‘తిమ్మరుసు’ రివ్యూ.. సత్యదేవ్ కేసు గెలిచినట్టే!

యువ నటుడు సత్యదేవ్.. బ్రిలియంట్ యాక్టర్ అని తన విలక్షణ నటనతో ఇప్పటికే నిరూపించుకున్నాడు. ఒక పరిపూర్ణ నటుడుకి ఉండాల్సిన క్వాలిటీస్ అన్నీ సత్యదేవ్‌లో ఉన్నప్పటికీ స్టార్ హీరో ఇమేజ్ మాత్రం అందని ద్రాక్షగానే మిగిలిపోయింది. అయితే ‘తిమ్మరుసు’ చిత్రంతో థియేటర్స్‌ని రీ ఓపెన్ చేయించిన సత్యదేవ్ స్టార్ హీరో అనిపించుకున్నాడా? సెకండ్ వేవ్ తరువాత థియేటర్స్‌లో ‘తిమ్మరుసు’ పండుగ వాతావరణాన్ని తీసుకుని వచ్చాడా అన్నది సమీక్షలో చూద్దాం. ఇన్నాళ్లూ మంచి కంటెంట్ ఉన్న కథల్ని ఎంచుకున్న సత్యదేవ్.. తన పంథా కొనసాగిస్తూ.. ఈసారి ‘తిమ్మరుసు’గా ప్రేక్షకుల ముందుకు వచ్చాడు. ‘బీర్బల్ త్రయం కేస్ 1: ఫైండింగ్ వజ్రముని’ అనే కన్నడ చిత్రానికి ఇది రీమేక్ కాగా.. కొరియన్ మూవీ ‘న్యూ ట్రయల్’ ఆధారంగా ఈ చిత్రాన్ని రూపొందించారు. ఎంగేజింగ్ మర్డర్ ఇన్వెస్టిగేషన్‌తో చిత్ర కథ మొదలౌతుంది. సత్యదేవ్ సినిమా జర్నీ మొదలుపెట్టింది 2011లోనే కాగా.. ఈ చిత్రం కూడా 2011 నేపథ్యంలోనే ప్రారంభం అవుతుంది. యావజ్జీవ శిక్షను తప్పించడానికి లాయరు చేసే పోరాటమే ‘తిమ్మరుసు’. చేయని తప్పుకి శిక్ష అనుభవిస్తున్న ఓ ఖైదీని లాయర్ రామ్ (సత్యదేవ్) ఎలా కాపాడాడు? అన్నదే కథ. ఒక బార్‌లో పనిచేస్తున్న వాసు (అంకిత్) డ్యూటీ ముగించుకుని ఇంటికి వెళ్తున్న టైంలో అరవింద్ అనే క్యాబ్ డ్రైవర్‌ని దారుణంగా హత్య చేస్తారు. నిందితుడు పారిపోతుండగా.. వాసు పోలీసులకు సమాచారం ఇస్తాడు. అయితే ఆ కేసులో వాసుని ఇరికిస్తాడు పోలీస్ ఇన్ స్పెక్టర్ భూప‌తిరాజు (అజయ్). దీంతో చేయని నేరానికి ఎనిమిదేళ్లు శిక్ష అనుభవించి బెయిల్‌పై బయటకు వస్తాడు వాసు. ఆ కేసుని రీ ఓపెన్ చేయించి అతని కోసం పోరాడతాడు రామ్. అయితే ఆ కేసుకి రామ్‌కి సంబంధం ఏంటి? ఆ చనిపోయిన అరవింద్ ఎవరు? ఇంతకీ హత్య చేసింది ఎవరు? అన్నదే మిగిలిన కథ. కోర్టు డ్రామా నేపథ్యంలో వచ్చిన కథలు చాలావరకూ సక్సెస్ అయ్యాయి. అయితే వాదనలు ఎక్కువైతే జనం బోర్ ఫీల్ అయ్యే ప్రమాదం ఉంటుంది. అందుకే ‘తిమ్మరుసు’లో వాదనల జోలికి పెద్దగా పోకుండా కేవలం మర్డర్ ఇన్వెస్టిగేషన్‌తో కథను నడిపారు దర్శకుడు శరణ్ కొప్పిశెట్టి. కేవలం 39 రోజుల్లోనే సినిమాని కంప్లీట్ చేయడం కొసమెరుపు కాగా.. ఎంత వేగంగా అయితే షూటింగ్ కంప్లీట్ చేశారో.. ఈ చిత్రంలోని స్క్రీన్ ప్లే కూడా అంతే వేగంగా పరిగెడుతున్నట్టుగానే ఉంటుంది. చిన్న చిన్న లాజిక్‌లు మిస్ అయినా పాత్రల్లో ఉన్న పర్ఫెక్షన్ ప్రేక్షకుల్ని నిరాశ పరచదు. నెక్స్ట్ ఏం జరుగుతుందనే థ్రిల్‌ని మిస్ కాకుండా కథను ఆసక్తికరంగా మలచడంలో దర్శకుడు సక్సెస్ అయ్యాడు. ఇంటర్వెల్ ట్విస్ట్‌తో సినిమాపై ఆసక్తిని పెంచాడు. క్రైమ్ థ్రిల్లర్ చిత్రాలకు ఉండాల్సిన ప్రాథమిక సూత్రం.. ఆడియన్స్‌ని కథలో ఇన్వాల్వ్ చేయడం.. నెక్స్ట్ ఏం జరుగుతుందనే క్యూరియాసిటీ క్రియేట్ చేయడం.. ‘తిమ్మరుసు’లో ఈ మ్యాజిక్ అక్కడక్కడా కనిపిస్తుంది కానీ.. అదే ఫ్లో కంటిన్యూ చేయలేకపోవడం లోటుగా కనిపిస్తుంది. మర్డర్ వెనుక ఉన్నమిస్టరీని కనిపెట్టే ప్రయత్నంలో ఎన్నో చిక్కుముడులు.. ఆ చిక్కుముడిని విప్పే ప్రయత్నంలో మరో ట్విస్ట్.. కన్నడ కథను రీమేక్ చేసినా అందులోని ఒరిజినాలిటీ మాత్రం పోగొట్టకుండా ‘తిమ్మరుసు’ని ఆసక్తికరంగానే మలిచాడు దర్శకుడు. అయితే క్లైమాక్స్ ఏదో ఉంటుందని భారీ హైప్ ఇచ్చి చివర్లో ఓస్ ఇంతేనా అనేట్టుగా చేశారు. నిజానికి ఈ మర్డర్ మిస్టరీకి కథ కొసరంతే కానీ కథనమే ప్రధాన బలం. హీరో క్యారెక్టర్‌ను ఎస్టాబ్లిష్ చేయడానికి అనవసరమైన హంగామా చేయకుండా సింపుల్‌గా కథలోకి తీసుకుని వెళ్లారు. కథానాయకుడి కోసం కథ అని కాకుండా.. కథ కోసం కథానాయకుడు అన్నట్టుగా హీరో పాత్ర ఉంటుంది. ఎవరైనా లాయర్ కేసు గెలిస్తే బైక్ నుంచి కారుకి వెళ్తారు.. కానీ రామ్ కారు నుంచి బైక్‌కి వచ్చాడు.. లాంటి చిన్న డైలాగ్ ద్వారా హీరో పాత్ర స్వభావం ఏంటన్నది చాలా చమత్కారంగా చూపించాడు దర్శకుడు. గతంలో కూడా సత్యదేవ్ థ్రిల్లర్ చిత్రాలను చేశాడు కానీ.. అందులో యాక్షన్ ఎపిసోడ్స్ లోటుగా కనిపిస్తుంది.. కానీ ఈ చిత్రంలో వాటిని ఫుల్ ఫిల్ చేశాడు సత్యదేవ్. లిఫ్ట్ ఫైట్ సినిమాలో హైలైట్ కాగా.. యాక్షన్ సీన్స్‌‌కి కూడా తాను చేయగలనని చూపించాడు సత్య దేవ్. ఇక కథలో కీలకమైన పాత్ర వాసు.. ఈ పాత్రలో అద్భుతంగా నటించాడు అంకిత్. అతని చుట్టూనే కథ నడుస్తుంది. ఇక హీరోకి అసిస్టెంట్ లాయర్‌గా నటించిన ప్రియాంక జవాల్కర్‌కి పెద్ద ఇంపార్టెన్స్ లేదు. ఈసినిమాలో సాంగ్స్ లేవు కాబట్టి.. హీరోకి ప్రియురాలి పాత్రలో సెటిల్ అయిపోయింది. ఇక బ్రహ్మాజీ.. సుధాకర్ పాత్రలో అదరగొట్టేశాడు.. అతని ప్రతి పంచ్‌కి థియేటర్స్‌లో నవ్వులు వినిపించాయి. హీరోతో పాటు జర్నీ చేసి లాయర్ పాత్రలో ఫుల్ లెంగ్త్ రోల్ చేశాడు బ్రహ్మాజీ. క్రిమినల్ లాయర్‌గా కనిపించిన రవిబాబు ఉన్నంతలో పర్వాలేదు. ఇక ఝాన్సీ, అజయ్, హర్ష, ప్రదీప్ తమ పాత్రలకు న్యాయం చేశారు. శ్రీచరణ్ నేపథ్య సంగీతం సినిమాకి ప్లస్ కాగా.. అప్పు ప్రభాకర్ కెమెరాపనితనం బాగుంది. హీరో సత్యదేవ్‌ని లాయర్‌గా బాగా చూపించారు. ప్రొడక్షన్ వాల్యూస్ సినిమాకి తగ్గట్టుగానే ఉన్నాయి. చివరిగా.. ‘తిమ్మరుసు’ కేసుతో పాటు బాక్సాఫీస్‌ని గెలిచినట్టే!!

from Telugu Movie News | Movie News in Telugu | Movie Gossips in Telugu https://ift.tt/3ldKwd8
v