ఒక‌రేమో పాన్ ఇండియా స్టార్.. మ‌రొక‌రు తొలిసారి త‌న పాన్ ఇండియా సినిమాతో బాక్సాఫీస్ వ‌ద్ద సంద‌డి చేయాల‌నుకుంటున్న స్టార్. ఈ టాలీవుడ్ స్టార్ ఇద్ద‌రూ ఒకే వేదిక‌పై క‌లిస్తే ఎలా ఉంటుంది. అదుర్స్ క‌దూ! ఇంత‌కీ ఎవ‌రా టాలీవుడ్ స్టార్స్ అనుకుంటున్నారా..ఇంకెవ‌రు? ఒక‌రేమో పాన్ ఇండియా స్టార్ ప్ర‌భాస్ అయితే మ‌రొక‌రేమో ఐకాన్ స్టార్ అల్లు అర్జున్‌. ఈ ఇద్ద‌రు హీరోలు ఒకే వేదిక‌పై కనిపించున్నారా? అంటే అవున‌నే అంటున్నాయి సినీ వ‌ర్గాలు. అస‌లు విష‌య‌మేమంటే అల్లు అర్జున్‌, సుకుమార్ కాంబినేష‌న్‌లో రూపొందుతోన్న పాన్ ఇండియా మూవీ పుష్ప. అందులో తొలి భాగం .. డిసెంబ‌ర్ 17న తెలుగు, త‌మిళ, హిందీ, మ‌ల‌యాళ, క‌న్న‌డ భాష‌ల్లో విడుద‌ల‌కు సిద్ధ‌మ‌వుతుంది. ప్ర‌స్తుతం ఈ సినిమాలో స్పెష‌ల్ సాంగ్‌ను రామోజీ ఫిల్మ్ సిటీలో చిత్రీక‌రిస్తున్నారు. ఈ పాట చిత్రీక‌ర‌ణ‌తో షూటింగ్ మొత్తం పూర్త‌వుతుంది. ఈ స్పెష‌ల్ సాంగ్‌లో అల్లు అర్జున్‌తో స‌మంత క‌లిసి చిందేయ‌డం విశేషం. ఒక‌వైపు పుష్ప ది రైజ్ నిర్మాణానంతర కార్య‌క్ర‌మాల‌ను శ‌ర‌వేగంగా పూర్తి చేస్తున్నారు. మ‌రో వైపు ప్ర‌మోష‌న‌ల్ ప్లాన్ కూడా భారీ ఎత్తున ప్లాన్ చేశారు. ఇండియాలో ప్ర‌ధానమైన న‌గ‌రాల‌కు పుష్ప యూనిట్ వెళ్లి ప్ర‌చారం చేసేలా ప్ర‌ణాళిక‌లు వేసుకున్నారు. లేటెస్ట్‌గా వినిపిస్తోన్న స‌మాచారం మేర‌కు పుష్ప ది రైజ్ ప్రీ రిలీజ్ ఈవెంట్‌కు ముఖ్య అతిథిగా పాన్ ఇండియా స్టార్ ప్ర‌భాస్ రాబోతున్నార‌ట. పుష్ప కోసం ప్ర‌భాస్ రావడం అంటే నిజంగా గొప్ప విష‌య‌మే. మంచి ప‌రిణామం కూడా. అలాగే ప్ర‌భాస్ సినిమా రాధేశ్యామ్ వ‌చ్చే ఏడాది జ‌న‌వ‌రి 14న విడుద‌ల‌వుతుంది. మ‌రి ఈవెంట్‌కు ఏమైనా వెళ‌తాడేమో.. ఇలా తెలుగు హీరోల మ‌ధ్య ఉన్న గ్యాప్ క్ర‌మంగా ఇలా త‌గ్గిపోతుంది. ఒక‌రి ఈవెంట్స్‌కు మ‌రొక‌రు వ‌స్తుండ‌టం మంచి విష‌యం కూడా. శేషాచ‌ల అడ‌వుల్లో జ‌రిగే ఎర్ర చంద‌నం స్మ‌గ్లింగ్ నేప‌థ్యంలో రూపొందుతోన్న చిత్రం పుష్ప ది రైజ్. ఇందులో ర‌ష్మిక మంద‌న్న హీరోయిన్‌. సుకుమార్ ద‌ర్శ‌కుడు. ఆర్య, ఆర్య 2 చిత్రాల త‌ర్వాత వీరిద్ద‌రి కాంబినేష‌న్‌లో తెర‌కెక్కిన మూడో చిత్ర‌మిది. ఫ‌హాద్ ఫాజిల్ మెయిన్ విల‌న్‌గా న‌టిస్తుండ‌గా సునీల్‌, అన‌సూయ ప్ర‌ధాన పాత్ర‌ల్లో న‌టిస్తున్నారు. కాస్త నెల గ్యాప్‌లోనే ప్ర‌భాస్ జ‌న‌వ‌రి 14న సంక్రాంతికి రాధేశ్యామ్ అనే పీరియాడిక్ ల‌వ్‌స్టోరితో పాన్ ఇండియా రేంజ్‌లో సంద‌డి చేయ‌బోతున్నారు. ఇందులో పూజా హెగ్డే హీరోయిన్‌. రాధా కృష్ణ కుమార్ ద‌ర్శ‌కుడు.
from Telugu Movie News | Movie News in Telugu | Movie Gossips in Telugu https://ift.tt/3o6V0fs
v
No comments:
Post a Comment