నిన్న మొన్నటి వరకు మనతో ఆడి పాడిన వ్య‌క్తి ఈరోజు ఉన్న‌ట్లుండి మ‌న మ‌ధ్య లేరు అనే విష‌యం తెలిస్తే ఎలా ఉంటుంది? మైండ్ బ్లాంక్ అయిపోతుంది. ఇప్పుడు క‌న్న‌డ స్టార్ హీరో కుటుంబ స‌భ్యుల ప‌రిస్థితి అలాగే ఉంది. ఇక శాండిల్‌వుడ్ స‌హా ఇత‌ర ప‌రిశ్ర‌మ‌ల్లోని అభిమానులు, ఇత‌ర న‌టీన‌టులకు ప‌రిస్థితి కూడా ఇలాగే ఉంది. శుక్ర‌వారం ఉద‌యం జిమ్ చేస్తున్న పునీత్ రాజ్‌కుమార్‌కు గుండె నొప్పి రావ‌డం, వెంట‌నే హాస్పిట‌ల్‌కు తీసుకెళ్లినా ఫ‌లితం లేక‌పోవ‌డంతో ఆయ‌న సుదూర లోకాల‌కు వెళ్లిపోవ‌డం జ‌రిగింది. ఈ విషయాన్ని ఎవ‌రూ జీర్ణించుకోలేక‌పోతున్నారు. అంద‌రూ ఆయ‌నతో ఉన్న మ‌ధుర స్మృతుల‌ను గుర్తు చేసుకుంటున్నారు. ఈరోజు పునీత్ రాజ్ కుమార్ అన్న‌య్య శివ రాజ్కుమార్ హీరోగా న‌టించిన ‘జై భ‌జ‌రంగీ 2’ మూవీ విడుద‌లైంది. రాజ్కుమార్ ఫ్యామిలీ అభిమానులు ఎంతో ఆనందంగా ఉన్న స‌మ‌యంలో అంద‌రికీ పునీత్ హఠాన్మ‌ర‌ణం షాక్ ఇచ్చింది. రెండు రోజుల ముందు అంటే అక్టోబ‌ర్ 27న ‘జై భ‌జ‌రంగీ 2’ ప్రీ రిలీజ్ ఈవెంట్ జ‌రిగింది. ఈ వేడుక‌కు హీరో యష్, పునీత్ రాజ్ కుమార్ హాజ‌ర‌య్యారు. ఈ ప్రీ రిలీజ్ ఈవెంట్ వేడుక‌లో స్టేజ్‌పై శివ రాజ్కుమార్, పునీత్ రాజ్కుమార్, యష్ కలిసి స్టెప్పులేశారు. ఇప్పుడు ఆ వీడియో నెట్టింట తెగ వైరల్ అవుతోంది. ఇంత యాక్టివ్‌గా ఉన్న పునీత్ ఈరోజు మ‌న మ‌ధ్య లేర‌న్న విష‌యం అభిమానుల‌కు మింగుడుప‌డ‌టం లేదు. ఎంతో ఫిట్‌గా ఉంటూ రోజూ ఎక్స‌ర్‌సైజులు చేసే పునీత్ రాజ్‌కుమార్‌కు ఉన్న‌ట్లుండి గుండెపోటు వ‌చ్చింది. రెండు కిలోమీట‌ర్ల దూరంలోని విక్ర‌మ్ హాస్పిట‌ల్‌కు తీసుకెళ్లినా లాభం లేక‌పోయింది. ఇప్పుడు పునీత్ రాజ్కుమార్ పార్థివ దేహాన్ని ఆయ‌న స్వ‌గృహంలో ఉంచారు. అక్క‌డ నుంచి కంఠీర‌వ స్టేడియంకు తీసుకెళ‌తారు. అక్క‌డ ప్ర‌జ‌ల సంద‌ర్శనార్థం ఉంచుతారు. రేపు సాయంత్రం అంత్య‌క్రియ‌లు జ‌రుగుతాయి. ప్ర‌స్తుతం పునీత్ రాజ్కుమార్ కుమార్తె అమెరికాలో ఉన్నారు. అక్క‌డ నుంచి ఆమె రేపు బెంగ‌ళూరుకి చేరుకుంటారు. ఆమె తుది చూపు చూసిన త‌ర్వాత పునీత్ రాజ్కుమార్ అంత్య‌క్రియ‌ల‌ను జ‌రుపుతారు.
from Telugu Movie News | Movie News in Telugu | Movie Gossips in Telugu https://ift.tt/3Bm01Ux
v
No comments:
Post a Comment