నమస్కారం! నా నుంచి దూరంగా ఉండు.. సుడిగాలి సుధీర్‌ గాలి తీసిన ‌స్టార్ హీరోయిన్

జబర్దస్త్ కమెడియన్‌గా భారీ పాపులారిటీ సంపాదించాడు సుడిగాలి సుధీర్. తనదైన కామెడీ టైమింగ్‌తో కితకితలు పెట్టడమే కాదు తన మాటలకు మసాలా దట్టిస్తూ హీటెక్కిచడం కూడా మనోడికి బాగా తెలుసు. అమ్మాయి కనిపిస్తే చాలు సుధీర్ ఫీలింగ్స్ ఎలా ఉంటాయి? వాళ్లపై ఆయన వేసే కౌంటర్స్ ఏ అర్థాలతో నవ్విస్తుంటాయో ప్రత్యేకంగా చెప్పాల్సిన అవసరమే లేదు. అలా అలా పులిహోర రాజాగా ఫేమస్ అయిన ఆయన్ను కమెడియన్స్ అంతా అలానే ట్రీట్ చేస్తుంటారు. సుధీర్ కనిపిస్తే చాలు అదే కోణంలో పంచులేస్తుంటారు. అయితే తాజాగా ఓ స్టార్ హీరోయిన్ కూడా సుధీర్‌ని అదే దృష్టితో చూడటం ఆసక్తికరంగా మారింది. బుల్లితెరపై కెమెడియన్‌గా అలరిస్తూనే '' ప్రోగ్రామ్ హోస్ట్‌గా చేస్తున్నాడు సుడిగాలి సుధీర్. అయితే కొత్త సంవత్సరం రాబోతున్న సందర్భంగా స్వర్గంలో న్యూ ఇయర్ సెలబ్రేషన్స్ అంటూ న్యూ కాన్సెప్ట్‌తో ఎపిసోడ్ ప్లాన్ చేశారు. ఈ ఎపిసోడ్‌కి సీనియర్ హీరోయిన్ ముఖ్య అతిథిగా విచ్చేశారు. తాజాగా ఈ ఎపిసోడ్ ప్రోమో రిలీజ్ చేయగా సుధీర్, మహేశ్వరి నడుమ జరిగిన సంభాషణ, ఆ సీన్స్ హైలైట్ అయ్యాయి. మహేశ్వరి వేదికపై వచ్చి రాగానే 'మేడం హాయ్' అంటూ చేయి కలపబోయాడు సుడిగాలి సుధీర్. దానికి ఆమె నమస్కారం మాత్రమే పెడుతూ చేయి ఇవ్వకపోవడంతో ఆశ్చర్యపోయిన సుధీర్.. 'ఏంటి? నమస్కారం పెడుతున్నారు' అని అడిగేశాడు. దీంతో 'వద్దు బాబు నేను చేతులు కలిపితే నువ్వు ఏ పులిహోరో కలుపుతావు' అనేస్తూ సుధీర్‌కి జబర్దస్త్ పంచ్ ఇచ్చింది మహేశ్వరి. ఆ మాటతో ఇంద్రజ సహా అక్కడున్న వారంతా తెగ నవ్వేశారు. ఆ తర్వాత మేడం.. ఇంతకీ నన్ను ఎక్కడ ఉండమంటాడు? అని సుధీర్ అడగడంతో నా నుంచి మాత్రం దూరంగా ఉండమంటూ మరోసారి గాలి తీసేసింది మహేశ్వరి. దీంతో ఫేస్ అదోలా పెట్టుకొని తెగ ఫీలై పోయాడు సుడిగాలి సుధీర్. ప్రస్తుతం ఈ ప్రోమో వీడియో నెట్టింట వైరల్ అవుతోంది. పూర్తి ఎపిసోడ్ జనవరి 2వ తేదీన ప్రసారం కానుంది.

from Telugu Movie News | Movie News in Telugu | Movie Gossips in Telugu https://ift.tt/3mKOcTo
v