నా జీవితంలో ఎంతో ప్రత్యేకమైన వ్యక్తి.. భార్య స్నేహా రెడ్డిపై అల్లు అర్జున్ కామెంట్స్ వైరల్

టాలీవుడ్ క్రేజీ కపుల్స్‌లో ఒకటి అల్లు అర్జున్- జోడీ. మార్చి 6, 2011న అంగరంగ వైభవంగా ప్రేమ వివాహం చేసుకున్న ఈ జంట పదేళ్లుగా వైవాహిక జీవితాన్ని ఎంజాయ్ చేస్తున్నారు. తన సినిమాలతో ఎంత బిజీగా ఉన్నా కూడా ఫ్యామిలీ కోసం ప్రత్యేకంగా టైమ్ కేటాయిస్తుంటారు స్టైలిష్ స్టార్. ఈ జంటకు 2014లో కొడుకు అయాన్, 2016లో కూతురు అర్హ పుట్టారు. ఏ మాత్రం వీలు కుదిరినా భార్యాపిల్లలతో ఫ్యామిలీ టూర్స్ వేస్తూ ఎంజాయ్ చేస్తుంటారు . అయితే నేడు (సెప్టెంబర్ 29) అల్లు అర్జున్ సతీమణి స్నేహా రెడ్డి పుట్టినరోజు. ఈ సందర్భంగా భార్యకి ఎంతో స్పెషల్‌గా విషెస్‌ చెబుతూ తన సోషల్ మీడియా ఖాతా ద్వారా ఓ మెమరబుల్, స్పెషల్ ఫొటో షేర్ చేశారు అల్లు అర్జున్. ''నా జీవితంలో ప్రత్యేకమైన వ్యక్తికి పుట్టిన రోజు శుభాకాంక్షలు. నీ లాంటి వ్యక్తి నా జీవితంలో భాగం పంచుకోవడం నిజంగా నా అదృష్టం. ఇలాంటి మరెన్నో జన్మదిన వేడుకల్లో నీతో గడపాలని కోరుకుంటున్నాను. హ్యాపి బర్త్‌ డే క్యూటీ'' అని పేర్కొన్నారు అల్లు అర్జున్. బన్నీ పెట్టిన ఈ పోస్ట్ చూసి పలువురు సినీ ప్రముఖులు, ఆయన ఫ్యాన్స్ స్నేహాకు బర్త్ డే విషెస్ పోస్ట్ చేస్తున్నారు. ఇక అల్లు అర్జున్ కెరీర్ సంగతులంటారా.. ప్రస్తుతం సుకుమార్ దర్శకత్వంలో రూపొందుతున్న 'పుష్ప' మూవీతో బిజీగా ఉన్నారు బన్నీ. ఎర్ర చందనం స్మగ్లింగ్ నేపథ్యంలో తెరకెక్కుతున్న ఈ సినిమాలో రష్మిక మందన్న హీరోయిన్‌గా నటిస్తోంది. బన్నీ- సుకుమార్ హాట్రిక్ మూవీగా రాబోతున్న ఈ సినిమాపై బన్నీ ఫ్యాన్స్ బోలెడన్ని అంచనాలు పెట్టుకున్నారు.

from Telugu Movie News | Movie News in Telugu | Movie Gossips in Telugu https://ift.tt/2Wl64KE
v