కోవిడ్ సమయంలో ఆపన్నులకు అండగా నిలబడి రియల్ హీరో అనిపించుకున్న తన సహాయ కార్యక్రమాలను కంటిన్యూ చేస్తూనే ఉన్నాడు. ప్రాంతానికి సంబంధం లేకుండా ఇబ్బందుల్లో ఉన్న వారికి సాయం చేస్తూనే ఉన్నాడీ స్టార్. వివరాల్లోకెళ్తే.. తెలంగాణ రాష్ట్రంలో ఖమ్మం జిల్లాకు చెందిన కంచెపోగు కృష్ణ, బిందుప్రియ దంపతులకు ఈ ఏడాది ఓ బాబు పుట్టాడు. ఆ దంపతులు ఆనందం ఎక్కువసేపు నిలవలేదు. అందుకు కారణం.. పుట్టిన బాబుకు పుట్టుకతోనే గుండెల్లో సమస్య ఏర్పడింది. పుట్టిన బాబులోని సమస్యను గుర్తించిన వైద్యులు.. ఆపరేషన్ చేసేందుకు రూ. ఆరు లక్షలు ఖర్చు అవుతాయని తెలిపారు. కృష్ణ ఓ ప్రైవేటు ఉద్యోగి కావడం.. చిన్నారి వైద్యం కోసం అంత డబ్బు లేకపోవడంతో ఏం చేయాలో తెలియలేదు. పుట్టిన బిడ్డకు దక్కడేమో అని బాధతో దంపతులిద్దరూ తల్లడిల్లిపోయాడు. ఈ క్రమంలో సోషల్ మీడియా ద్వారా ఆంధ్రప్రదేశ్లోని కృష్ణా జిల్లా తిరువూరులో ఉన్న జన విజ్ఞాన వేదిక ప్రతినిధులు తెలుసుకుని సినీనటుడు సోనూసూద్కు తెలిపారు. దీనిపైన వెంటనే స్పందించిన సోనూసూద్..వారిని ముంబై రప్పించుకున్నారు. ముంబై లోని వాడియా ఆస్పత్రిలో ఆ బాబుకు శనివారం గుండె ఆపరేషన్ చేయించారు. ఆపరేషన్ కూడా సక్సెస్ అయింది. ప్రస్తుతం చిన్నారి ఆరోగ్యం కూడా బాగుందని వైద్యులు వెల్లడించారు. వెంటనే స్పందించి చిన్నారికి ఊపిరి పోసినందుకు గాను సోనూసూద్కి కృష్ణ దంపతులు కృతజ్ఞతలు తెలిపారు. కరోనా ఫస్ట్ వేవ్ వచ్చిన సమయంలో ఎందరినో రైళ్లు, బస్సులు, విమానాల ద్వారా వారి గమ్యస్థానాలకు చేర్చడం, కరోనా పేషెంట్స్కు వైద్యం చేసిన జీహెచ్ఎంసీ సిబ్బంది, వైద్యులకు కావాల్సిన సదుపాయాలను కల్పించడం వంటి పనులు చేసి దేశం యావత్తు మంచి పేరు సంపాదించుకున్నారు సోనూసూద్. అలాగే దేశంలో పలు చోట్ల ఆక్సిజన్ ప్లాంట్స్ను ఏర్పాటు చేసి ఆక్సిజన్ సిలిండర్స్ కొరత తీర్చారు. చాలా మంది తమ పిల్లలకు, షాప్స్కు సోనూసూద్ పేరునే పెట్టుకున్నారంటే ఆయనెంత ఇన్స్పైర్ చేశారో అర్థం చేసుకోవచ్చు. ఓ ఫౌండేషన్ను స్టార్ట్ చేసి ఉద్యోగాలు ఇతర సహాయ కార్యక్రమాలను కూడా అందిస్తున్నారు సోనూసూద్.
from Telugu Movie News | Movie News in Telugu | Movie Gossips in Telugu https://ift.tt/3vB7b6k
v
No comments:
Post a Comment