మరోసారి చరణ్‌ జోడీగా ఆమెనే ఫిక్స్.. శంకర్-చెర్రీ మూవీపై మరో క్రేజీ అప్‌డేట్

‘ధృవ’, ‘రంగస్థలం’ సినిమాల తర్వాత మెగా పవర్‌స్టార్ రేంజ్ ఎక్కడికో వెళ్లిపోయింది. అప్పటివరకూ ఆయన్ని ట్రోల్ చేసిన వాళ్లందరూ ఆ సినిమాల తర్వాత ఆయనకు అభిమానులకుగా మారిపోయారు. అయితే ఆ తర్వాత వచ్చిన ‘వినయ విధేయ రామ’ సినిమా కాస్త నిరాశ పరిచినప్పటికీ.. చరణ్‌కు ఉండే క్రేజ్ మాత్రం తగ్గలేదు. ప్రస్తుతం చరణ్ దర్శకధీరుడు రాజమౌళి దర్శకత్వంలో ‘ఆర్ఆర్ఆర్’ అనే సినిమాలో నటిస్తున్నాడు. ఈ సినిమాలో ఆయనతో పాటు యంగ్ టైగర్ ఎన్టీఆర్ కూడా హీరోగా చేస్తున్నారు. భారీ మల్టీస్టారర్‌గా రూపొందుతున్న ఈ సినిమాపై భారీగా అంచనాలు ఉన్నాయి. దీంతో పాటు.. తన తండ్రి మెగాస్టార్ చిరంజీవి హీరోగా ఆయనే నిర్మాతగా వ్యవహరిస్తున్న ‘ఆచార్య’ సినిమాలో కూడా ఓ కీలక పాత్రలో నటిస్తున్నాడు రామ్ చరణ్. ఇక ఈ రెండు సినిమాల తర్వాత చరణ్ మరో భారీ ప్రాజెక్ట్‌తో ప్రేక్షకులను పలకరించనున్నాడు. అదే దర్శకుడు , రామ్ చరణ్ కాంబినేషన్‌లో వస్తున్న సినిమా. ఇప్పటికే ఈ సినిమా గురించి ప్రకటన వచ్చి చాలాకాలమే అయింది. శ్రీ వెంకటేశ్వర క్రియేషన్స్ బ్యానర్‌పై ఈ సినిమాను నిర్మిస్తున్నారు. పాన్ ఇండియా ప్రాజెక్టుగా ఈ సినిమా రూపొందనుంది. అయితే ప్రకటన వచ్చినప్పటి నుంచి ఈ సినిమా గురించి ఎన్నో రూమర్లు పుట్టుకొచ్చాయి. ఈ సినిమాలో చరణ్ ముఖ్యమంత్రిగా కనిపించనున్నాడని. ‘ఒకే ఒక్కడు’ స్టైల్‌లో ఈ సినిమా ఉండబోతుంది అని ఎవరికి తోచిన విధంగా వాళ్లు రాసుకొచ్చారు. అయితే ఇప్పుడు ఈ సినిమాలో నటించే హీరోయిన్‌ గురించి ఓ వార్త సోషల్‌మీడియాలో వైరల్ అవుతోంది. యంగ్ హీరోయిన్ ఈ సినిమాలో చరణ్ సరసన నటించనుందని టాక్. ప్రస్తుతం వీరిద్దరు ‘ఆర్ఆర్ఆర్’ సినిమాలో వీరిద్దరు జోడీ కట్టారు. సినిమా విడుదల కాకముందే ఈ జోడీపై భారీగా అంచనాలు ఉన్నాయి. మరి దీనిపై స్పష్టత రావాలంటే ఇంకొన్ని రోజులు ఎదురుచూడాల్సిందే.

from Telugu Movie News | Movie News in Telugu | Movie Gossips in Telugu https://ift.tt/3BWlULN
v