భర్తతో కలిసి మందు కొడుతూ పేకాట.. ఛీ ఛీ సిగ్గు లేదా?..కాజల్‌పై నెటిజన్ల ఆగ్రహం

కొందరు సెలెబ్రిటీలు ఈ మధ్య మరీ హద్దులు దాటుతున్నారు. సామాజిక బాధ్యత అంటూ ఒకటి ఉందని కూడా మరిచిపోతోన్నారు. మద్యం హానికరమని తెలిసినా కూడా జనాలు తాగడం మానేయడం లేదు. అయితే జనాల ఆరోగ్యం పట్ల సెలెబ్రిటీలకు కాస్తైన శ్రద్ద లేదనిపిస్తుంది. పొగాకు, గుట్కా, మద్యం వంటి వాటికి సెలెబ్రిటీలు బ్రాండ్ అంబాసిడర్‌గా వ్యవహరిస్తూ.. ఇంకా చెడగొడుతున్నారు. మొన్నటికి మొన్న అమితాబ్ పొగాకు ఉత్పత్తుల యాడ్ నుంచి తప్పుకున్నాడు. అయితే ఈ మధ్య హీరోయిన్లు సైతం ఆల్కహాల్‌కు సంబంధించిన ప్రకటనల్లో నటిస్తున్నారు. ఆ మధ్య రెజీనా కూడా ఇలానే విస్కీ బ్రాండ్ సిగ్నేచర్‌ను ప్రమోట్ చేస్తూ ఓ యాడ్ చేసింది. అసలే సెలెబ్రిటీలను గుడ్డిగా నమ్మే వారు కోకొల్లలు. ఇలాంటి ఆల్కహాల్‌ను ప్రమోట్ చేస్తే వాటి ప్రభావం ఇంకా ఉంటుంది. కానీ సెలెబ్రిటీలకు మాత్రం కాసింత కూడా సోషల్ రెస్పాన్సిబిలిటీ లేనట్టుగా వ్యవహరిస్తున్నారు. తాజాగా కాజల్ కూడా ఇదే దారిలో నడిచింది. భర్తతో కలిసి మందు కొడుతున్నట్టుగా, పేకాట ఆడుతున్నట్టుగా ఫోటోను షేర్ చేసింది. ఆ ఫోటోలో టీచర్స్ బ్రాండ్‌కు సంబంధించిన మందు బాటిల్ ఉంది. ఇక ఆ ప్రొడక్ట్‌కు సంబంధించిన పోస్ట్ చేసిన కాజల్ ఇప్పుడు నెటిజన్ల ఆగ్రహానికి గురవుతోంది. ఈ పండుగను టీచర్స్ స్మూత్ లిక్విడ్‌తో సెలెబ్రేట్ చేసుకోండి.. ఇదే పర్ఫెక్ట్ కాంబినేషన్.. ఈ విస్కీ బ్రాండ్‌కు అంబాసిడర్‌గా మారినందుకు నాకు కిచ్లూకు ఎంతో ఆనందంగా ఉంది. బాధ్యతగా తాగండి. ఈపోస్ట్ కేవలం పాతికేళ్లు నిండిన వారికే అని చెప్పుకొచ్చింది కాజల్. పండుగకు ఇలా తాగమని ఎంకరేజ్ చేస్తావా? నీకు ఏమైనా డబ్బులు తక్కువగా ఉన్నాయా? ఇలాంటి యాడ్లు కూడా చేస్తున్నావ్? అంటూ నెటిజన్లు రకరకాలుగా కామెంట్లు చేస్తున్నారు. చీ ఛీ అంటూ అసహ్యించుకుంటున్నారు

from Telugu Movie News | Movie News in Telugu | Movie Gossips in Telugu https://ift.tt/3nDugkY
v