సమంతపై సీనియర్ నటుడు షాకింగ్ కామెంట్స్.. అలా చేసినందుకు సారీ చెప్పి తీరాలంటూ డిమాండ్

అక్కినేని కోడలు, టాలీవుడ్ స్టార్ హీరోయిన్ ప్రధాన పాత్రలో రూపొంది ఇటీవలే ప్రేక్షకుల ముందుకొచ్చింది 'ది ఫ్యామిలీ మ్యాన్ 2'. 'ది ఫ్యామిలీ మ్యాన్' వెబ్ సిరీస్‌కు సీక్వెల్‌గా వచ్చిన ఈ మూవీపై విడుదలకు ముందు నుంచే వివాదాలు చుట్టుముట్టిన సంగతి తెలిసిందే. ఆ పరిస్థితుల నడుమ రీసెంట్‌గానే అమెజాన్ ప్రైమ్‌ వేదికగా విడుదలైన ఈ వెబ్ సిరీస్ ప్రస్తుతం సక్సెస్ ఫుల్‌గా స్ట్రీమింగ్ అవుతోంది. మరోవైపు ఈ సినిమాపై మొదలైన వివాదం రోజురోజుకూ ముదురుతోంది. తాజాగా ఈ ఇష్యూపై సీనియర్ నటుడు స్పందించారు. ఈ వెబ్ సిరీస్‌లో శ్రీలంకకు చెందిన తమిళ యువతిగా సమంత న‌టించింది. మొదటిసారి భారీ యాక్షన్ సన్నివేశాల్లో ఆమె కనిపించింది. అయితే ఇందులో సమంత తమిళ యువతిగా నెగెటివ్ రోల్‌ పోషించడంతో త‌మిళ‌నాడు ప్ర‌జ‌లు మండిప‌డున్నారు. ఈ వెబ్ సిరీస్‌ తమిళ ప్రజల మనోభావాలను కించపరిచేలా ఉందని పేర్కొంటూ విమర్శలు గుప్పిస్తున్నారు. ఈ నేపథ్యంలో తాజాగా ఓ ఆంగ్ల పత్రికతో మాటాడిన నటుడు మనోబాల.. ఇలాంటి సిరీస్‌లో నటించినందుకు సమంత సారీ చెప్పాల్సిందే అంటూ డిమాండ్ చేశారు. 'ది ఫ్యామిలీ మ్యాన్ 2' తమిళుల మనోభావాలను దెబ్బతీసేలా ఉందని, ఇలాంటి వెబ్ సిరీస్‌లో నటించే ముందు సమంత ఆలోచించి ఓకే చెప్పాల్సిందని మనోబాల అన్నారు. దీనిపై వ్యతిరేకంగా తమ పోరాటం ఆగదని ఆయన తెలిపారు. మరోవైపు కోలీవుడ్ సీనియర్ డైరెక్టర్ కూడా మండిప‌డ్డారు. తమిళ జాతికి వ్యతిరేకంగా ఈ వెబ్‌ సిరీస్ రూపొందించారని పేర్కొన్న ఆయన, ఈ వెబ్ సిరీస్ ప్రసారం ఆపేయాలంటూ వినతులు అందించినా కూడా కేంద్ర ప్రభుత్వం పట్టించుకోకపోవడం బాధాకరమని అన్నారు. ఇప్పటికైనా వెంటనే ఈ వెబ్ సిరీస్ స్ట్రీమింగ్ ఆపేయాలని, లేదంటే అమెజాన్‌ సంస్థపై పోరాటం చేయడానికి కూడా సిద్దమే అని ఆయన వార్నింగ్ ఇవ్వడం విశేషం.

from Telugu Movie News | Movie News in Telugu | Movie Gossips in Telugu https://ift.tt/3v8qlyi
v