టాలీవుడ్ సినీ ఇండస్ట్రీలో బండ్ల గణేష్‌ది ప్రత్యేకమైన స్థానం. కమెడియన్‌‌గా కెరీర్ ఆరంభించి నిర్మాతగా సెట్టయి ఇప్పుడు హీరోగా అవతారమెత్తిన బండ్ల గణేష్ ఏది చేసిన అది సెట్టర్ కావడం ఖాయం అని చెప్పడంలో అతిశయోక్తి లేదు. సినిమాలు, రాజకీయాలే కాదు సామజిక దృక్పథం దానికి తోడు దైవ భక్తి మెండుగా ఉన్న ఈ కమెడియన్ తాజాగా సోషల్ మీడియాలో ట్రెండ్ అవుతున్నారు. అందుకు కారణం ఆయన మంచి మనసు. ఇంతకీ విషయం ఏంటంటారా..? తాజాగా ఓ చిన్నారిని దత్తత తీసుకొని అందరి ప్రశంసలు అందుకుంటున్నారు బండ్లన్న. ఇటీవల ఇచ్చిన ఓ ఇంటర్వ్యూలో తాను ఓ నేపాలీ పాపను పెంచుకుంటున్నట్లు ఆయన పేర్కొన్నారు. అందరూ కుక్కలు, పిల్లులను పెంచుకొని వాటి కోసం చాలా డబ్బులు ఖర్చు చేస్తుంటారని చెప్పిన బండ్ల గణేష్.. తాను మాత్రం ఈ పాపను పెంచుకొని గొప్పగా చదివించాలనుకంటున్నట్లు తెలిపారు. తన భార్య చెప్పిందని ఈ నేపాలీ పాపను దత్తత తీసుకున్నానని చెప్పిన బండ్లన్న.. ఇప్పుడీపాప తమ ఇంట్లో మెంబర్‌ అయిపోయిందని, తమ ఇంట్లో వాళ్లందరినీ బెదిరించే స్థాయికి ఎదిగిందని చెప్పారు. ఇందుకు సంబంధించిన వీడియో నెట్టింట వైరల్‌గా మారడంతో బండ్లన్నపై సర్వత్రా ప్రశంసల వర్షం కురుస్తోంది. దీనిపై ''అన్న నిన్ను నిందించి, అగౌరవ పరిచే అంతా స్థాయి, స్థానం ఈ ఆంధ్రాలో ఏ ఒక్కడికీ లేదు'' అంటూ ఓ నెటిజన్ పెట్టిన కామెంట్ ఆలోచింపజేస్తోంది. ఏదేమైనా సాటి మనిషి పట్ల బండ్ల గణేష్ చూపుతున్న ఆప్యాయతను మెచ్చుకోవాల్సిందే. కరోనా సమయంలో కూడా చాలామందికి తన వంతు సాయం అందించి మంచి మనసు చాటుకున్న .. మరోసారి ఇలా అందరి ప్రశంసలందుకోవడం విశేషం. ఇక బండ్ల గణేష్ సినీ కెరీర్ విషయానికొస్తే.. మరికొద్ది రోజుల్లో 'డేగల బాబ్జి'గా ప్రేక్షకుల ముందుకు రాబోతున్నారు. తెలుగు తెరపై గతంలో చూడని డిఫరెంట్ కథతో రాబోతున్న ఈ సినిమాలో బండ్లన్న హీరోగా నటించారు. రీసెంట్‌గా విడుదల చేసిన ఈ సినిమా ట్రైలర్‌ విశేష స్పందన తెచ్చుకుంది.
from Telugu Movie News | Movie News in Telugu | Movie Gossips in Telugu https://ift.tt/3rh3kuX
v
No comments:
Post a Comment