క్యూట్‌, చ‌బ్బీ యాంక‌ర్‌గా పేరున్న శ్రీముఖికి పెళ్లి అయిపోందా? అదేంటి? అదెప్పుడు? అనే ప్ర‌శ్న‌లు ఫ్యాన్స్ మ‌న‌సుల్లో రాకుండా మాన‌దు. ఈ చ‌బ్బీ బ్యూటీ ఇప్పుడు బుల్లితెర, వెండితెర‌తో పాటు డిజిట‌ల్ మాధ్య‌మంలోకి రీసెంట్‌గా అడుగు పెట్టి హ‌ల్ చల్ చేస్తోన్న సంగ‌తి తెలిసిందే. ఏ మాత్రం ఖాలీ దొరికినా త‌న సోష‌ల్ మీడియా మాధ్య‌మాల ద్వారా అభిమానుల‌ను ఎంట‌ర్‌టైన్ చేస్తుంటుందీ సొగ‌స‌రి. కొన్నాళ్లు ముందు త‌న స్నేహితుడు ముక్కు అవినాష్ పెళ్లిలోనూ, దావ‌త్‌లోనూ క‌లిసి హంగామా చేసిన మ‌న రాములమ్మ ఇప్పుడు నాగ‌బాబుతో చేసిన కాన్సెప్ట్ వీడియో ప్రేక్ష‌కుల‌ను న‌వ్వుల్లో ముంచెత్తింది. అంతంటితో ఈ ముద్దుగుమ్మ ఆగ‌లేదండోయ్‌. సోష‌ల్ మీడియాలో గేమ్స్‌లో పార్టిసిపేట్ చేసింది. అదేదో సైలెంట్‌గా పార్టిసిపేట్ చేయ‌లేదండోయ్ తెగ రచ్చ చేసింది. నాకు ఏ బాజ్ స‌రిపోతుందో చెప్ప‌మ‌ని ఓ గేమ్‌లో సింగ‌ర్ అనే స‌మాధానం రావ‌డంతో వెంట‌నే మైక్ ప‌ట్టేసుకుని నే తొలిసారిగా అనే పాట‌ను త‌న‌దైన స్టైల్లో పాడేసింది. మ‌రో గేమ్‌లో డిఫ‌రెంట్‌గా రాసిన దాన్ని స‌రైన తీరులో ప‌ల‌కింది. దానికి మీరు చెప్పిన దానికి మేం స‌మాధానం చెప్ప‌లేక‌పోతున్నామ‌ని కంప్యూట‌ర్ అన్న‌ప్పుడు అయితే నేనే క‌రెక్ట్ అంటూ త‌న కొంటెత‌నాన్ని చూపించుకుంది. ఇక వ‌య‌సెంతో చెప్ప‌మ‌ని కంప్యూట‌ర్‌ను అడిగిన‌ప్పుడు అది నీ వ‌య‌సు 17 అని చెప్ప‌గానే సిగ్గుప‌డిపోయింది. అంతా బాగానే ఉంది. అయితే ఓ ద‌గ్గ‌ర మాత్రం కంప్యూట‌ర్ శ్రీముఖికి తిరుగులేని షాక్ ఇచ్చింది. అదేంటో తెలుసా పెళ్లి విష‌యంలో.. నా కెప్పుడు పెళ్ల‌వుతుంద‌ని అడిగిన గేమ్‌లో కంప్యూట‌ర్ నీకు ఆల్రెడీ పెళ్లి అయిపోయింద‌ని స‌మాధానం ఇచ్చింది. ఈ స‌మాధానాన్ని ఆమె ఊహించలేదు. ఇక నెటిజ‌న్స్ ఊరుకుంటారా? ఒక్కొక్క‌రు ఒక్కోలా స్పందించ‌డం మొద‌లు పెట్టారు. రాముల‌మ్మా నీకు ఆల్రెడీ పెళ్లయ్యిందా అని నెటిజ‌న్స్ కామెంట్స్ చేయ‌డం మొద‌లు పెట్టారు. తొక్కేం కాదు.. అని ఓ నెటిజ‌న్‌కుశ్రీముఖి రిప్ల‌య్ కూడా ఇచ్చింది. ఇక సినిమాల విష‌యానికి వ‌స్తే క్రేజీ అంకుల్స్ సినిమాలో ప్ర‌ధాన పాత్ర‌లో న‌టించి ఆక‌ట్టుకునే ప్ర‌య‌త్నం చేసింది రాములమ్మ. కానీ ఆ సినిమా ఆమెకు పెద్ద‌గా క‌లిసి రాలేదు. అయితేనేం ఇప్పుడు ఏకంగా మెగాస్టార్ చిరంజీవి భోళా శంక‌ర్‌లో ఓ రోల్ చేస్తుంది. ఎలాగూ ఇక బుల్లితెర‌పై రాములమ్మ హంగామా చేస్తూనే ఉంది.
from Telugu Movie News | Movie News in Telugu | Movie Gossips in Telugu https://ift.tt/31e66Gz
v
No comments:
Post a Comment