చివరి క్షణం వరకు చేస్తూనే ఉంటాను.. సుడిగాలి సుధీర్ కామెంట్స్

సుడిగాలి బుల్లితెర, వెండితెరపై చేసే అల్లరి అందరికీ తెలిసిందే. నటుడిగా, మెజిషీయన్, సింగర్, డ్యాన్సర్స, యాక్షన్ ఇలా అన్నింట్లోనూ సుధీర్ తనకు తాను సాటి అని నిరూపించుకున్నారు. అలాంటి సుధీర్ వెండితెరపై హీరోగానూ సక్సెస్ అయ్యేందుకు ప్రయత్నిస్తున్నారు. ఇప్పటికే రెండు సినిమాలతో సుధీర్ హీరోగా తెలుగు ప్రేక్షకులను పలకరించారు. సాఫ్ట్ వేర్ సుధీర్, త్రీ మంకీస్ అంటూ సుధీర్ సిల్వర్ స్క్రీన్ మీద రచ్చ చేశారు. అయితే బుల్లితెరపై సక్సెస్ అయినట్టుగా వెండితెరపై తన మ్యాజిక్‌ను చూపించలేకపోయారు సుధీర్. కానీ ఎలాగైనా సరే వెండితెరపై హీరోగా తన స్టామినాను నిరూపించుకునేందుకు సుధీర్ ప్రయత్నిస్తూనే ఉన్నారు. కాలింగ్ సహస్ర అనే ఓ సినిమాను చేస్తున్నారు. లాక్డౌన్, కరోనా వల్ల ఆ చిత్రం వాయిదా పడుతూనే వస్తోంది. ఇక గాలోడు అనే మరో సినిమాలోనూ సుధీర్ నటిస్తున్నారు. అలా మొత్తానికి బిగ్ స్క్రీన్ మీద సుధీర్ ప్రేక్షకులను ఆకట్టుకునేందుకు ప్రయత్నిస్తూనే ఉన్నారు. అలా అని బుల్లితెరను నిర్లక్ష్యం ఏమీ చేయడం లేదు. ఎక్స్ ట్రా జబర్దస్త్, ఢీ, శ్రీదేవీ డ్రామా కంపెనీ అంటూ ప్రతీ రోజూ ఎంటర్టైన్ చేస్తూనే వస్తున్నారు. ఇక స్పెషల్ ఈవెంట్లు, పండుగ ప్రోగ్రాంలలోనూ సుధీర్ తన హవాను కొనసాగిస్తున్నారు. ఇదే విషయాన్ని సుధీర్ చెప్పుకొచ్చారు. నా మీద ప్రేమ కురిపిస్తున్న ఆడియెన్స్, నా ఫ్యామిలీ, అభిమానులందరికీ ధన్యవాదాలు. మీ ప్రేమ, ఆదరణ ఇలానే ఎప్పుడూ ఉండాలి.. నా చివరి క్షణం వరకు మిమ్మల్ని ఎంటర్టైన్ చేస్తూనే ఉంటాను అని సుధీర్ చెప్పుకొచ్చారు.

from Telugu Movie News | Movie News in Telugu | Movie Gossips in Telugu https://ift.tt/2Y9jR7L
v