తొలి సినిమా ‘ఉప్పెన’తో తెలుగు ప్రేక్షకుల గుండెల్లో గూడు కట్టుకుంది . తెలుగు తెరపైకి ‘ఉప్పెన’లా దూసుకొచ్చి యూత్ ఆడియన్స్ మనసు దోచుకుంది ఈ కన్నడ భామ. పక్కింటి అమ్మాయిగా తెలుగు ప్రేక్షకుల హృదయాలను హత్తుకున్న ఈ బ్యూటీపై దర్శక నిర్మాతల కన్ను పడింది. దీంతో ఆమెకు వరుస ఆఫర్స్ తలుపుతడుతున్నాయి. ఇప్పటికే పలు సినిమాలకు సైన్ చేసిన ఆమెకు మరిన్ని ఆఫర్స్ క్యూ కడుతున్నాయట. ఈ నేపథ్యంలో ఆమె తన రెమ్మ్యూనరేషన్ కూడా పెంచేసిందని తెలుస్తోంది. చైల్డ్‌ ఆర్టిస్ట్‌గా, మోడల్‌గా పలు యాడ్స్‌తో ఓ మోస్తారు గుర్తింపు పొందింది కృతి శెట్టి `ఉప్పెన` సినిమాతో హీరోయిన్‌గా ఎంట్రీ ఇచ్చి పెద్దగా అందాల ఆరబోతకు తావివ్వకుండా నాచురల్ నటనతో కట్టిపడేసింది. అయితే ఉప్పెన చిత్రానికి గాను ఆమె తీసుకున్న పారితోషికం కేవలం 6 లక్షలు కాగా.. ఈ మూవీ హిట్టయ్యాక మరో 60 లక్షల వరకు గిఫ్ట్స్ రూపంలో అందుకుందట. ప్రస్తుతం `బంగార్రాజు` సినిమాలో నాగచైతన్య సరసన హీరోయిన్‌గా నటిస్తున్న కృతి.. నానితో `శ్యామ్‌ సింగరాయ్‌`, సుధీర్‌బాబుతో `ఆ అమ్మాయి గురించి మీకు చెప్పాలి`, రామ్‌ పోతినేనితో మరో సినిమాలో భాగమవుతోంది. దీంతో పాటు నితిన్‌తో ‘మాచర్ల నియోజకవర్గం’ సినిమాలోనూ ఆడిపాడుతోంది. ఇలా వరుస ఆఫర్స్ రావడంతో డిమాండ్‌ని దృష్టిపెట్టుకొని పారితోషికాన్ని అమాంతం పెంచిందట ఈ ముద్దుగుమ్మ. ప్రస్తుతం ఆమె రెమ్మ్యూనరేషన్ 80 లక్షలు నడుస్తోందని, ఫ్యూచర్‌లో ఆ మార్క్ మరింత పెరిగే అవకాశం ఉందని అంటున్నారు. చూస్తుంటే ఈ ఏడాది లోనే కృతి పారితోషికం కోటి దాటే ఛాన్సులు కనిపిస్తున్నాయి. ఇది తెలిసి ఏదేమైనా అదృష్టం అంటే కృతిదే అంటున్నారు ఆడియన్స్.
from Telugu Movie News | Movie News in Telugu | Movie Gossips in Telugu https://ift.tt/3kMFF1L
v
No comments:
Post a Comment