రీ మూవీ మేకర్స్ బ్యానర్ నిర్మించనుంది. అతి త్వరలో ఈ సినిమా షూటింగ్ ప్రారంభం కానుంది.
from Telugu Movie News | Movie News in Telugu | Movie Gossips in Telugu https://ift.tt/3mGQYJq
v
No comments:
Post a Comment