Rashmika Mandanna: ‘పుష్ప’లో రష్మిక లుక్ రిలీజ్.. డిఫరెంట్‌గా క‌నిపిస్తోన్న‌ బ్యూటీ

ఐకాన్ స్టార్ అల్లు అర్జున్‌, స్టార్ డైరెక్ట‌ర్ సుకుమార్ కాంబినేష‌న్‌లో రూపొందుతోన్న హ్యాట్రిక్ మూవీ ‘పుష్ప‌’. ఇది రెండు భాగాలుగా రూపొంద‌నుంది. అందులో తొలి భాగం ‘పుష్ప ది రైజ్‌’ విడుద‌ల‌కు స‌న్న‌ద్ధ‌మ‌వుతుంది. పాన్ ఇండియా రేంజ్‌లో రూపొందుతోన్న ఈ చిత్రంలో బ‌న్నీకి జోడీ శాండిల్ వుడ్ బ్యూటీ ర‌ష్మిక మంద‌న్న న‌టిస్తోన్న సంగ‌తి తెలిసిందే. తాజాగా ఈ సినిమా నుంచి ర‌ష్మిక మంద‌న్న పాత్ర ఎలా ఉంటుంది. ఆమె పాత్ర పేరు ఏంట‌ని? విష‌యాన్ని తెలియ‌జేస్తూ చిత్ర యూనిట్ ర‌ష్మిక లుక్‌ను విడుద‌ల చేసింది. సినిమాలో ర‌ష్మిక పాత్ర పేరు శ్రీవ‌ల్లి అనే ఈ పోస్ట‌ర్ ద్వారా తెలియ‌జేసింది చిత్ర యూనిట్. పోస్ట‌ర్‌ను గ‌మ‌నిస్తే.. ర‌ష్మిక అందంగా ముస్తాబ‌వుతుంది. బ‌న్ని ప్రేయ‌సిగా ర‌ష్మిక మంద‌న్న ఎలా ఆక‌ట్టుకుందో తెలుసుకోవాలంటే డిసెంబ‌ర్ వ‌ర‌కు వెయిట్ చేయాల్సిందేన‌ని సినీ వ‌ర్గాలు అంటున్నాయి. తాజా స‌మాచారం మేర‌కు క్రిస్మస్ సందర్భంగా ఈ మూవీలో తొలి భాగం ‘పుష్ప ది రైజ్‌’ను డిసెంబ‌ర్ 17న విడుద‌ల చేయడానికి మేక‌ర్స్ ప్లాన్ చేస్తున్నారు. ద‌స‌రా సంద‌ర్భంగా ఫ్యాన్స్‌కు ట్రీట్ ఇవ్వ‌డానికి ఐకాన్ స్టార్ అండ్ టీమ్ వ‌ర్క్ చేస్తుంది. అందులో భాగంగా ద‌స‌రాకు పుష్ప ది రైజ్ మూవీ నుంచి రెండో సాంగ్‌ను విడుద‌ల చేయ‌డానికి స‌న్నాహాలు చేస్తున్నార‌ట‌. శేషాచ‌ల అడ‌వుల్లో జ‌రిగే ఎర్ర‌చంద‌నం స్మ‌గ్లింగ్ నేప‌థ్యంలో పుష్ప సినిమాను సుకుమార్ ద‌ర్శ‌క‌త్వంలో మైత్రీ మూవీ మేకర్స్‌, ముత్తం శెట్టి మీడియా సంస్థ‌లు నిర్మిస్తున్నాయి. ఇందులో అల్లు అర్జున్ పుష్ప‌రాజ్ అనే లారీ డ్రైవ‌ర్ పాత్ర‌లో క‌నిపించ‌బోతున్నాడు. కాగా.. మలయాళ విల‌క్ష‌ణ హీరో ఫ‌హాద్ ఫాజిల్ ఇందులో మెయిన్ విల‌న్‌గా క‌నిపించ‌బోతున్నాడు. ఇప్ప‌టికే ఈ సినిమాలో బ‌న్ని పాత్ర‌కు సంబంధించిన టీజ‌ర్‌, దాక్కో దాక్కో మేక సాంగ్స్ రిలీజ్ అయ్యాయి. మంచి ఆద‌ర‌ణ‌ను ద‌క్కించుకున్నాయి.

from Telugu Movie News | Movie News in Telugu | Movie Gossips in Telugu https://ift.tt/3ooLULg
v