అఖిల్ సినిమాపై ఆసక్తి రేపుతున్న మరో అప్‌డేట్.. తొలిసారిగా అలాంటి పాత్రలో పూజా

‘’.. సినిమాతో ఎలాగైనా హిట్ ట్రాక్ ఎక్కేయాలని కుతూహలంగా ఉన్నాడు అక్కినేని వారసుడు అఖిల్. ఈ మేరకు యంగ్ హీరోయిన్ పూజా హెగ్డేతో జతకలిసి ఈ సినిమాకు సంబంధించిన రొమాంటిక్ అప్‌డేట్స్ ఇస్తూ అట్రాక్ట్ చేస్తున్నాడు. ఈ నేపథ్యంలోనే కొద్ది రోజుల క్రితమే ఈ మూవీ నుంచి విడుదల అయిన ‘లెహరాయి’ లిరికల్ సాంగ్‌ ప్రేక్షకులను విశేషంగా ఆకట్టుకుంది. ఈ పాటలో అఖిల్, పూజా హెగ్డేల మధ్య కెమిస్ట్రీ హైలైట్‌గా నిలిచింది. అయితే తాజాగా ఈ సినిమా ట్రైలర్ గురించి కూడా అప్‌డేట్ వచ్చింది. ఈ సినిమా ట్రైలర్‌ను గురువారం సాయంత్రం 6.10 గంటలకు విడుదల అవుతుందంటూ చిత్ర యూనిట్ అధికారికంగా ప్రకటించింది. అయితే ఈ సినిమా నుంచి లేటెస్ట్‌గా ఓ విషయం వైరల్ అవుతోంది. అదేంటంటే.. సినిమాలో పాత్రకు సంబంధించిన వార్త. ఈ సినిమాలో పూజా వర్క్ ఎలా ఉంది తన రోల్ ఏంటి? ఎలా కష్టపడింది అన్న వాటిపై అఖిల్ మరియు దర్శకుడు లేటెస్ట్ ఇంటర్వ్యూలో తెలిపారు. పూజా ఈ సినిమాలో ఒక స్టాండప్ కమెడియన్ రోల్‌లో కనిపిస్తుందని భాస్కర్ తెలిపారు. అయితే ఆమె.. ఎంతో వర్క్ విషయంలో చాలా ఏకాగ్రతతో ఉంటుంది అని.. మనస్పూర్తిగా ఈ సినిమాలో ఆమె నటించింది అంటూ అఖిల్.. పూజాపై ప్రశంసల వర్షం కురిపించారు. ఇక ఈ సినిమా విషయానికొస్తే.. రొమాంటిక్ ఫ్యామిలీ ఎంటర్‌టైనర్‌గా ఈ 'మోస్ట్ ఎలిజిబుల్ బ్యాచ్‌లర్' సినిమా ప్రేక్షకుల ముందుకు రానుంది. జీఏ2 పిక్చ‌ర్స్ బ్యాన‌ర్‌పై మెగా నిర్మాత అల్లు అరవింద్ సమర్పణలో తెరకెక్కుతున్న ఈ సినిమాలో ఇప్పటిదాకా చూపించని డిఫరెంట్ పాయింట్ టచ్ చేస్తున్నారని టాక్. ఈ సినిమా సంక్రాంతి కానుకగా.. వచ్చే ఏడాది 2021, జనవరి 14వ తేదీన విడుదల కానుంది.

from Telugu Movie News | Movie News in Telugu | Movie Gossips in Telugu https://ift.tt/3zVWuf8
v