ఎన్టీఆర్‌తో సమంత.. ఇదీ ప్లాన్! వైరల్ అవుతున్న క్రేజీ అప్‌డేట్

ప్రస్తుతం RRR సినిమా ప్రమోషన్స్‌లో బిజీగా ఉన్నారు యంగ్ టైగర్ ఎన్టీఆర్. ఈ భారీ సినిమా కోసం చాలాకాలంగా కష్టపడుతున్న ఆయన సినిమా ప్రమోషన్స్ కోసం దేశవ్యాప్తంగా పర్యటిస్తున్నారు. అయితే తాజాగా RRR తర్వాత ఎన్టీఆర్ చేయబోతున్న తదుపరి ప్రాజెక్టు గురించి ఓ క్రేజీ అప్‌డేట్ బయటకొచ్చింది. మరికొద్ది రోజుల్లో ఎన్టీఆర్- కాంబోలో ఓ మూవీ పట్టాలెక్కనున్న సంగతి తెలిసిందే. ప్రస్తుతం స్క్రిప్ట్ రెడీ చేస్తున్న కొరటాల.. ఈ సినిమాలో ఎన్టీఆర్ సరసన సమంతను ఫైనల్ చేయాలని ప్లాన్ చేస్తున్నారట. RRR తర్వాత ఎన్టీఆర్ 30వ సినిమాగా రాబోతున్న ఈ సినిమా కోసం హీరోయిన్ వేట కొనసాగుతోంది. తొలుత శ్రీ లీల నటించనుందన్నట్లుగా వార్తలు రాగా.. ఆ తర్వాత జాన్వీ కపూర్ పేరు తెరపైకి వచ్చింది. ఈ క్రమంలోనే వాళ్లెవరూ కాదని ఈ చిత్రంలో సమంతను ఫైనల్ చేయబోతున్నారనే మరో వార్త షికారు చేస్తోంది. క్రేజ్ క్యాచ్ చేస్తూ ఎన్టీఆర్‌తో మరోసారి స్టెప్పులేయించాలని కొరటాల స్కెచ్చేశారట. ఈ మేరకు స్క్రిప్ట్‌కి మెరుగులు దిద్దుతున్న కొరటాల శివ.. సమంత క్యారెక్టర్ చాలా బలంగా ఉండేలా మార్పులు చేర్పులు చేస్తున్నారట. మరికొద్ది రోజుల్లో సమంతను మీట్ అయి ఈ స్క్రిప్ట్ నేరేట్ చేయాలని ఆయన భావిస్తున్నట్లు ఇన్‌సైడ్ టాక్. భారీ బడ్జెట్ కేటాయించి రూపొందించనున్న ఈ సినిమాను సంక్రాంతి తర్వాత పూజా కార్యక్రమాలతో లాంఛనంగా ప్రారంభించాలని సన్నాహాలు చేస్తున్నారట. ప్రస్తుతం పలు సినిమాలతో ఫుల్ బిజీగా ఉన్న సమంత.. ఈ ప్రాజెక్టుకి డేట్స్ ఇస్తుందో లేదో చూడాలి మరి!.

from Telugu Movie News | Movie News in Telugu | Movie Gossips in Telugu https://ift.tt/3emRfwr
v