ఏది సంతోషాన్ని ఇస్తే అదే చేయండి.. లావణ్య త్రిపాఠి కొటేషన్ వైరల్

టాలీవుడ్ బ్యూటీ సోషల్ మీడియాలో ఎంత సరదాగా ఉంటుందో అందరికీ తెలిసిందే. అందాల రాక్షసి సినిమాతో అందరినీ కట్టిపడేసిన లావణ్య కెరీర్ భలేభలే మగాడివోయ్ సినిమాతో పీక్స్‌కు వెళ్లింది. అయితే మళ్లీ కెరీర్ కాస్త స్లో అయింది. అయితే అర్జున్ సురవరం సినిమాతో మళ్లీ సక్సెస్ బాట పట్టారు. అలా లావణ్యకు మళ్లీ ఆఫర్లు పెరిగాయి. చివరగా లావణ్య త్రిపాఠి ఏ1 ఎక్స్ ప్రెస్, చావు కబురు చల్లగా చిత్రాలతో అలరించారు. ఇందులో ఏ1 ఎక్స్ ప్రెస్ సినిమా ఓ మోస్తరుగా ఆడింది. ఇందులో హాకి ప్లేయర్‌గా లావణ్య త్రిపాఠి నటించారు. సినిమా పర్వాలేదనిపించడంతో పాటు ఆమె నటనకూ మంచి మార్కులే పడ్డాయి. ఇక ఎన్నో అంచనాల నడుము వచ్చిన చావు కబురు చల్లగా సినిమా బోల్తా కొట్టేసింది. కెరీర్‌లో మొదటిసారిగా డిఫరెంట్ పాత్రను పోషించిన లావణ్యకు సినిమా ఫ్లాప్ అవ్వడంతో ఎదురుదెబ్బ తగిలినట్టైంది. లావణ్య త్రిపాఠి ఈ మధ్య తన ఫిట్ నెస్ మీద ఎక్కువగా దృష్టి పెట్టినట్టు కనిపిస్తోంది. రాశీ ఖన్నా, నిహారిక, లావణ్య త్రిపాఠి వంటి వారంతా ఒకప్పుడు వర్కవుట్లతో హల్చల్ చేసేవారు. ఇప్పుడు మాత్రం లావణ్య ఒంటరిగా జిమ్‌లో కష్టపడుతోన్నట్టున్నారు. తాజాగా ఆమె జిమ్‌లో చేస్తోన్న పనుల గురించి చెబుతూ ఓ పోస్ట్ చేశారు. మీకు ఏదైతే సంతోషాన్ని ఇస్తుందో అదే చేయండనే సూక్తిని చెబుతూ తాను దిగిన సెల్ఫీలను షేర్ చేశారు. ప్రస్తుతం లావణ్య ఫోటోలు నెట్టింట్లో వైరల్ అవుతున్నాయి. ప్రస్తుతానికి లావణ్య చేతిలో తెలుగు ప్రాజెక్ట్‌లు లేనట్టు కనిపిస్తోంది.

from Telugu Movie News | Movie News in Telugu | Movie Gossips in Telugu https://ift.tt/3fWfphZ
v