అకీరా ఎంట్రీ కన్ఫామ్.. హీరో అంటూ బడా ప్రొడ్యూసర్ కామెంట్.. అర్థమదేనా?

పవర్ స్టార్ తనయుడు అకీరా నందన్‌కు సోషల్ మీడియాలో ఉండే ఫాలోయింగ్ గురించి అందరికీ తెలిసిందే. టాలీవుడ్ స్టార్ హీరోలకంటే ఎక్కువగా క్రేజ్ ఉంది. అకీరాకు సంబంధించిన ఏ చిన్న విషయమైనా సరే సోషల్ మీడియాలో ట్రెండ్ అవ్వాల్సిందే. అలాంటిది పవన్ కళ్యాణ్, పక్కపక్కనే నిల్చున్న ఫోటోలు ఇంకెలా వైరల్ అవుతుంటాయో అర్థం చేసుకోవచ్చు. మామూలుగానే అకీరా సోషల్ మీడియా ప్రపంచానికి దూరంగా తన లోకమేదో తానే అన్నట్టుగా బతుకుతాడు. అకీరా ఫోటోలు కూడా సోషల్ మీడియాలో ఎక్కువగా కనిపించవు. అకీరాను చూపించండి అంటూ రేణూ దేశాయ్‌కి అభిమానులు ఎన్నిసార్లు రిక్వెస్ట్‌లు పెట్టినా కూడా నవ్వుతూ తిరస్కరిస్తుంటారు. అకీరాకు అలాంటివి ఇష్టముండవు, ఫోటోలు దిగడు అంటూ దాట వేస్తుంటారు. అయితే ఎప్పుడైనా సందర్భాను సారంగా అకీరా బయటకు వస్తే కొన్ని ఫోటోలు నెట్టింట్లో చక్కర్లు కొడుతుంటాయి. ఆ మధ్య అకీరా పంచెకట్టు ఫోటోలు సోషల్ మీడియాను ఊపేశాయి. అంతకు ముందు నిహారిక పెళ్లిలో దిగిన అకీరా ఫోటోలు నెట్టింట్లో హల్చల్ చేశాయి. ఇలా ప్రతీసారి అకీరా ఫోటోలు హాట్ టాపిక్ అవుతుంటాయి. తాజాగా తండ్రితో కలిసి ఉన్న అకీరా ఫోటోలు చూపి పవర్ స్టార్ అభిమానులు మురిసిపోతోన్నారు. ఇక ఇలాంటి ఫోటోలు బయటకు వస్తే.. ఆయన భక్తుడు ఊరికే ఉంటారా?. తన స్టైల్లో స్వామి భక్తిని ప్రదర్శించేయరూ. అంతేజోష్ అంతే స్పీడులో తన మాటల తూటాలను తీశారు. నా దేవుడితో నా హీరో అంటూ అదిరిపోయే కామెంట్ చేశారు. ఇక్కడ అకీరాను హీరో అనడంతో ఎన్నో అనుమానాలు వచ్చేశాయి. కొంపదీసి అకీరా ఎంట్రీ బండ్ల గణేష్ చూసుకుంటున్నారా? అంటూ నెటిజన్లు జుట్టు పీక్కుంటున్నారు. మొత్తానికి అకీరా ఎంట్రీ ఉంటుందని ఇలా పరోక్షంగా చెప్పావా? బండ్లన్న అని కామెంట్లు పెడుతున్నారు.

from Telugu Movie News | Movie News in Telugu | Movie Gossips in Telugu https://ift.tt/3c7JIRv
v