కోలీవుడ్ అగ్ర క‌థానాయ‌కుడు రజినీకాంత్ గురువారం అనారోగ్యంతో కావేరీ హాస్పిట‌ల్‌లో జాయిన్ అయిన సంగ‌తి తెలిసిందే. దీంతో ఒక్క‌సారిగా ఆయ‌న అభిమానుల్లో ఆందోళ‌న నెల‌కొంది. అయితే రజినీకాంత్ సాధార‌ణ చెక‌ప్ కోస‌మే హాస్పిట‌ల్‌లో చేరిన‌ట్లు కుటుంబ స‌భ్యులు తెలిపారు. అయితే అభిమానుల్లో టెన్ష‌న్ త‌గ్గ‌లేదు. రజినీకాంత్ మెద‌డులోని న‌రాల్లో ఏదో స‌మ‌స్య ఉంద‌నే వార్త ప్రేక్ష‌కాభిమానుల‌ను కంగారు పెట్టింది. దీంతో చికిత్స అందిస్తున్న వైద్యులు శుక్ర‌వారం రజినీకాంత్ హెల్త్ బులెటిన్‌ను విడుద‌ల చేశారు. మెదుడు నాళాల్లో బ్లాక్స్‌ను గుర్తించిన వైద్యులు చికిత్స అందిస్తున్నారు. కొన్ని రోజుల్లోనే చికిత్స పూర్త‌వుతుంద‌ని, ఆయ‌న్ని త్వ‌ర‌లోనే డిశ్చార్జ్ చేస్తామ‌ని డాక్టర్స్ తెలిపారు. ఏడు ప‌దులు వ‌య‌సు మీరిన త‌ర్వాత ర‌జినీకాంత్‌కు అనారోగ్య స‌మ‌స్య‌లు చుట్టుముడుతున్నాయి. రీసెంట్‌గానే ఆయ‌న కుటుంబ స‌భ్యుల‌తో క‌లిసి ఢిల్లీ వెళ్లి ఉప రాష్ట్రప‌తి వెంక‌య్య‌నాయుడు చేతుల మీదుగా దాదాసాహెబ్ ఫాల్కే అవార్డు అందుకున్న సంగ‌తి తెలిసిందే. అలాగే దీపావళి సంద‌ర్భంగా రజినీకాంత్ న‌టించిన ‘పెద్ద‌న్న’(అన్నాత్త) దీపావళి సంద‌ర్భంగా న‌వంబ‌ర్ 4న విడుద‌లవుతుంది. త‌మ త‌లైవ‌ర్ సినిమాను థియేట‌ర్స్‌లో ఘ‌నంగా సెల‌బ్రేట్ చేయాల‌ని ఆయ‌న అభిమానులు అనుకుంటున్న స‌మ‌యంలో ఆయ‌న హాస్పిట‌ల్‌లో జాయిన్ అయ్యార‌నే వార్త అంద‌రిలో టెన్ష‌న్‌కు గురి చేసినా ఇప్పుడు డాక్టర్స్ హెల్త్ బులెటిన్‌ను విడుద‌ల చేయ‌డం అంద‌రికీ కాస్త ఊర‌ట‌ను ఇచ్చే అంశ‌మే. 2011 నుంచి ర‌జినీకాంత్‌కు అనారోగ్య స‌మ‌స్య‌లు ఎక్కువ‌గా వ‌స్తున్నాయి. ఎమెసిస్‌, బ్రాంకైటిస్ వంటి స‌మ‌స్య‌ల‌తో ర‌జినీ చాలా ఇబ్బందులు ప‌డ్డారు. ప్ర‌తి ఏడాది అమెరికాలో రెగ్యుల‌ర్‌గా చికిత్స తీసుకుంటున్నారు. చివ‌ర‌కు అమెరికా వెళ్లి చికిత్స తీసుకున్న త‌ర్వాత మెరుగైంది. త‌ర్వాత రజినీకాంత్ రాజకీయాల్లోకి వెళ్లాల‌ని అనుకుంటున్న స‌మ‌యంలో ర‌క్త‌పోటు అధికం కావ‌డంతో గ‌త ఏడాది డిసెంబ‌ర్‌లో అన్నాత్త షూటింగ్‌ను ఆపేసి రజినీకాంత్ చికిత్స తీసుకున్నారు. ఆరోగ్య ప‌రిస్థితుల రీత్యా, రజినీకాంత్ రాజకీయాల్లోకి రాన‌ని ప్ర‌క‌టించారు.
from Telugu Movie News | Movie News in Telugu | Movie Gossips in Telugu https://ift.tt/3pQkChM
v
No comments:
Post a Comment