మాధురి దీక్షిత్.. గత జనరేషన్ సినీ ప్రేక్షకులకు ఆమె అభిమాన నటి.. అందం, అభినయంతో పాటు ఆమె డ్యాన్స్‌తోనూ ఎందరినో అలరించారు మాధురి. దశాబ్ధకాలం పాటు బాలీవుడ్ ఇండస్ట్రీలో నెం.1 నటిగా ఆమె కొనసాగారు. ఆ తర్వాత కూడా పలు సినిమాలు చేసిన ఆమె.. తనదైన శైలీ నటనతో ప్రేక్షకులకు వినోదాన్ని పంచారు. ఇక 2008లో భారత ప్రభుత్వం ఆమెను పద్మశ్రీ పురస్కారంతో సన్మానించింది. మాధురి నటన కంటే ఆమె డ్యాన్స్‌కి ఎక్కువ మంది ఫ్యాన్స్ ఉన్నారు. ఎన్నో అద్భుతమైన చిత్రాల్లో నటించిన ఆమె చివరిగా రెండు సంవత్సరాల క్రితం విడుదలైన ‘కలంక్‌’ అనే సినిమాలో వెండితెరపై కనిపించారు. అయితే ప్రస్తుతం సినిమాలు కాకుండా టీవీ షోలలో జడ్జిగా చూస్తూ బిజీగా ఉన్నారు మాధురి. ఓ ప్రముఖ ఛానెల్లో ప్రసారమవుతున్న డ్యాన్స్ షోకి ఆమె జడ్జిగా వ్యవహరిస్తున్నారు. అయితే ప్రస్తుతం ఏ ఇండస్ట్రీలో చూసిన బయోపిక్‌ల హవా నడుస్తోంది. మరి ఈ నేపథ్యంలో బయోపిక్ తీస్తే అందులో ఎవరు నటిస్తే బాగుంటుంది అనే సందేహం ప్రతీ అభిమాని మదిలో ఉంటుంది. అయితే మాధురి బయోపిక్‌లో నటించేందుకు నేను సిద్ధంగా ఉన్నాను అంటోంది ఓ బాలీవుడ్ నటి. ఆమె . బాలీవుడ్‌తో పాటు.. టాలీవుడ్‌లో పలు ప్రత్యేక పాటల్లో తన అందంతో, గ్లామర్‌తో పాటు.. డ్యాన్స్‌తోనూ కూడా ప్రేక్షకులను అలరించింది ఈ భామ. నోరా చేసే డ్యాన్స్ స్టైల్ మరెవరికి లేదు అనడంలో ఎలాంటి అతిశయోక్తి లేదు. అయితే కొద్ది రోజుల క్రితం తన యూట్యూబ్ ఛానెల్లో ఆమె మాట్లాడుతూ.. మాధురి దీక్షిత్ తన ఆరాధ్య నటి అని.. ఒకవేళ ఆమె బయోపిక్ తీస్తే అందులో నటించేందుకు సిద్ధంగా ఉన్నానని పేర్కొంది. తాజాగా మాధురి జడ్జిగా వ్యవహరిస్తున్న డ్యాన్స్ షోకి అతిథిగా వెళ్లిన నోరా.. ‘డోలారే డోలారే డోలా’ పాటలో మాధురి ధరించిన కాస్ట్యూమ్‌ను ధరించి వెళ్లింది. మరి దీని బట్టి మాధురి బయోపిక్‌లో నటించాలని నోరాకు ఎంత ఆశగా ఉందో అర్థం అవుతోంది.
from Telugu Movie News | Movie News in Telugu | Movie Gossips in Telugu https://ift.tt/3ff6CIq
v
No comments:
Post a Comment