లవ్ స్టోరీ 5 డేస్ కలెక్షన్స్.. ఊహించని విధంగా డ్రాప్! కారణం అదేనా..?

అక్కినేని నాగ చైతన్య- సాయి పల్లవి జంటగా రూపొందిన '' మూవీ కలెక్షన్స్ పరంగా ఫర్వాలేదనిపించుకుంటూ దూసుకుపోతోంది. కరోనా దెబ్బకు కుదేలైన సినీ పరిశ్రమ ఇప్పుడిప్పుడే కోలుకుంటున్న తరుణంలో థియేటర్స్‌లో 'లవ్ స్టోరీ' మూవీ రిలీజ్ ట్రేడ్ వర్గాల్లో ఆశలు చిగురింపజేసింది. గత శక్రవారం విడుదలైన ఈ సినిమా మొదటి నాలుగు రోజులు చెప్పుకోదగిన కలెక్షన్స్ రాబట్టి ఐదో రోజు మాత్రం ఊహించని విధంగా డ్రాప్ అయింది. గులాబ్ తుఫాన్ కారణంగా కలెక్షన్స్ కాస్త తగ్గినట్లు చెబుతున్నారు ట్రేడ్ పండితులు. నాలుగో రోజు 2.52 కోట్ల షేర్ అందుకున్న లవ్ స్టోరీ సినిమా ఐదో రోజున కేవలం 1.26 కోట్ల షేర్ సాధించింది. ఈ డ్రాప్‌కి కారణం వర్షాలే అని తెలుస్తోంది. బ్రేక్ ఈవెన్‌కి దగ్గరలో ఉన్న ఈ సినిమా ఈ వీకెండ్ ముగిసే సరికి లాభాల్లోకి వస్తుందని అంటున్నారు. రెండు తెలుగు రాష్ట్రాల్లో మొదటి నాలుగు రోజుల రిపోర్ట్ చూస్తే.. Day 1- 7.13 కోట్లు, Day 2- 5.08 కోట్లు, Day 3- 5.19 కోట్లు, Day 4- 2.52 కోట్లు, Day 5- 1.26 కోట్లు, మొత్తంగా చూస్తే రెండు తెలుగు రాష్ట్రాల్లో కలిపి ఈ నాలుగు రోజుల్లో లవ్ స్టోరీకి 21.18 కోట్లు నికర, 34 కోట్లకుపైగా గ్రాస్ వసూళ్లు లభించాయి. ప్రపంచ వ్యాప్తంగా చూస్తే 26.66 కోట్ల నికర, 46.80 కోట్ల గ్రాస్ వసూలైంది. లవ్ స్టోరీ మూవీ విడుదలకు ముందే భారీ బజ్ నెలకొనడంతో ప్రపంచవ్యాప్తంగా చిత్ర ప్రీ రిలీజ్ బిజినెస్ దాదాపు 31 కోట్ల మేర జరిగింది. దీంతో 32 కోట్ల టార్గెట్ పెట్టుకొని బరిలోకి దిగిన ఈ మూవీ అలవోకగా ఈ మార్క్ అందుకుంటుందని తాజా రిపోర్ట్స్‌ని బట్టి తెలుస్తోంది. మరో 5.34 కోట్ల షేర్ అందుకుంటే ఈ సినిమా బ్రేక్ ఈవెన్ చేరుకున్నట్లే.

from Telugu Movie News | Movie News in Telugu | Movie Gossips in Telugu https://ift.tt/3D0NqHP
v