KGF Chapter 2 : అంతా సవ్యంగా ఉంటే రాకీ భాయ్ దుమ్ములేపేవాడు!

మామూలుగా అయితే జూలై 16.. రిలీజ్ అవ్వాల్సిన తేదీ. కానీ కరోనా వల్ల అంతా తారుమారైంది. లేదంటే ఈపాటికే దేశమంతా రాకీ భాయ్ పేరుతో మార్మోగిపోయేది. ఎన్నెన్నో రికార్డులు బద్దలయ్యేవి. కొత్త రికార్డులు ఇండస్ట్రీ ముందు సవాళ్లుగా నిలిచేవి. పేరు సోషల్ మీడియాలో ట్రెండ్ అవుతూనే ఉండేది. ఇక అనుకోని విపత్తు వల్ల అన్ని ప్లానింగ్స్ వాయిదా పడ్డాయి. భారీ చిత్రాలు సైతం వెనక్కి వెళ్లాల్సిన పరిస్థితి వచ్చింది. మేకర్ల ప్రణాళికలకు కరోనా గండికొట్టేసింది. అయితే అభిమానులు మాత్రం చాప్టర్ 2 గురించి ఇప్పుడు మాట్లాడుకుంటున్నారు. అంతా సవ్యంగా ఉంటే ఈ పాటికే రాకీ భాయ్ చాప్టర్ 2తో కొత్త శకాన్ని ప్రారంభించేవాడని అభిమానులు కామెంట్లు చేసుకుంటున్నారు. ట్విట్టర్‌లో ఇప్పుడు యశ్ పేరు, KGF Chapter 2లు నెట్టింట్లో ట్రెండ్ అవుతున్నాయి. జూలై 16వ తేదీన సినిమా విడుదల చేయబోతోన్నామని ప్రకటించిన పోస్టర్లను మళ్లీ వెలికి తీస్తున్నారు. వాటిని చూసి సంబరపడిపోతోన్నారు. అయితే మీద ఈ మధ్యే మేకర్స్ అప్డేట్ ఇచ్చారు. ఎప్పుడైతే థియేటర్లు గ్యాంగ్ స్టర్లతో నిండిపోతాయో.. అప్పుడే ఈ మాన్ స్టర్ వస్తాడు అని హింట్ ఇచ్చారు. అంటే అన్ని రాష్ట్రాల్లో థియేటర్లకు వంద శాతం ఆక్యుపెన్సీకి పర్మిషన్ ఇచ్చినప్పుడే చాప్టర్ 2ను రిలీజ్ చేస్తామని మేకర్లు చెప్పకనే చెప్పేశారు. అయితే ఆ ఘడియలు ఎప్పుడు వస్తాయో వేచి చూడాల్సిందే. అయితే ప్రస్తుతం మాత్రం సలార్ సినిమాతో బిజీగా ఉన్నారు.

from Telugu Movie News | Movie News in Telugu | Movie Gossips in Telugu https://ift.tt/3wPDsWk
v