ఏ ఇండస్ట్రీలో అయిన సహజంగానే హీరోలకంటే హీరోయిన్ల రెమ్యూనరేషన్ తక్కువగా ఉంటుంది. మొదటి నుంచి పురుషాధిక్యం ఉండటం వల్లనో.. లేదా ఇతర కారణాల చేతనో ఇది ఇప్పటికీ కొనసాగుతూ వస్తుంది. ఒక సాధారణ హీరోకి ఉన్న రెమ్యూనరేషన్ కూడా స్టార్ హీరోయిన్‌కి ఉన్న రెమ్యూనరేషన్ కంటే ఎక్కువగానే ఉంటుంది. అయితే ఒక హీరో ఎక్కువ డబ్బులు డిమాండ్ చేస్తే దాన్ని గొప్పగా చెప్పుకొనే అభిమానులు ఒక హీరోయిన్ ఎక్కువ డబ్బులు డిమాండ్ చేస్తే మాత్రం ట్రోల్ చేస్తారు. అసలు నీకు అంత రెమ్యూనరేషన్ అవసరమా అంటూ నిలదీస్తారు. సరిగ్గా కొద్ది రోజుల క్రితం బాలీవుడ్ సీనియర్ నటి విషయంలో ఇదే జరిగింది. ఓ పౌరాణిక సినిమాలో ఆమెని సీత పాత్రలో నటించాలని కోరాగా.. ఆమె రూ.12 కోట్లు రెమ్యూనరేషన్ డిమాండ్ చేశారట. దీంతో ఆమెపై సోషల్‌మీడియాలో ఆగ్రహజ్వాలలు పుట్టుకొచ్చాయి. ఆమెను ఇండస్ట్రీలో నుంచి తప్పించాలంటూ నెటిజన్లు డిమాండ్ చేయడం ప్రారంభించారు. ‘బాయ్‌కాట్ బెబో’ అంటూ ఓ హ్యాష్‌ట్యాగ్‌ని కూడా సోషల్‌మీడియాలో వైరల్ చేశారు. అయితే దీనంతటికీ కారణం ఆమె ఎక్కువ రెమ్యూనరేషన్ డిమాండ్ చేయడమే అని తెలిసింది. ఈ నేపథ్యంలో పలువు ఇండస్ట్రీ ప్రముఖులు కరీనాకు అండగా నిలిచారు. తాజాగా ప్రస్తుతం ట్రెండింగ్‌లో ఉన్న హీరోయిన్ కూడా కరీనాకు తన సపోర్ట్‌ ఇచ్చింది. తాజాగా ఓ ఇంటర్వ్యూలో ఆమె మాట్లాడుతూ.. ‘‘ఆమెకు ఉన్న మార్కెట్ ప్రకారం ఆమె రెమ్యూనరేషన్ అడిగింది. అలా అడగడంలో తప్పేముంది. హీరోయిన్లు పెద్ద మొత్తం డిమాండ్ చేసినప్పుడు గోల చేసేవాళ్లు.. హీరోలు అలా చేసినప్పుడు నోరు ఎందుకు మెదపరు. అయినా రెమ్యూనరేషన్ అనేది నటుల హక్కు.. అయితే ఎంత ఇవ్వాలి అనేది నిర్మాత నిర్ణయం’’ అని పూజా హెగ్డే పేర్కొంది.
from Telugu Movie News | Movie News in Telugu | Movie Gossips in Telugu https://ift.tt/3lg9CYL
v
No comments:
Post a Comment